കോഴിക്കോട് കണ്ണംപറമ്പില്‍ ഫര്‍ണിച്ചര്‍ ഗോഡൗണില്‍ തീപ്പിടിത്തം
കോഴിക്കോട്: കണ്ണംപറമ്പില്‍ ഫര്‍ണിച്ചര്‍ ഗോഡൗണില്‍ തീപിടിത്തം. വൈകീട്ട് അഞ്ചു മണിയോടെയാണ് തീപ്പിടിത്തം ഉണ്ടായത്. കെട്ടിടത്തിന്റെ മുകള്‍ നിലയില്‍ പെട്ടന്ന് തീപ്പടരുകയായിരുന്നു എന്നാണ് തൊഴിലാളികള്‍ പറയുന്നത്.
ഫര്‍ണിച്ചര്‍ ജോലി ചെയ്യുന്ന തൊഴിലാളികള്‍ താമസിക്കുന്ന സ്ഥലത്താണ് തീ ആദ്യം പടര്‍ന്നത്. പിന്നീട് താഴേക്കും തീപ്പടര്‍ന്നു. ഇവിടെ ഉണ്ടായിരുന്ന പാചകവാതക സിലിന്‍ഡറുകള്‍ തൊഴിലാളികള്‍ തീ കണ്ട ഉടനെ പുറത്ത് എത്തിച്ചതിനാല്‍ വന്‍ദുരന്തം ഒഴിവായി. മൂന്നു യൂണിറ്റ് ഫയര്‍ ഫോഴ്‌സ് എത്തി തീ അണയ്ക്കാനുള്ള ശ്രമങ്ങള്‍ തുടരുന്നു.
