Connect with us

THALASSERRY

എട്ട് മാസം പ്രായമുള്ള കുഞ്ഞിന്റെ തൊണ്ടയിൽ നിന്നും കൊമ്പൻചെല്ലി വണ്ടിനെ പുറത്തെടുത്തു

Published

on

Share our post

തലശ്ശേരി : എട്ട് മാസം പ്രായമുളള കുഞ്ഞിന്റെ തൊണ്ടയിൽ കുടുങ്ങിയ വണ്ടിനെ പുറത്തെടുത്തു. കോഴിക്കോട് നാദാപുരം പാറക്കടവ് സ്വദേശികളുടെ പെൺകുഞ്ഞിന്റെ തൊണ്ടയിലാണ് കഴിഞ്ഞ ദിവസം കൊമ്പൻ ചെല്ലി ഇനത്തിൽപെട്ട വണ്ട് കുടുങ്ങിയത്.

തലശ്ശേരി ഇന്ദിരാഗാന്ധി സഹകരണ ആശുപത്രിയിൽ നടത്തിയ പരിശോധനയിലാണ് കുഞ്ഞിന്റെ തൊണ്ടയിൽ വണ്ടിനെ കണ്ടെത്തിയത്. ഉടൻ തന്നെ ഡോക്ടർമാർ വണ്ടിനെ പുറത്തെടുത്ത് കുഞ്ഞിന്റെ ജീവൻ രക്ഷിക്കുകയായിരുന്നു.

കഴിഞ്ഞ ദിവസം വൈകിട്ടോടെ നാദാപുരം പാറക്കടവിലാണ് സംഭവം. കളിക്കുന്നതിന് ഇടയിൽ പെട്ടെന്ന് കുഞ്ഞിന് ശ്വാസ തടസ്സം നേരിടുകയായിരുന്നു. ശ്വാസ തടസ്സം ഉണ്ടാകാനുള്ള കാരണമറിയാതെ വീട്ടുകാരും ആകെ ആശങ്കയിലായി. ഉടൻ തന്നെ വീട്ടുകാർ കുഞ്ഞിനെ പാറക്കടവിലെ ക്ലിനിക്കിൽ എത്തിച്ചു.

ഇവിടെ നടത്തിയ പരിശോധനയിൽ എന്താണ് പ്രശ്നമെന്ന് കണ്ടെത്താനായില്ല. തുടർന്ന് രാത്രിയോടെ ഇന്ദിരാഗാന്ധി സഹകരണ ആശുപത്രിയിൽ കുഞ്ഞിനെ എത്തിക്കുക ആയിരുന്നു. അത്യാഹിത വിഭാഗത്തിൽ നടത്തിയ പ്രാഥമിക ചികിത്സയിൽ കുഞ്ഞിന്റെ ആരോഗ്യ നിലയിൽ മാറ്റം വന്നില്ല.

തുടർന്ന് എൻഡോസ്കോപ്പി ചെയ്തു. അപ്പോഴാണ് കൊമ്പൻചെല്ലി വിഭാഗത്തിൽ പെട്ട വലിയ വണ്ട് കുഞ്ഞിന്റെ തൊണ്ടയിൽ കുടുങ്ങിയിട്ടുണ്ടെന്ന് വ്യക്തമായത്. ഉടൻ തന്നെ ആശുപത്രിയിലെ എമർജൻസി വിഭാഗവും കുട്ടികളുടെ വിഭാഗവും ഇഎൻടി വിഭാഗവും സംയുക്തമായി ഇടപെട്ട് കുട്ടിയുടെ തൊണ്ടയിൽ നിന്നും വണ്ടിനെ പുറത്തെടുത്ത് അത്ഭുതകരമായി രക്ഷപ്പെടുത്തുക ആയിരുന്നു.

കുട്ടി ആശുപ്രതിയിൽ സുഖം പ്രാപിച്ചു വരുന്നു. ചികിത്സ വൈകിയിരുന്നു എങ്കിൽ കുട്ടിയുടെ നില ഗുരുതരമാകുമായിരുന്നു എന്ന് ഡോക്ടർമാർ പറഞ്ഞു.


Share our post

THALASSERRY

നിരീക്ഷണ കാമറകളെത്തി; തലശ്ശേരി കടല്‍ത്തീരത്തെ മാലിന്യം തള്ളല്‍ നിലച്ചു

Published

on

Share our post

തലശ്ശേരി : നിരീക്ഷണ കാമറകള്‍ വന്നതോടെ തലശ്ശേരി കടല്‍ത്തീരത്തെ മാലിന്യം തള്ളലിന് അറുതിയായി. മാർച്ച്‌ 27നാണ് കടല്‍ത്തീരത്ത് അത്യാധുനിക നിരീക്ഷണ കാമറകള്‍ സ്ഥാപിച്ചത്. ഒരു ഓട്ടോമാറ്റിക് നമ്ബർ പ്ലേറ്റ് റീഡിങ്ങ് കാമറ ഉള്‍പ്പെടെ അഞ്ച് കാമറകളാണ് തലശ്ശേരി കടല്‍പ്പാലം മുതല്‍ മത്സ്യമാർക്കറ്റ് വരെയുള്ള പരിധിയില്‍ സ്ഥാപിച്ചത്. മാലിന്യം തളളുന്നവരെ കണ്ടെത്തി പിഴ ഉള്‍പ്പെടെ കർശന നടപടികള്‍ ചുമത്തുന്നതിന് നഗരസഭയാണ് കാമറകള്‍ സ്ഥാപിച്ചത്.കടല്‍പാലം പരിസരത്തെ പൊലീസ് എയ്ഡ് പോസ്റ്റിലാണ് കാമറയിലെ നിരീക്ഷണം നടക്കുന്നത്. വാഹനങ്ങളില്‍ കൊണ്ടുവന്നാണ് കാലങ്ങളായി കടല്‍ത്തീരത്ത് ആളുകള്‍ മാലിന്യം തളളിയിരുന്നത്. അറവുമാലിന്യങ്ങളും ആഴുകിയ പഴവർഗങ്ങളും ഹോട്ടല്‍ മാലിന്യങ്ങളുമടക്കം ഇവിടെ നിക്ഷേപിക്കുന്നത് പതിവായിരുന്നു. ഇക്കാരണത്താല്‍ കടല്‍ത്തീരത്ത് നായ ശല്യവും വ്യാപകമാണ്.കടല്‍ക്കരയില്‍ മാലിന്യം തള്ളുന്നത് പതിവായതോടെയാണ് നിരീക്ഷണ കാമറകള്‍ സ്ഥാപിക്കാൻ നഗരസഭ അധികൃതർ മുന്നോട്ടുവന്നത്. വ്യാപാരികളുടെ സഹകരണത്തോടെയാണ് കാമറകള്‍ സ്ഥാപിച്ചത്. കാമറയില്‍ കുടുങ്ങി പിടിവീഴുമെന്ന് തോന്നിയതോടെ മാലിന്യം തളളുന്നവർ പിറകോട്ടു വലിഞ്ഞു. തമിഴ് നാട്ടില്‍ നിന്നടക്കം മത്സ്യം കയറ്റിയെത്തുന്ന ലോറിയുള്‍പ്പെടെയുള്ള വാഹനങ്ങളില്‍ നിന്നുള്ള മലിന ജലം കടപ്പുറം റോഡില്‍ ഒഴുക്കിവിടുന്നതിനും നിരീക്ഷണ കാമറകള്‍ വന്നതോടെ പരിഹാരമായി. മത്സ്യം കയറ്റിപ്പോകുന്ന വാഹനങ്ങളില്‍ നിന്നുള്ള മലിനജലം പുറത്തേക്കൊഴുക്കുന്നതും ഇവിടെ പതിവായിരുന്നു. മലിനജലം കുത്തിയൊഴുകിയ റോഡുകള്‍ കഴിഞ്ഞ ദിവസം മുതല്‍ ക്ലീനാണ്. പൊലീസിന്റെ സഹായത്തോടെയാണ് കടല്‍തീരത്ത് മാലിന്യം തള്ളുന്നവർക്കെതിരെ നഗരസഭ നടപടി കർശനമാക്കിയത്. ഇക്കാര്യത്തില്‍ ഒരു വിട്ടുവീഴ്ചയും വേണ്ടെന്ന് നിയമസഭ സ്പീക്കർ എ.എൻ. ഷംസീർ പൊലീസിനും നിർദേശം നല്‍കിയിട്ടുണ്ട്.


Share our post
Continue Reading

THALASSERRY

പോക്സോ കേസിൽ മുങ്ങിയ പ്രതി പിടിയിൽ

Published

on

Share our post

ത​ല​ശ്ശേ​രി: പോ​ക്സോ കേ​സി​ലെ പ്ര​തി​യെ ത​മി​ഴ്നാ​ട്ടി​ലെ തി​രു​പ്പൂ​ർ ജി​ല്ല​യി​ലെ ധാ​രാ​പു​രം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നി​ന്ന് പി​ടി​കൂ​ടി. 2016 ൽ ​ത​ല​ശ്ശേ​രി സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ലെ പ്ര​തി ത​ല​ശ്ശേ​രി ഗോ​പാ​ല​പേ​ട്ട​യി​ലെ സ​ത്താ​റി​നെ​യാ​ണ് ത​ല​ശ്ശേ​രി പൊ​ലീ​സ് സ്റ്റേ​ഷ​നി​ലെ എ​ൽ.​പി വാ​റ​ന്റ് അ​ന്വേ​ഷി​ക്കു​ന്ന സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ പി. ​റി​ജി​ൽ, സി.​കെ. നി​ധി​ൻ എ​ന്നി​വ​രു​ടെ സ​മ​ർ​ഥ​മാ​യ അ​ന്വേ​ഷ​ണ​ത്തി​ലൂ​ടെ പി​ടി​കൂ​ടി​യ​ത്. കേ​സ് ര​ജി​സ്റ്റ​ർ ചെ​യ്ത​തി​ന് ശേ​ഷം പ്ര​തി​യെ പി​ടി​കൂ​ടാ​നാ​കാ​തെ അ​ബ്സ്കോ​ണ്ടി​ങ് ചാ​ർ​ജ് കൊ​ടു​ത്ത​തി​ന് ശേ​ഷം ഒ​മ്പ​ത് വ​ർ​ഷ​ത്തി​ല​ധി​ക​മാ​യി മു​ങ്ങി ന​ട​ക്കു​ക​യാ​യി​രു​ന്നു പ്ര​തി.പ്ര​തി​യു​ടെ ഒ​രു ഫോ​ട്ടോ പോ​ലും ല​ഭി​ച്ചി​രു​ന്നി​ല്ല. എ​ങ്ങ​നെ​യെ​ങ്കി​ലും പ്ര​തി​യെ ക​ണ്ടെ​ത്ത​ണ​മെ​ന്ന ഉ​റ​ച്ച തീ​രു​മാ​ന​ത്തി​ൽ നി​ര​ന്ത​ര​മാ​യ പ​രി​ശ്ര​മ​ത്തി​ന്റെ ഫ​ല​മാ​യി നൂ​റു​ക​ണ​ക്കി​ന് സ​ത്താ​റു​മാ​രെ ഐ.​സി.​ജെ.​എ​സി​ൽ പ​രി​ശോ​ധി​ച്ച​തി​ൽ​നി​ന്നാ​ണ് ഇ​തേ പേ​രി​ലു​ള്ള ഒ​രാ​ൾ കോ​യ​മ്പ​ത്തൂ​ർ ജ​യി​ലി​ൽ ത​ട​വു​കാ​ര​നാ​യി​രു​ന്ന വി​വ​രം ല​ഭി​ച്ച​ത്.കോ​യ​മ്പ​ത്തൂ​ർ ജ​യി​ലി​ൽ അ​ന്വേ​ഷി​ച്ച​തി​ൽ ത​മി​ഴ്നാ​ട്ടി​ലെ പൊ​ള്ളാ​ച്ചി സി​വി​ൽ സ​പ്ലൈ സി.​ഐ.​ഡി സ്റ്റേ​ഷ​നി​ലെ കേ​സി​ലാ​ണ് ഇ​യാ​ൾ ജ​യി​ലി​ൽ കി​ട​ന്ന​തെ​ന്ന് മ​ന​സ്സി​ലാ​യി. ജ​യി​ലി​ൽ നി​ന്നും പ്ര​തി​യു​ടെ ലോ​ക്ക​ൽ അ​ഡ്ര​സ് ശേ​ഖ​രി​ച്ച് അ​ന്വേ​ഷി​ച്ച​തി​ൽ പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ട്ടോ നാ​ട്ടി​ലെ വി​ശ്വ​സ്ഥ​രെ കാ​ണി​ച്ച് അ​ന്വേ​ഷ​ണം ന​ട​ത്തി​യ​പ്പോ​ൾ പ്ര​തി​യാ​യ സ​ത്താ​റാ​ണെ​ന്ന് വ്യ​ക്ത​മാ​യി. പൊ​ള്ളാ​ച്ചി സ്റ്റേ​ഷ​നി​ൽ നി​ന്നും ല​ഭി​ച്ച പ്ര​തി​യു​ടെ ഫോ​ൺ ന​മ്പ​റി​ന്റെ ലൊ​ക്കേ​ഷ​ൻ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഇ​യാ​ൾ പി​ടി​യി​ലാ​യ​ത്. സി​വി​ൽ പൊ​ലീ​സ് ഓ​ഫി​സ​റാ​യ രോ​ഹി​ത്തും സം​ഘ​ത്തി​ലു​ണ്ടാ​യി​രു​ന്നു.


Share our post
Continue Reading

THALASSERRY

തലശ്ശേരിയിൽ കണ്ണവം സ്വദേശിയായ പൊലീസുകാരൻ ട്രെയിൻ തട്ടി മരിച്ചു

Published

on

Share our post

തലശ്ശേരി: പൊലീസുകാരൻ ട്രെയിൻ തട്ടി മരിച്ചു. പാനൂർ പൊലീസ് സ്റ്റേഷൻ സി.പി.ഒ കണ്ണവം സ്വദേശി മുഹമ്മദാണ് മരിച്ചത്. തലശ്ശേരി റെയിൽവേ സ്റ്റേഷന് സമീപം വന്ദേഭാരത് തട്ടിയാണ് മരണം. പൊലീസ് സ്ഥലത്തെത്തി മൃതദേഹം ആസ്പത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.


Share our post
Continue Reading

Trending

error: Content is protected !!