Social
ഒരു ആപ്പില്‍ രണ്ട് അക്കൗണ്ടുകള്‍; വാട്സാപ്പ് മള്‍ട്ടിപ്പിള്‍ അക്കൗണ്ടിന്റെ ഉപയോഗങ്ങള്‍
ജനപ്രിയ മെസേജിങ് ആപ്ലിക്കേഷനായ വാട്സാപ്പ് അടുത്തിടെയാണ് മള്‍ട്ടിപ്പിള്‍ അക്കൗണ്ട് ഫീച്ചര്‍ അവതരിപ്പിച്ചത്. വാട്സാപ്പ് ആപ്പില്‍ ഒരേ സമയം രണ്ട് അക്കൗണ്ടുകള്‍ ലോഗിന്‍ ചെയ്യാന്‍ ഇതുവഴി സാധിക്കും. ദൈനം ദിന ജീവിതത്തില്‍ വാട്സാപ്പ് ഉപഭോക്താക്കള്‍ക്ക് പല വിധത്തില്‍ പ്രയോജനകരമാണ് ഈ ഫീച്ചര്‍.
മിക്കവാറും ഉപഭോക്താക്കള്‍ തങ്ങളുടെ ഫോണില്‍ രണ്ട് സിം കണക്ഷനുകള്‍ ഉപയോഗിക്കുന്നവരാണ്. ഈ രണ്ട് നമ്പറുകളിലും വാട്സാപ്പ് ഉപയോഗിക്കണമെങ്കില്‍ നിലവില്‍ ആന്‍ഡ്രോയിഡ് ഫോണുകളിലെ ആപ്പ് ക്‌ളോണ്‍ സംവിധാനം ഉപയോഗിക്കേണ്ടിയിരുന്നു. അല്ലെങ്കില്‍ ഒരു നമ്പര്‍ വാട്സാപ്പ് ബിസിനസ് ആപ്പ് അക്കൗണ്ടാക്കി മാറ്റേണ്ടിവരും.
എന്നാല്‍ മള്‍ട്ടിപ്പിള്‍ അക്കൗണ്ട് ഫീച്ചര്‍ എത്തുന്നതോടെ അത് ഉപഭോക്താവിന് കാര്യങ്ങള്‍ കൂടുതല്‍ എളുപ്പമാക്കും.
നിലവില്‍ ആന്‍ഡ്രോയിഡില്‍ മാത്രമാണ് മള്‍ട്ടിപ്പിള്‍ അക്കൗണ്ട് ഫീച്ചര്‍ അവതരിപ്പിച്ചിരിക്കുന്നത്. അതും വാട്സാപ്പ് ബീറ്റാ ഉപഭോക്താക്കള്‍ക്ക് മാത്രം. ഐഒഎസില്‍ ഇതുവരെ എത്തിയിട്ടില്ല.
Whatsapp Settings – Account- Add Account ഓപ്ഷനുകള്‍ തിരഞ്ഞെടുത്ത് രണ്ടാമത്തെ അക്കൗണ്ട് ചേര്‍ക്കാം. പിന്നീട് രണ്ട് അക്കൗണ്ടുകളും മാറി മാറി ഉപയോഗിക്കാം. രണ്ടിലും വെവ്വേറെ പ്രൈവസി സെറ്റിങ്‌സും നോട്ടിഫിക്കേഷന്‍ സെറ്റിങ്‌സും ആയിരിക്കും ആയിരിക്കും.
എന്തെല്ലാമാണ് മള്‍ട്ടിപ്പിള്‍ അക്കൗണ്ട് ഫീച്ചറിന്റെ പ്രയോജനം?
സ്വകാര്യ ആവശ്യത്തിനും ജോലിക്കും പ്രത്യേക നമ്പര്‍ വെക്കാം
പ്രധാനമായും മള്‍ട്ടിപ്പിള്‍ അക്കൗണ്ട് ഫീച്ചറിന്റെ പ്രധാന നേട്ടങ്ങളിലൊന്നാണിത്. വ്യക്തിപരമായ ആവശ്യങ്ങള്‍ക്ക് ഉപയോഗിക്കുന്നതിനായി ഒരു വാട്സാപ്പ് അക്കൗണ്ടും, ജോലി സംബന്ധമായ വ്യവസായ സംബന്ധമായ ഔദ്യോഗിക ആവശ്യങ്ങള്‍ക്കായി മറ്റൊരു അക്കൗണ്ടും ഒരേ ആപ്പില്‍ തന്നെ ലോഗിന്‍ ചെയ്യാനാവും. ഈ രണ്ട് അക്കൗണ്ടുകളും എളുപ്പം മാറ്റി ഉപയോഗിക്കുകയും ചെയ്യാം. വ്യക്തിഗത ചാറ്റുകളും, ഓഫിഷ്യല്‍ ചാറ്റുകളും തമ്മില്‍ കൂടിക്കലരാതെ ചാറ്റുകള്‍ കൂടുതല്‍ സുഗമമാക്കാന്‍ ഈ സംവിധാനത്തിലൂടെ സാധിക്കും.
കച്ചവടക്കാര്‍ക്കും, ഉദ്യോഗസ്ഥര്‍ക്കും രണ്ട് നമ്പര്‍
ചെറുകിട വ്യവസായികളും കച്ചവടക്കാരും അവരുടെ ഉപഭോക്താക്കളുമായി സംവദിക്കുന്നതിനായി വാട്സാപ്പ് ഉപയോഗിക്കാറുണ്ട്. ഇതിന് പുറമെ സെയില്‍സ് ഉദ്യോഗസ്ഥര്‍, സര്‍വീസ് സെന്റര്‍ ജീവനക്കാര്‍, മെക്കാനിക്കുകള്‍ തുടങ്ങി വിവിധ ജോലികള്‍ ചെയ്യുന്നവരും ഉപഭോക്താക്കളെ ബന്ധപ്പെടുന്നതിന് വാട്സാപ്പ് ഉപയോഗിക്കാറുണ്ട്.
ഇവര്‍ക്കെല്ലാം വാട്സാപ്പ് ബിസിനസ് ആപ്പിന്റെ സഹായമില്ലാതെ രണ്ട് അക്കൗണ്ടുകള്‍ ഉപയോഗിക്കാന്‍ വാട്സാപ്പ് ആപ്പിലെ മള്‍ട്ടിപ്പിള്‍ അക്കൗണ്ട് ഫീച്ചറിലൂടെ സാധിക്കും. ഇത് അവരുടെ ഉല്പാദനക്ഷമത വര്‍ധിപ്പിക്കും.
എങ്കിലും വാണിജ്യ ആവശ്യങ്ങള്‍ക്ക് വാട്സാപ്പ് ബിസിനസ് ആപ്പിലെ അധിക സൗകര്യങ്ങള്‍ പ്രയോജനപ്പെടുത്തുന്നതായിരിക്കും കൂടുതല്‍ നല്ലത്.
സഞ്ചാരികള്‍ക്ക് കൂടുതല്‍ സൗകര്യം
രാജ്യം വിട്ട് സഞ്ചരിക്കുന്ന യാത്രികര്‍ക്കും പ്രവാസികള്‍ക്കും അവരുടെ സ്വന്തം നാട്ടിലെ നമ്പര്‍ വാട്‌സാപ്പില്‍ നിലനിര്‍ത്തി തന്നെ മറ്റു രാജ്യങ്ങളിലെ ഫോണ്‍ നമ്പറില്‍ വാട്സാപ്പ് അക്കൗണ്ട ലോഗിന്‍ ചെയ്യാനാവും. നമ്പര്‍ മാറാതെ തന്നെ നാട്ടിലുള്ള ബന്ധുക്കളുമായും സുഹൃത്തുക്കളുമായും ആശയവിനിമയം നടത്താന്‍ ഇത് സഹായിക്കും.
എന്തായാലും വാട്സാപ്പ് മള്‍ട്ടിപ്പിള്‍ അക്കൗണ്ടിനെ ഏറെ പ്രധാനപ്പെട്ടൊരു ഫീച്ചറായാണ് ഉപഭോക്താക്കള്‍ കാണുന്നത്. വാട്‌സാപ്പിന്റെ മുഖ്യ എതിരാളിയായ ടെലഗ്രാം നേരത്തെ തന്നെ മള്‍ട്ടിപ്പിള്‍ അക്കൗണ്ട് ഫീച്ചര്‍ ലഭ്യമാക്കിയിട്ടുണ്ട്. താമസിയാതെ തന്നെ ഈ ഫീച്ചര്‍ വാട്‌സാപ്പിന്റെ സ്റ്റേബിള്‍ വേര്‍ഷനിലേക്ക് എത്തുമെന്ന് കരുതുന്നു.
Social
വാട്‌സാപ്പില്‍ തന്നെ ഡോക്യുമെന്റ് സ്‌കാന്‍ ചെയ്ത് അയക്കാം- ഉപകാരപ്രദമായ പുതിയ ഫീച്ചര്‍ പരിചയപ്പെടാം
ആഗോള തലത്തില്‍ 200 കോടിയിലേറെ ഉപഭോക്താക്കളുള്ള മെസേജിഭ് ആപ്ലിക്കേഷനാണ് വാട്സാപ്പ്. മെറ്റയുടെ ഉടമസ്ഥതയിലുള്ള ഈ മെസേജിങ് ആപ്പില്‍ നിരന്തരം പുതിയ ഫീച്ചറുകള്‍ അവതരിപ്പിക്കപ്പെടാറുണ്ട്. ഇപ്പോഴിതാ ഉപഭോക്താക്കള്‍ക്കായി പുതിയൊരു സൗകര്യം അവതരിപ്പിച്ചിരിക്കുകയാണ് കമ്പനി.ഐഫോണ്‍ ഉപഭോക്താക്കള്‍ക്ക് ഇനി വാട്‌സാപ്പിലെ ക്യാമറ ഉപയോഗിച്ച് ഡോക്യുമെന്റുകള്‍ സ്‌കാന്‍ ചെയ്യാനാവും. നേരത്തെ ഇതിനായി മറ്റ് ആപ്പുകളെ ആശ്രയിക്കേണ്ടിയിരുന്നു. പ്രിന്റ് ചെയ്തതോ എഴുതിയതോ ആയ ഒരു പേപ്പര്‍ സ്‌കാന്‍ ചെയ്ത് പിഡിഎഫ് രൂപത്തില്‍ മറ്റൊരാള്‍ക്ക് അയച്ചുകൊടുക്കുന്നതിനും ഈ സൗകര്യം സഹായിക്കും.
വാട്‌സാപ്പില്‍ എങ്ങനെ ഡോക്യുമെന്റുകള്‍ സ്‌കാന്‍ ചെയ്യാം?
വാട്‌സാപ്പില്‍ ഒരു ചാറ്റ് വിന്‍ഡോ തുറക്കുക
ഇടത് ഭാഗത്ത് താഴെ ആയുള്ള + ബട്ടണ്‍ ടാപ്പ് ചെയ്യുക
ഡോക്യുമെന്റില്‍ ടാപ്പ് ചെയ്യുക
അപ്പോള്‍ സ്‌കാന്‍ ഡോക്യുമെന്റ് ഓപ്ഷന്‍ കാണാം
അതില്‍ ടാപ്പ് ചെയ്താല്‍ ക്യാമറ തുറക്കും.
ഏത് ഡോക്യുമെന്റാണോ പകര്‍ത്തേണ്ടത് അതിന് നേരെ ക്യാമറ പിടിച്ചതിന് ശേഷം ക്ലിക്ക് ചെയ്യുക.
മുഴുവന്‍ പേജുകളും ഈ രീതിയില്‍ പകര്‍ത്തി ക്കഴിഞ്ഞാല്‍ Save ബട്ടണ്‍ ടാപ്പ് ചെയ്യുക.
നിങ്ങള്‍ സ്‌കാന്‍ ചെയ്ത പേജുകള്‍ പിഡിഎഫ് രൂപത്തില്‍ അയക്കാനുള്ള ഓപ്ഷന്‍ കാണാം.
സെന്റ് ബട്ടണ്‍ ടാപ്പ് ചെയ്താല്‍ ഈ ഡോക്യുമെന്റ് മറുവശത്തുള്ളയാള്‍ക്ക് ലഭിക്കും.
Social
‘വാട്‌സ്ആപ്പ് കേശവൻ മാമന്മാരുടെ പണികൾ ഇനി നടക്കില്ല’; റിവേഴ്‌സ് ഇമേജ് സെർച്ച് ഓപ്ഷനുമായി പുതിയ അപ്ഡേറ്റ്
വാട്‌സ്ആപ്പ് ഉപയോഗിക്കുന്നവർ നേരിടുന്ന പ്രധാന പ്രശ്‌നങ്ങളിൽ ഒന്നാണ് വ്യാജ ചിത്രങ്ങളും വ്യാജ വിവരങ്ങളും വാട്‌സ്ആപ്പിലൂടെ പ്രചരിപ്പിക്കുന്നത്. പലപ്പോഴും ഉറവിട കേന്ദ്രം ഏതാണെന്ന് പോലും ഉറപ്പിക്കാതെ പലതരം ചിത്രങ്ങൾ വാട്‌സ്ആപ്പിലൂടെ പ്രചരിക്കാറുണ്ട്.ഇപ്പോഴിതാ ഇത്തരം തലവേദനകൾ അവസാനിപ്പിക്കാനായി പുതിയ ഫീച്ചറുമായി എത്തുകയാണ് വാട്‌സ്ആപ്പ്. വാട്‌സ്ആപ്പിൽ എത്തുന്ന ചിത്രങ്ങൾ നേരിട്ട് ഗൂഗിളിൽ റിവേഴ്‌സ് ഇമേജ് സെർച്ചിന് ഉപയോഗിക്കാൻ സാധിക്കുന്ന ഫീച്ചറാണ് പുതിയതായി തുടങ്ങുന്നത്.വാട്‌സ്ആപ്പ് വെബിലാണ് പുതിയ ഫീച്ചർ ആരംഭിച്ചിരിക്കുന്നത്. ഇതിലൂടെ വാട്‌സ്ആപ്പിൽ എത്തുന്ന ഇമേജുകളുടെ ആധികാരികത വളരെ എളുപ്പത്തിൽ പരിശോധിക്കാനും കണ്ടെത്താനും സാധിക്കും. വാട്ട്സ്ആപ്പ് വെബ് ബീറ്റ വേർഷനാണ് പുതിയ അപ്ഡേറ്റ് നൽകിയിരിക്കുന്നതെന്ന് വാട്ട്സ്ആപ്പ് ട്രാക്ക് ചെയ്യുന്ന വെബ്സൈറ്റായ WABetaInfo റിപ്പോർട്ട് ചെയ്തു.
സന്ദേശങ്ങളും ചിത്രങ്ങളും ഔദ്യോഗിക രേഖകളും ശബ്‌ദ സന്ദേശങ്ങളും കോളുകളും അങ്ങനെ ജീവിതവുമായി അടുത്തുനിൽക്കുന്ന ഒരുപാട് കാര്യങ്ങൾ മറ്റുള്ളവരിലേക്ക് കൈമാറാനുള്ള ഒരു ഒറ്റമൂലിയാണ് നമുക്ക് വാട്സാപ്പ്. മെറ്റയുടെ ഈ മെസഞ്ചർ ആപ്പ് നമ്മൾ മനുഷ്യർ തമ്മിലെ ബന്ധത്തെ വളർത്താൻ ചെയ്യുന്ന സേവനം ചില്ലറയല്ല. ഇപ്പോഴിതാ പുതുവർഷത്തിന് ദിവസങ്ങൾ മാത്രം ബാക്കിനിൽക്കെ വാട്സാപ്പ് ഉപഭോക്താക്കൾക്ക് ഒരു പ്രധാന മുന്നറിയിപ്പ് വന്നിരിക്കുകയാണ്.അടുത്തവർഷം ആദ്യം മുതൽ ചില ഫോണുകളിൽ വാട്സാപ്പ് ലഭ്യമാകാതെയാകും. പ്രധാനമായും ഐഫോണുകളിലാണ് ഇത്. ഐഫോൺ ഉപഭോക്താക്കൾക്ക് ഇതുസംബന്ധിച്ച് വാട്സാപ്പ് സന്ദേശങ്ങൾ അയച്ചുകഴിഞ്ഞു. ഐഫോണിന്റെ ഈ വേർഷനിൽ അടുത്ത വർഷം മുതൽ വാട്സാപ്പ് ലഭിക്കില്ല എന്ന്തന്നെയായിരുന്നു സന്ദേശം. ഐഒഎസ് 12 മുതലുള്ളവയിലാണ് ഇപ്പോൾ വാട്സാപ്പ് പ്രവർത്തിക്കുക. എന്നാൽ മേയ് അഞ്ച് മുതൽ ഐഒഎസ് 15.1 മുതലുള്ളവയിലേ വാട്സാപ്പ് പ്രവർത്തിക്കൂ. ചില ആപ്പിൾ ഫോണുകളിൽ ഐ.ഒ.എസ് 15.1ലേക്ക് അപ്‌ഗ്രേഡ് ചെയ്യാൻ കഴിയും. ഈ ഫോണുകളിൽ ആദ്യം സെറ്റിംഗ്‌സ് എടുക്കുക ശേഷം ജനറൽ എന്നതിൽ ക്ളിക്ക് ചെയ്ത് സോഫ്‌റ്റ്‌വെയർ അപ്ഡേറ്റ് ചോദിക്കുമ്പോൾ അത് നൽകുക. വരും വർഷത്തിൽ വാട്സാപ്പ് ലഭിക്കുന്നത് അവസാനിക്കുന്ന ഫോണുകൾ ഐഫോൺ 5എസ്, ഐഫോൺ 6, ഐ ഫോൺ 6 പ്ളസ് എന്നിവയാണ്.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്‌ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര്‍ കുനിത്തലയില്‍ പടക്കവില്പന ശാലക്ക് സമീപത്തെ സംഘര്‍ഷം;നാലു പേര്‍ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
