കെ.എസ്.ആർ.ടി.സിയ്ക്ക് ടൂർ പാക്കേജ് സർവീസ് നടത്തുന്നതിന് തടസമില്ലെന്ന് ഹൈക്കോടതി
കൊച്ചി: കെ.എസ്.ആർ.ടി.സിയ്ക്ക് ടൂർ പാക്കേജ് സർവീസുകൾ നടത്തുന്നതിന് തടസമില്ലെന്ന് ഹൈക്കോടതി ഉത്തരവ്.
ടൂർ പാക്കേജ് സർവീസുകൾ നടത്തുന്നത് ചോദ്യം ചെയ്ത് സ്വകാര്യ കോൺട്രാക്റ്റ് ക്യാരേജ് ഓപ്പറേറ്റർമാർ നൽകിയ ഹർജി ഹൈക്കോടതി തള്ളി.
ടൂർ പാക്കേജ് സർവീസ് നടത്താൻ കെ.എസ്.ആർ.ടി.സിക്ക് നിയമപരമായ അവകാശമുണ്ടെന്നും പ്രത്യേക സ്ഥലങ്ങളിലേക്ക് ടൂർ സർവീസ് നടത്താനാണ് കെ.എസ്.ആർ.ടി.സിക്ക് പെർമിറ്റ് നൽകിയിട്ടുള്ളതെന്നും ഹൈക്കോടതി വ്യക്തമാക്കി.
ഈ സ്ഥലങ്ങളിലേക്ക് സർവീസ് നടത്താൻ സ്വകാര്യ ഓപ്പറേറ്റർമാർക്ക് സാധിക്കില്ല. അതുകൊണ്ട് സ്വകാര്യ കോൺട്രാക്ട് ഓപ്പറേറ്റർമാരുടെ അവകാശങ്ങൾ ഹനിക്കപ്പെടുന്നില്ലെന്നും ഹൈക്കോടതി വ്യക്തമാക്കി.
