Kannur
ക്ലിനിക്കൽ സൈക്കോളജിസ്റ്റ് നിയമനം നീളുന്നു; എങ്ങുമെത്താതെ ഡിഡാഡ്
കണ്ണൂർ: മൊബൈൽ ഓൺലൈൻ ഗെയിമുകൾക്കും ഇന്റർനെറ്റ് അശ്ലീല സൈറ്റുകൾക്കും അടിമകളായ കുട്ടികളെ തിരിച്ചു കൊണ്ടുവരാൻ തയാറാക്കിയ പൊലീസിന്റെ ഡിഡാഡ് (ഡിജിറ്റൽ ഡി അഡിക്‌ഷൻ) പദ്ധതിക്ക് ഇതുവരെ തുടക്കമായില്ല. കണ്ണൂർ, തിരുവനന്തപുരം, കൊച്ചി, തൃശൂർ, കോഴിക്കോട് എന്നിവിടങ്ങളിലാണ് ഡിഡാഡ് പദ്ധതി നടപ്പാക്കാൻ ഉദ്ദേശിച്ചിരുന്നത്.
എന്നാൽ പദ്ധതിയുടെ സംസ്ഥാനതല പ്രവർത്തനം പോലും ഇതുവരെ തുടങ്ങിയിട്ടില്ല.ജില്ലയിൽ ഓൺലൈൻ ഗെയിമുകളുമായി ബന്ധപ്പെട്ട് നിരവധി കേസുകളാണ് ദിനംപ്രതി റിപ്പോർട്ട് ചെയ്യപ്പെടുന്നത്. ഇത്തരത്തിൽ ലക്ഷങ്ങൾ നഷ്ടപ്പെട്ട കേസുകൾ വരെ പൊലീസിൽ രജിസ്റ്റർ ചെയ്തിട്ടുണ്ട്. ഇത്തരം സാഹചര്യത്തിൽ ജില്ലയിൽ ഉൾപ്പെടെ ഈ പദ്ധതി വലിയ പ്രതീക്ഷയാണ് നൽകുന്നത്.
എന്നാൽ ആവശ്യമായ ക്ലിനിക്കൽ സൈക്കോളജിസ്റ്റുകളെയും കോർഡിനേറ്ററേയും ഇതുവരെ നിയമിക്കാത്തതാണ് പദ്ധതിക്ക് തടസ്സമാകുന്നത്. അഭിമുഖം ഉൾപ്പെടെ കഴിഞ്ഞുവെങ്കിലും നിയമനം നടത്തിയിട്ടില്ല. ജില്ലകളിൽ ഉടൻ നിയമനം നടക്കുമെന്നും സംസ്ഥാന തല ഉദ്ഘാടനം വൈകാതെ ഉണ്ടാകുമെന്നുമാണ് അധികൃതർ പറയുന്നത്.നേരത്തെ പദ്ധതിയുടെ ഉദ്ഘാടനം കഴിഞ്ഞ ഫെബ്രുവരി മാസം മുഖ്യമന്ത്രി നിർവഹിക്കുമെന്നാണ് പറഞ്ഞിരുന്നത്. എന്നാൽ പിന്നീടത് മാർച്ചിലേക്ക് മാറ്റി.
എന്നാൽ ഈ വർഷം അവസാനിക്കാൻ വെറും രണ്ടുമാസം മാത്രം ബാക്കിനിൽക്കെ പദ്ധതി എന്ന് തുടങ്ങുമെന്ന കാര്യത്തിൽ ഉദ്യോഗസ്ഥർക്ക് വ്യക്തമായ മറുപടിയില്ല. നിലവിൽ പൊലീസിന്റെ മറ്റൊരു പദ്ധതിയായ ചിരിയുടെ ഹെൽപ് ലൈൻ നമ്പർ (9497 900 200) തന്നെയാണ് ഡിഡാഡിന്റെയും ഹെൽപ്പ് ലൈൻ നമ്പർ. ഓൺലൈൻ ക്ലാസുകൾ അവസാനിച്ചെങ്കിലും കുട്ടികളിലെ ഫോൺ, കംപ്യൂട്ടർ എന്നിവയുടെ ഉപയോഗത്തിൽ കുറവുവന്നിട്ടില്ല. ചില മുതിർന്ന കുട്ടികൾ അശ്ലീല സൈറ്റുകൾക്കും അടിമകളായെന്ന് രക്ഷിതാക്കൾ പരാതി പറയുന്നുണ്ട്.
ഇപ്പോൾ വരുന്ന കോളുകൾ കോഓർഡിനേറ്ററാണ് കൈകാര്യം ചെയ്യുന്നത്. എന്നാൽ ക്ലിനിക്കൽ സൈക്കോളജിസ്റ്റിന്റെ സേവനം ലഭ്യമായാൽ മാത്രമേ കുട്ടികൾക്ക് കൃത്യമായ കൗൺസിലിംഗ് നൽകാൻ സാധിക്കുകയുള്ളൂ.9497 900 200നിലവിൽ പൊലീസിന്റെ മറ്റൊരു പദ്ധതിയായ ചിരിയുടെ ഹെൽപ് ലൈൻ നമ്പർ (9497 900 200) തന്നെയാണ് ഡിഡാഡിന്റെയും ഹെൽപ്പ് ലൈൻ നമ്പർ.
ഡിജിറ്റൽ ഡി അഡിക്‌ഷൻ (ഡിഡാഡ്)ഡിജിറ്റൽ ആസക്തിയുള്ള 18 വയസുവരെയുള്ളവർക്ക് സൗജന്യ കൗൺസിലിംഗ് നൽകുന്നതാണ് പദ്ധതി. രക്ഷിതാക്കൾക്ക് കുട്ടികളുമായി നേരിട്ട് കേന്ദ്രങ്ങളിലെത്തി പ്രശ്ന പരിഹാരം തേടാവുന്നതാണ്. സ്റ്റുഡന്റ് പൊലീസ് കേഡറ്റുകളുടെയും അദ്ധ്യാപകരുടെയും സഹായത്തോടെ ഇത്തരം കുട്ടികളെ കണ്ടെത്തി പദ്ധതിയുടെ ഭാഗമായി കൗൺസിലിംഗ് നൽകാനും ലക്ഷ്യമിട്ടിരുന്നു.
കൗൺസിലിംഗിലൂടെ പരിഹരിക്കാത്ത പ്രശ്നങ്ങൾ മാനസിക വിദഗ്ദ്ധരുടെ സഹായത്തോടെ പരിഹരിക്കും. ആദ്യഘട്ടത്തിൽ ഓൺലൈനായും കൂടുതൽ കൗൺസിലിംഗ് വേണ്ട കുട്ടികൾക്ക് ജില്ലാ കേന്ദ്രങ്ങളിലെത്തിച്ച് ഓഫ് ലൈനായും സേവനം നൽകുകയാണ് ലക്ഷ്യം. പദ്ധതിക്ക് 1.30 കോടി രൂപയാണ് സംസ്ഥാന സർക്കാർ അനുവദിച്ചത്.
കണ്ണൂർ:ചേലോറ ട്രഞ്ചിങ്ങ്‌ ഗ്രൗണ്ടിൽ മാലിന്യനീക്കത്തിന്റെ മറവിൽ കണ്ണൂർ കോർപറേഷൻ നടത്തിയത്‌ തീവെട്ടിക്കൊള്ള. നീക്കംചെയ്‌ത ഖരമാലിന്യത്തിന്റെ അളവ്‌ കൂട്ടിക്കാണിച്ചാണ്‌ വൻവെട്ടിപ്പ്‌ നടത്തിയത്‌. എജി റിപ്പോർട്ടിലാണ്‌ കരാറിന്റെ മറവിൽ കോർപറേഷൻ നടത്തിയ ക്രമക്കേടുകൾ അക്കമിട്ടുനിരത്തിയത്‌. ചേലോറ ട്രഞ്ചിങ്ങ്‌ ഗ്രൗണ്ടിൽനിന്ന്‌ 73,502 ക്യൂബിക്‌ മീറ്റർ ഖരമാലിന്യം നീക്കംചെയ്യാൻ കരാറെടുത്ത കമ്പനിക്ക്‌ കോർപറേഷൻ നൽകിയത് മൂന്ന്‌ ബില്ലുകളിലായി 2.63 കോടി രൂപയാണ്. എന്നാൽ കോഴിക്കോട് എൻ.ഐ.ടിയുടെ പരിശോധനയിൽ 24,042 ക്യൂബിക്‌ മീറ്റർ മാലിന്യമേ നീക്കിയിട്ടുള്ളൂവെന്ന്‌ കണ്ടെത്തി. ഇതിന്‌ നഗരസഭ നേരത്തേ നിശ്‌ചയിച്ച നിരക്കിൽ നൽകേണ്ടത്‌ 86.07 ലക്ഷം രൂപമാത്രമാണ്‌. 1.77 കോടി രൂപ അധികം നൽകിയതായാണ്‌ കണ്ടെത്തിയത്. ചേലോറ ട്രഞ്ചിങ്ങ്‌ ഗ്രൗണ്ടിലെ ഖരമാലിന്യങ്ങൾ നീക്കുന്നതിന്‌ റോയൽ വെസ്‌റ്റേൺ പ്രൊജക്ട്‌സ്‌, ജൻ ആധാർ സേവാ ഭാരത്‌, മഹീന്ദ്രാ അസോസിയറ്റ്‌സ്‌ എന്നീ കമ്പനികളുടെ കൺസോർഷ്യത്തിനാണ്‌ കണ്ണൂർ കോർപറേഷൻ കരാർ നൽകിയത്.
2022 മെയ്‌ ഏഴിന്‌ ഒപ്പിട്ട കരാറിന്റെ കാലാവധി ഒരുവർഷമായിരുന്നു. എന്നാൽ 2023 ഡിസംബർ 31വരെ കാലാവധി നീട്ടിനൽകി. കരാർ നൽകിയ കൺസോർഷ്യത്തിനെതിരെ അന്നുതന്നെ പരാതിയുയർന്നിരുന്നു. മൂന്ന്‌ വർഷം പ്രവർത്തന പരിചയമുള്ള കമ്പനികളെയാണ്‌ പരിഗണിക്കേണ്ടതെന്നിരിക്കെ ഇത്‌ കാറ്റിൽപ്പറത്തിയാണ്‌ കരാർ നൽകിയത്. ബയോമൈനിങ്ങ്‌ നടത്തി ക്യൂബിക്‌ മീറ്ററിന്‌ 640 രൂപ നിരക്കിൽ മാലിന്യം നീക്കംചെയ്‌ത്‌ ഭൂമി കൈമാറണമെന്നായിരുന്നു കരാർ. എന്നാൽ കരാർവച്ച്‌ രണ്ടുവർഷവും ഏഴുമാസവും കഴിഞ്ഞിട്ടും മാലിന്യം നീക്കിയില്ല. 73,502 ക്യൂബിക്‌മീറ്റർ മാലിന്യം നീക്കിയെന്നാണ്‌ കോർപറേഷന്‌ കമ്പനി കണക്ക്‌ നൽകിയത്. ഇതുപ്രകാരം കോർപറേഷൻ തുകയും കൈമാറി. കോർപറേഷന്റെ എം ബുക്കിൽ 73,502 ക്യൂബിക്‌ മീറ്റർ ഖരമാലിന്യം നീക്കം ചെയ്‌തതായാണ്‌ രേഖപ്പെടുത്തിയിട്ടുള്ളത്‌. എന്നാൽ കോഴിക്കോട് എൻഐടി നടത്തിയ ഡ്രോൺ പരിശോധനയിൽ 24,042 ക്യൂബിക്‌ മീറ്റർ മാലിന്യമേ നീക്കം ചെയ്‌തിട്ടുള്ളൂവെന്ന്‌ കണ്ടെത്തി. 49,460 ക്യൂബിക്‌ മീറ്റർ മാലിന്യം നീക്കം ചെയ്‌തുവെന്നത്‌ കെട്ടിച്ചമച്ച കണക്കാണെന്നാണ്‌ എജി റിപ്പോർട്ടിൽ വ്യക്തമാക്കുന്നത്‌.
മണ്ണും പ്ലാസ്‌റ്റിക്കും വേർതിരിക്കൽമാത്രമാണ്‌ കൂടുതലായും ചേലോറ ട്രഞ്ചിങ്ങ്‌ ഗ്രൗണ്ടിൽ കമ്പനികൾ നടത്തിയത്‌. മാലിന്യത്തിന്റെ നാലിലൊന്നുപോലും നീക്കിയിട്ടില്ല. പുറത്തേക്ക്‌ കൊണ്ടുപോകുന്ന ലോഡുകൾ രേഖപ്പെടുത്താറുമില്ല. വ്യാഴാഴ്‌ച ചേർന്ന കോർപറേഷൻ കൗൺസിൽ യോഗത്തിൽ വികസന സ്ഥിരംസമിതി ചെയർമാനടക്കം ചേലോറയിൽ നടന്നത്‌ വൻ അഴിമതിയാണെന്ന ആരോപണം ഉന്നയിച്ചു. യോഗത്തിൽ അജൻഡയായിരുന്ന വിഷയം ചർച്ചചെയ്യാതെ മാറ്റിവയ്‌ക്കാൻ ഭരണപക്ഷം ശ്രമിച്ചത്‌ വൻപ്രതിഷേധത്തിനാണ്‌ ഇടയാക്കിയത്‌. കമ്പനികളെ തെരഞ്ഞെടുക്കാനുള്ള അവകാശം നൽകണമെന്നാവശ്യപ്പെട്ട്‌ കോടതിയിൽ പോയാണ്‌ കോർപറേഷൻ റോയൽ വെസ്‌റ്റേൺ പ്രൊജക്ട്‌സ്‌ അടക്കമുള്ള കമ്പനികളുമായി കരാറിലെത്തിയത്‌. അതേസമയം കൺസോർഷ്യത്തിലെ ഒരു കമ്പനിക്ക്‌ പണം കൈമാറിയതും വിവാദമായിട്ടുണ്ട്‌. ടി ഒ മോഹനൻ മേയറായിരിക്കെയാണ്‌ ഈ കമ്പനികളുടെ കൺസോർഷ്യവുമായി കരാറൊപ്പിട്ടത്‌. നിലവിൽ മുസ്ലിം ലീഗിലെ മുസ്ലിഹ്‌ മഠത്തിലാണ്‌ മേയർ. നേരത്തേയുണ്ടാക്കിയ കരാറിലെ വെട്ടിപ്പ്‌ പുറത്തുവന്നതോടെ ഉത്തരം പറയേണ്ട ബാധ്യത ഏറ്റെടുക്കാനാവില്ലെന്ന നിലപാടിലാണ്‌ ലീഗ്‌.
കണ്ണൂരിൽ രോഗിയുടെ കണ്ണിൽ നിന്നും ഡോക്ടേഴ്സ് പുറത്തെടുത്തത് 20 മില്ലിമീറ്റർ നീളമുള്ള വിര. കണ്ണിൽ വേദനയും നിറം മാറ്റവുമായി എത്തിയതിന് പിന്നാലെ നടത്തിയ ചികിത്സയിലാണ് വിരയെ പുറത്തെടുത്തത്.കണ്ണൂർ, തലശ്ശേരി പി.കെ, ഐ-കെയർ ആശുപത്രിയിലെ ഡോക്ടർ സിമി മനോജ് കുമാറാണ് ചികിത്സയ്ക്ക് നേതൃത്വം നൽകിയത്. 60 കാരനായ മാഹി സ്വദേശിക്ക് കണ്ണിൽ അസഹ്യമായ വേദന, ആകെ ചുവപ്പ് പടർന്നു.
ഇതോടെയാണ് തലശ്ശേരി പി കെ – ഐ, കെയർ ആശുപത്രിയിലെ ഡോക്ടർ സിമി മനോജ്കുമാറിന് മുന്നിലെത്തിയത്. പിന്നാലെ വിശദമായ പരിശോധന. തുടർന്നാണ് വില്ലനെ കണ്ടെത്തിയത്. സർജറിയിലൂടെ വിരയെ പുറത്തെടുത്തു. ഡിറോഫിലേറിയ സ്പീഷിസിൽ പെട്ട വിരയെ ആണ് കണ്ണിൽ നിന്നും പുറത്തെടുത്തത്.വളർത്തുമൃഗങ്ങളിൽ നിന്നോ കൊതുകിൽ നിന്നോ ആണ് മനുഷ്യരിലേക്ക് ഈ വിര എത്തുന്നത്. രോഗം ബാധിച്ച വളർത്തു മൃഗങ്ങളിൽ നിന്ന് കൊതുകു വഴി വിരയുടെ ലാർവ മനുഷ്യ ശരീരത്തിലേക്ക് പ്രവേശിക്കാം.
എം. ഫിൽ. ഇംഗ്ലീഷ് പുനഃ പരീക്ഷ
കണ്ണൂർ: സർവകലാശാല പഠന വകുപ്പിലെ രണ്ടാം സെമസ്റ്റർ എം.ഫിൽ. ഇംഗ്ലീഷ് (2005 അഡ്മിഷൻ), നവംബർ 2008 പരീക്ഷയുടെ റിസേർച്ച് മെത്തോഡോളജി & ഏരിയ ഓഫ് സ്പെഷ്യലൈസേഷൻ പേപ്പർ -”എ പോസ്റ്റ്കൊളോണിയൽ റീഡിങ് ഓഫ് മഹാശ്വേതാ ദേവിസ് വർക്സ് “സ്തന_ദായിനി”, “രുദാലി” ആൻഡ് “ദ്രൗപദി”-ന്റെ പുനഃപരീക്ഷ 2025 ഫെബ്രുവരി 4 ന് നടത്തുന്നതാണ്.
രണ്ടാം സെമസ്റ്റർ പ്രൈവറ്റ് രജിസ്ട്രേഷൻ ബിരുദാനന്തര ബിരുദ പരീക്ഷ
05.03.2025 ന് ആരംഭിക്കുന്ന രണ്ടാം സെമസ്റ്റർ പ്രൈവറ്റ് രജിസ്ട്രേഷൻ ബിരുദാനന്തര ബിരുദ പരീക്ഷകൾക്ക് പിഴയില്ലാതെ 10.02.2025 മുതൽ 13.02.2025 വരെയും, പിഴയോടുകൂടി 15.02.2025 വരെയും അപേക്ഷ സമർപ്പിക്കാം. പരീക്ഷാ വിജ്ഞാപനം സർവകലാശാല വെബ് സൈറ്റിൽ ലഭ്യമാണ്.
എം. ഫിൽ. ഇംഗ്ലീഷ് പുനഃപരീക്ഷ ഫലം
കണ്ണൂർ സർവകലാശാല പഠനവകുപ്പിലെ എം.എസ്.സി. ബയോടെക്നോളജി പ്രോഗ്രാമിന്റെ ഒന്നാം സെമസ്റ്റർ നവംബർ 2023 വൺ ടൈം മേഴ്‌സി ചാൻസ് (സി.സി.എസ്.എസ്.- സപ്ലിമെന്ററി) 2015-2019 അഡ്മിഷൻ പരീക്ഷകളുടെ ഫലം സർവകലാശാല വെബ്സൈറ്റിൽ ലഭ്യമാണ്. ഉത്തരക്കടലാസുകളുടെ പുനഃപരിശോധന/ സൂക്ഷ്മ പരിശോധന/ ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി 2025 ഫെബ്രുവരി 11.
പരീക്ഷാഫലം
നാലാം സെമസ്റ്റർ എം.എ ഡിസെൻട്രലൈസേഷൻ ആൻറ് ലോക്കൽ ഗവേണൻസ്, പബ്ലിക് പോളിസി ആൻറ് ഡെവലപ്മെൻറ്, സോഷ്യൽ എൻട്രപ്രണേർഷിപ്പ് ആൻറ് ഡെവലപ്മെൻറ് – ഏപ്രിൽ 2024 (റഗുലർ -2022 അഡ്മിഷൻ) പരീക്ഷകളുടെ ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണ്ണയം, ഉത്തരക്കടലാസ് സൂക്ഷ്മപരിശോധന/ പകർപ്പ് എന്നിവയ്ക്കുള്ള അപേക്ഷകൾ സ്വീകരിക്കുന്ന അവസാന തീയ്യതി 12-02-2025, 5 PM
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
