കുടുംബശ്രീ അംഗങ്ങള്‍ക്ക് സി.ഡി.എസിന്‍റെ ഭീഷണി ; തിരികെ സ്കൂളിലെത്തിയില്ലെങ്കില്‍ ആനുകൂല്യങ്ങളില്ല
പാലക്കാട്: കൊഴിഞ്ഞാമ്പാറയിൽ കുടുംബശ്രീയുടെ ‘തിരികെ സ്‌കൂളില്‍’ പരിപാടിയില്‍ പങ്കെടുത്തില്ലെങ്കില്‍ ലോണും ആനുകൂല്യങ്ങളും ലഭിക്കില്ലെന്ന് അംഗങ്ങള്‍ക്ക് സി.ഡി.എസിന്‍റെ ഭീഷണി.
പരിപാടിയില്‍ പങ്കെടുത്തില്ലെങ്കില്‍ അതിന്‍റെതായ ഭീഷണി നേരിടേണ്ടിവരുമെന്ന് പറഞ്ഞതാണ് വാട്സാപ്പ് ഗ്രൂപ്പില്‍ സന്ദേശം നൽകിയത് ക്ലാസില്‍ പങ്കെടുത്തില്ലെങ്കില്‍ ലോണിനും മറ്റ് ആനുകൂല്യങ്ങള്‍ക്കും വരുമ്പോള്‍ പരിഗണിക്കില്ലെന്ന് സന്ദേശത്തില്‍ ക്ലാസില്‍ വരാത്ത ആളുകളെ നോട്ട് ചെയ്ത് വെക്കുമെന്നും ബാങ്കില്‍ ലോണിന് വരുമ്പോള്‍ ഒപ്പിട്ട് തരില്ലെന്നും ഭീഷണിപ്പെടുത്തി .
ഭീഷണിക്കെതിരെ പഞ്ചായത്ത് സെക്രട്ടറിക്ക് പരാതി നല്‍കി. പരാതിയുടെ അടിസ്ഥാനത്തില്‍ സെക്രട്ടറി അന്വേഷണത്തിന് ഉത്തരവിട്ടു.
