PERAVOOR

മഴയിൽ മുളച്ചുപൊങ്ങി നെല്ല് ; കണ്ണീർപ്പാടത്തിൽ കർഷകർ

Published

1 year ago

October 4, 2023

NH newsdesk

Share our post

പേരാവൂർ: കനത്ത മഴയെത്തുടർന്ന് മുളച്ചുതുടങ്ങിയ നെൽക്കതിരിന് മുന്നിൽ കണ്ണീരണിഞ്ഞ് കർഷകർ.പേരാവൂർ ബ്ലോക്ക് പഞ്ചായത്തിന് കീഴിലെ വളയങ്ങാട് പാടശേഖരത്തിൽ കൃഷിയിറക്കിയ 19 കർഷകരാണ് അദ്ധ്വാനമൊന്നാകെ പാഴായിപ്പോകുന്നതിന്റെ സങ്കടത്തിൽ കഴിയുന്നത്.

ദിവസങ്ങളായി പെയ്ത കനത്ത മഴയിൽ ഇവരുടെ നെൽകൃഷി പൂർണ്ണമായും നശിച്ചു. വെള്ളത്തിലേക്ക് വീണ് കിടക്കുന്ന നെൽക്കതിർ മുളച്ചു കഴിഞ്ഞു.ബ്ലോക്കിലെ ഏറ്റവും വലിയ പാടശേഖരമാണ് വളയങ്ങാട് പാടശേഖരം പതിമൂന്നര ഏക്കറിൽ കൃഷി ചെയ്ത നെൽകൃഷിയിൽ പത്തേക്കറിലധികം പാടെ നശിച്ചു.

അടിയന്തരമായി നഷ്ടപരിഹാരം ലഭ്യമാക്കിയില്ലെങ്കിൽ ഇനി നെൽകൃഷി ഉപേക്ഷിക്കേണ്ടി വരുമെന്നാണ് കർഷകർ ഒന്നടങ്കം പറയുന്നത്.വളയങ്ങാട് പാടശേഖരത്തിൽ പൂർണമായും ജൈവ കൃഷിയാണ്. അൻപത് വർഷത്തിലേറെയായി നെൽകൃഷി ചെയ്യുന്ന പരമ്പരാഗത കർഷകരാണ് ഇവരെല്ലാം. മൂന്നര ടൺ വരെ നെല്ല് കിട്ടാൻ തുടങ്ങിയതോടെ പേരാവൂർ റൈസ് എന്ന പേരിൽ ഇവർ വിപണിയിലെത്തിച്ച അരിക്ക് വൻ സ്വീകാര്യത ലഭിച്ചിരുന്നു.

എന്നാൽ നഷ്ടം താങ്ങാനാകാത്തതിനാൽ കഴിഞ്ഞ വർഷം 26 പേരുണ്ടായിരുന്ന സ്ഥാനത്ത് ഇത്തവണ 19 ലേക്ക് കൃഷിക്കാരുടെ എണ്ണം ചുരുങ്ങി. മഴക്കാലത്ത് ചിലവ് കൂടുതലായതും മറ്റു കൃഷികളിൽ കൂടുതൽ വരുമാനമുണ്ടാകുമെന്ന കണക്കുകൂട്ടലിലുമാണ് ബാക്കിയുള്ളവർ പിന്മാറിയതെന്ന് കർഷകർ പറയുന്നു.പ്രതിസന്ധിയെ അതിജീവിച്ച് നെൽക്കൃഷിയിൽ ഉറച്ചുനിന്നവരാണ് ഇപ്പോൾ
പ്രതികൂല കാലാവസ്ഥ മൂലം പിടിച്ചുനിൽക്കാൻ കഴിയാത്ത അവസ്ഥയിലെത്തിയിരിക്കുന്നത്.

കൂടുതൽ കർഷകർ പിന്മാറുന്ന സാഹചര്യത്തിൽ ഇനി നെൽകൃഷി മുന്നോട്ട് കൊണ്ടു പോകാൻ ആവില്ലെന്നാണ് ഈ കർഷകൻ പറയുന്നത്. റോബി മാനുവൽ, ജോസ് വള്ളിയിൽ , വി.എസ്.തോമസ്, ജോഷി അടിച്ചിലമാക്കൽ, ദേവസ്യ ഓരത്തേൽ, ഷൈജു പളളിപ്പറമ്പിൽ, കെ.രാജൻ, ശാന്ത ഭാസ്കരൻ, എം.ജെ.ജോൺ, ജോളി വിച്ചാട്ട്, എ.ജെ. ഷാജു, അറക്കൽ ജെയ്സൺ, കെ.വി.ജോസ്, എൻ.എസ്.സുമതി, ഷീബ കുര്യൻ, എ.ടി.രാമചന്ദ്രൻ ,കെ.ടി. ജോസഫ്, റോസമ്മ ജോർജ് തുടങ്ങിയവരുടെ നെൽ കൃഷിയാണ് നശിച്ചത്.

കർഷകർക്ക് സംഭവിച്ച നഷ്ടം വിലയിരുത്തി കൃഷി വകുപ്പ് സഹായിച്ചില്ലെങ്കിൽ അവശേഷിക്കുന്നവരും കൃഷി ഉപേക്ഷിക്കുകയല്ലാതെ മറ്റ് മാർഗമില്ല- വളയങ്ങാട് പാടശേഖരത്തിലെ കർഷകർ പച്ചക്കപ്പയ്ക്ക് 30 രൂപ ലഭിക്കും പാടശേഖരത്തിലെ ജോബി സെബാസ്റ്റ്യന്റെ മാത്രം ഒന്നര ഏക്കർ നെൽ കൃഷിയാണ് നശിച്ചത്. ഇത്തവണ നല്ല വിളവുമായിരുന്നു.

പാടശേഖരത്തിൽ അവശേഷിക്കുന്നത് മൂന്ന് ഏക്കറോളമാണ്. കൊയ്ത്ത് മെഷീൻ കൊണ്ടുവന്ന് ഇവ കൊയ്തെടുക്കുമ്പോഴുള്ള ചിലവ് ഭാരിച്ച ബാദ്ധ്യതയാണ്.ഇന്നുവരെ ഇല്ലാത്ത ഒരു നഷ്ടത്തിലേക്കാണ് കാര്യങ്ങൾ പോകുന്നത്. ഒരു കിലോ പച്ചക്കപ്പയ്ക്ക് 30 രൂപയുള്ളപ്പോൾ വലിയ മുതൽ മുടക്കുള്ള നെൽകൃഷിയിൽ നിന്ന് തുച്ഛമായ വരുമാനമാണ് ലഭിക്കുന്നത്. പരമ്പരാഗത കൃഷി ഉപേക്ഷിക്കാനുള്ള വിഷമം കൊണ്ടു മാത്രമാണ് ഇവരിൽ പലരും പിടിച്ചു നിൽക്കുന്നത്.

Share our post

PERAVOOR

മലയോരത്തിന് ആവേശമായി പേരാവൂർ മിഡ്‌നൈറ്റ് മാരത്തൺ

Published

2 days ago

November 25, 2024

NH newsdesk

Share our post

പേരാവൂർ: യു.എം.സി പേരാവൂർ യൂണിറ്റ് സംഘടിപ്പിച്ച രണ്ടാമത് നരിതൂക്കിൽ ഗോൾഡ് ആൻഡ് ഡയമണ്ട്‌സ് പേരാവൂർ മിഡനൈറ്റ് മാരത്തൺ മലയോരത്ത് ആവേശമായി. ആയിരത്തിലധികം കായികതാരങ്ങൾ മത്സരിച്ച മാരത്തൺ ശനിയാഴ്ച രാത്രി 11ന് പേരാവൂർ ഡി.വൈ.എസ്.പി കെ.വി.പ്രമോദൻ ഫ്‌ളാഗ് ഓഫ് ചെയ്തു.

പുരുഷ വിഭാഗത്തിൽ പാലക്കാട് അത്‌ലറ്റിക്ക് അക്കാദമി ടീമും വനിതാ വിഭാഗത്തിൽ എം.എൻ.കെ. പാലക്കാടും ജേതാക്കളായി. എറണാകുളം ടീം, ക്യാപ്റ്റൻ അക്കാദമി ചെറുപുഴ എന്നിവ പുരുഷ വിഭാഗത്തിലും പേരാവൂർ അത്‌ലറ്റിക് അക്കാദമി, ക്യാപ്റ്റൻ അക്കാദമി ചെറുപുഴ എന്നിവ വനിതാ വിഭാഗത്തിലും യഥാക്രമം രണ്ടും മൂന്നും സ്ഥാനങ്ങളിലെത്തി.

60 വയസ് കഴിഞ്ഞ പുരുഷ വിഭാഗത്തിൽ പത്രോസ് പുളിക്കൽ, എൻ.മാത്യു, ഇ.ജെ.ജോസഫ്,, പി.ടി.ജോർജ് എന്നിവരടങ്ങുന്ന ടീമും 50 കഴിഞ്ഞ വനിതകളുടെ വിഭാഗത്തിൽ കെ.ശ്യാമള, തമ്പായി, സി.ബിന്ദു, എൻ.പ്രമീള എന്നിവരുടെ ടീമും ജേതാക്കളായി.

പഞ്ചായത്ത് പ്രസിഡന്റ് പി.പി.വേണുഗോപാലൻ, പഞ്ചായത്തംഗങ്ങളായ എം.ശൈലജ, റജീന സിറാജ്എന്നിവർ സമ്മാനങ്ങൾ വിതരണം ചെയ്തു. സൈമൺ മേച്ചേരി, ഷിനോജ് നരിതൂക്കിൽ, കെ.എം.ബഷീർ, വി.കെ.രാധാകൃഷ്ണൻ, വി.കെ.വിനേശൻ, ഒ.ജെ.ബെന്നി, ദിവ്യസ്വരൂപ്, പ്രവീൺ കാറാട്ട്, എ.പി.സുജീഷ്, ഒ.മാത്യു എന്നിവർ നേതൃത്വം നല്കി.

Share our post

PERAVOOR

ബെംഗളൂരു കേന്ദ്രമാക്കി വിസ തട്ടിപ്പ്; മലയാളിയെ പേരാവൂർ പോലീസ് അറസ്റ്റ് ചെയ്തു

Published

4 days ago

November 23, 2024

NH newsdesk

Share our post

പേരാവൂർ : ബെംഗളൂരു കേന്ദ്രമാക്കി വീസ തട്ടിപ്പ് നടത്തി വന്ന മലയാളിയെ പേരാവൂർ പൊലീസ് അറസ്റ്റ് ചെയ്തു. കരിക്കോട്ടക്കരി സ്വദേശി ബിനോയ് ജോർജിനെയാണ് (41) പേരാവൂർ എസ്.ഐ.അബ്ദുൾ നാസർ, എ.എസ്.ഐ മുഹമ്മദ് റഷീദ്, സി.പി.ഒ കെ.ഷിജിത്ത് എന്നിവർ ചേർന്ന് മൈസൂരുവിൽ വച്ച് അറസ്റ്റ് ചെയ്തത്. അയർലൻഡിലേക്ക് വീസ നൽകാമെന്ന് പറഞ്ഞ് ഒരു വർഷം മുൻപ് പേരാവൂർ വെള്ളർവള്ളി സ്വദേശിയായ യുവാവിൽ നിന്ന് 1.7 ലക്ഷം രൂപ ഇയാൾ വാങ്ങിയിരുന്നു. കൂടാതെ കരിക്കോട്ടക്കരി സ്വദേശിയായ യുവാവിൽ നിന്ന് 3.5 ലക്ഷം രൂപ വാങ്ങിയതായും പരാതിയുണ്ട്. വീഡിയോ കോളിൽ ബെംഗളൂരുവിലെ ഓഫിസ് ഇരകൾക്ക് കാണിച്ചു കൊടുത്ത് വിശ്വാസം ജനിപ്പിച്ചാണ് തട്ടിപ്പ് നടത്തിയിരുന്നത്.അയർലൻഡിലെ ഹോട്ടലിൽ ജോലി നൽകാമെന്ന് വാഗ്ദാനം ചെയ്തായിരുന്നു തട്ടിപ്പ്. പണം കൈപ്പറ്റി കഴിഞ്ഞാൽ ഏതാനും ദിവസങ്ങൾക്കുള്ളിൽ ഇയാൾ ഫോൺ നമ്പർ മാറ്റും. ഇയാളെ ഒരാഴ്ചയോളം പിന്തുടർന്ന് കണ്ടെത്തിയാണ് മൈസൂരുവിൽ നിന്ന് പിടികൂടിയത്. ഇയാളുടെ കൂട്ടാളി ഷോബി എന്ന അനിൽകുമാറിനായി പൊലീസ് തിരച്ചിൽ തുടരുകയാണ്.

Share our post

KANICHAR

സി.പി. എം പേരാവൂർ ഏരിയാ സമ്മേളനത്തിന് കോളയാട്ട് ചെങ്കൊടി ഉയർന്നു

Published

4 days ago

November 22, 2024

newshunt admin

Share our post

എം.വിശ്വനാഥൻ

കോളയാട്: സി.പി.എം പേരാവൂർ ഏരിയാ സമ്മേളനത്തിന് പൊതുസമ്മേളന വേദിയായ കോളയാട്ടെ സീതാറാം യെച്ചൂരി നഗറിൽ
സംഘാടകസമിതി ചെയർമാൻ കെ. ടി. ജോസഫ് പതാകയുയർത്തി. വിവിധ സ്മൃതികുടീരങ്ങളിൽനിന്ന് പുറപ്പെട്ട കൊടിമര, പതാക, ദീപശിഖാ ജാഥകൾ താഴെ കോളയാടിൽ സംഗമിച്ച് അത്‌ലറ്റുകൾ, റെഡ് വളണ്ടിയർമാർ എന്നിവരുടെ അകമ്പടിയോടെ പൊതുസമ്മേളന നഗരിയിലെത്തിച്ചു. 22 അനുബന്ധ ദീപശിഖകളും താഴെ കോളയാട് സംഗമിച്ചു. ഏരിയ സെക്രട്ടറി എം.രാജൻ അധ്യക്ഷനായി.

കൊടിമര ജാഥ ജില്ലാ സെക്രട്ടറിയേറ്റംഗം പി .ഹരീന്ദ്രൻ ഉദ്ഘാടനം ചെയ്തു. ജാഥാ ലീഡർ പി .വി. പ്രഭാകരൻ ഏറ്റുവാങ്ങി. പതാകജാഥ സംസ്ഥാന കമ്മറ്റിയംഗം ഡോ. വി ശിവദാസൻ ഉദ്ഘാടനം ചെയ്തു. ജാഥാ ലീഡർ കെ.സുധാകരൻ ഏറ്റുവാങ്ങി. ദീപശിഖാ ജാഥകൾ ജില്ലാ കമ്മറ്റിയംഗം വി. ജി .പദ്മനാഭൻ ഉദ്ഘാടനം ചെയ്തു. ജിജി ജോയ് ഏറ്റുവാങ്ങി. ശനിയാഴ്ച പ്രതിനിധി സമ്മേളനം സംസ്ഥാന കമ്മിറ്റിയംഗം എൻ.ചന്ദ്രനും ഞായറാഴ്ച പൊതുസമ്മേളനം സംസ്ഥാന സെക്രട്ടറിയേറ്റംഗം പി.കെ.ബിജുവും ഉദ്ഘാടനം ചെയ്യും.

Share our post