മാ​ഹി​യി​ൽ നി​ന്നു കടത്തിയ 4000 ലി​റ്റ​ർ ഡീ​സ​ൽ​ പി​ടി​കൂ​ടി; ക​ള്ള​ക്ക​ട​ത്തി​നാ​യി പ്ര​ത്യേ​കം രൂ​പ​കൽപ​ന ചെ​യ്ത വാഹനങ്ങൾ

ത​ല​ശേ​രി: ന​ഗ​ര​ത്തി​ൽ ജി.​എ​സ്ടി എ​ൻ​ഫോ​ഴ്സ്മെ​ന്‍റ് ന​ട​ത്തി​യ മി​ന്ന​ൽ പ​രി​ശോ​ധ​ന​യി​ൽ അ​ന​ധി​കൃ​ത​മാ​യി ക​ട​ത്തു​ക​യാ​യി​രു​ന്ന നാ​ലാ​യി​രം ലി​റ്റ​ർ ഡീ​സ​ൽ പി​ടി​കൂ​ടി.

ജി​.എ​സ്ടി എ​ൻ​ഫോ​ഴ്സ്മെ​ന്‍റ് ഓ​ഫീ​സ​ർ സ​ൽ​ജി​ത്തി​ന്‍റെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ടാ​ങ്ക​റി​ൽ ക​ട​ത്തു​ക​യാ​യി​രു​ന്ന ഡീ​സ​ൽ പി​ടി​കൂ​ടി​യ​ത്. സം​ഘ​ത്തി​ൽ നി​ന്നു നാ​ല​ര ല​ക്ഷം രൂ​പ പി​ഴ​യീ​ടാ​ക്കി.

സ്ക്വാ​ഡി​ലെ അം​ഗ​ങ്ങ​ളാ​യ ശ്രീ​ജേ​ഷ്, അ​നി​ൽ​കു​മാ​ർ, മ​ഹേ​ഷ് എ​ന്നി​വ​ര​ട​ങ്ങി​യ സം​ഘ​മാ​ണ് ഡീ​സ​ൽ പി​ടി​കൂ​ടി​യ​ത്.മാ​ഹി മേ​ഖ​ല​യി​ൽ നി​ന്നു കേ​ര​ള​ത്തി​ലെ വി​വി​ധ ജി​ല്ല​ക​ളി​ലേ​ക്കു ഡീ​സ​ൽ, പെ​ട്രോ​ൾ ക​ട​ത്ത് ത​കൃ​തി​യാ​യി​ട്ടാ​ണ് ന​ട​ന്നു വ​രു​ന്ന​ത്.

ഇ​ത്ത​രം ക​ള്ള​ക്ക​ട​ത്തി​നാ​യി പ്ര​ത്യേ​കം രൂ​പ​ക​ൽ​പന ചെ​യ്ത വാ​ഹ​ന​ങ്ങ​ളും രം​ഗ​ത്തെ​ത്തി​യി​ട്ടു​ണ്ട്. വി​സ​ർ​ജ്യ വ​സ്തു​ക്ക​ൾ കൊ​ണ്ടു പോ​കു​ന്ന വി​ധ​ത്തി​ലും എ​ണ്ണ​ക്ക​ട​ത്ത് ന​ട​ക്കു​ന്നു​ണ്ട്.

കോ​ടി​ക്ക​ണ​ക്കി​നു രൂ​പ​യാ​ണ് ഈ ​ഇ​ന​ത്തി​ൽ സം​സ്ഥാ​ന സ​ർ​ക്കാ​രി​ന് ന​ഷ്ട​പ്പെ​ടു​ന്ന​ത്. മാ​ഹി​യിൽ വിലക്കുറവുള്ളതിനാൽ സ​മീ​പ ​ജി​ല്ല​ക​ളി​ൽ നി​ന്നു നൂ​റു ക​ണ​ക്കി​നു വാ​ഹ​ന​ങ്ങ​ളാ​ണ് ഇവിടെയെ​ത്തി എ​ണ്ണ​യ​ടി​ക്കു​ന്ന​ത്.