മാരക ലഹരി മരുന്നുമായി ഉളിയിൽ സ്വദേശി പിടിയിൽ

കണ്ണൂർ : എക്സൈസ് സ്പെഷ്യൽ സ്‌ക്വാഡ് സർക്കിൾ ഇൻസ്‌പെക്ടറും സംഘവും കൂട്ടുപുഴ എക്സൈസ് ചെക്പോസ്റ്റ് സംഘവും ചേർന്ന് നടത്തിയ വാഹനപരിശോധനയിൽ ഉളിയിൽ സ്വദേശി മുല്ലേരികണ്ടി ഹൌസിൽ എം. കെ.ഗഫൂർ (44) എന്നയാളെ മാരക മയക്കു മരുന്നായ മെത്താഫിറ്റാമിനുമായി അറസ്റ്റ് ചെയ്തു.  ഇയാളുടെ കയ്യിൽ നിന്നും 30.128 ഗ്രാം മെത്താഫിറ്റാമിൻ പിടികൂടി. ഇരിട്ടി, ഉളിയിൽ ഭാഗത്ത് മയക്കു മരുന്നുകൾ വിതരണം ചെയ്യുന്ന സംഘത്തിലെ പ്രധാനിയാണ് അറസ്റ്റിലായ ഗഫൂർ.

എക്സൈസ് ഇൻസ്‌പെക്ടർ രാഹുൽരാജ്, പ്രിവന്റ്റീവ് ഓഫീസർമാരായ കെ.സി. ഷിബു, എ. അസീസ് പ്രിവന്റിവ്‌ ഓഫീസർ ഗ്രേഡ് ടി. ഖാലിദ്, സി. പങ്കജാക്ഷൻ, സിവിൽ എക്സൈസ് ഓഫീസർമാരായ ടി.കെ. ഷാൻ, കെ. സരിൻരാജ്, കെ.വി. സന്തോഷ്‌, എം. സോൾദേവ് എന്നിവരും റെയ്ഡിൽ ഉണ്ടായിരുന്നു.