പാനൂരിൽ ജല പാതയ്ക്കെതിരേ റാലി
പാനൂർ : പരിസ്ഥിതിയെ തകർക്കുകയും കുടിവെള്ളം മുട്ടിക്കുകയും ചെയ്യുന്ന കൃത്രിമ ജലപാത പദ്ധതിക്കെതിരേ ഒക്ടോബർ രണ്ടിന് പരിസ്ഥിതി സംരക്ഷണറാലി നടത്തും. കുന്നോത്തുപീടികയിൽ നിന്ന് പാനൂർ ബസ്‌സ്റ്റാൻഡിൽ സമാപിക്കും.
പൂക്കോം മുസ്‌ലിം എൽ.പി. സ്കൂളിൽ ചേർന്ന പാനൂർ മേഖലാ കമ്മിറ്റിയുടേതാണ് തീരുമാനം. ചെയർമാൻ ദിനേശൻ പച്ചോൾ അധ്യക്ഷത വഹിച്ചു. ജില്ലാ ചെയർമാൻ ഇ. മനീഷ്, സന്തോഷ്‌ ഒടക്കാത്ത്, കെ.പി. പ്രഭാകരൻ, ടി. മനോജ്‌ സാരംഗ്, ഇ.കെ. സുഗതൻ, വി. നിസാർ, വൈ.എം. ഇസ്മായിൽ ഹാജി, കെ.പി. നാരായണൻ, എസ്. കുഞ്ഞിരാമൻ തുടങ്ങിയവർ സംസാരിച്ചു.
