Social
ഐഫോണ്‍ 15, ആപ്പിള്‍ വാച്ച് 9 സീരീസ് ഇന്നെത്തും; എന്തെല്ലാം പ്രതീക്ഷിക്കാം
ആപ്പിള്‍ വീണ്ടും ഒരു വലിയ അവതരണ പരിപാടിക്ക് ഒരുങ്ങുകയാണ്. ‘വണ്ടര്‍ലസ്റ്റ്’ എന്ന് പേരിട്ടിരിക്കുന്ന ഈ പരിപാടിയില്‍ വെച്ച് ഐഫോണ്‍ 15 സ്മാര്‍ട്‌ഫോണുകളും പുതിയ ആപ്പിള്‍ വാച്ചുകളും കമ്പനി അവതരിപ്പിക്കും.
കമ്പനിയുടെ ഔദ്യോഗിക വെബ്‌സൈറ്റ്, യൂട്യൂബ്, സോഷ്യല്‍ മീഡിയാ അക്കൗണ്ടുകള്‍ എന്നിവയിലൂടെ പരിപാടിയുടെ തത്സമയ സ്ട്രീമിങ് കാണാനാവും. സെപ്റ്റംബര്‍ 12 ചൊവ്വാഴ്ച ഇന്ത്യന്‍ സമയം രാത്രി 10.30 നാണ് പരിപാടി.
ഇത്തവണ അഞ്ച് മോഡലുകള്‍
കഴിഞ്ഞ വര്‍ഷം പുറത്തിറക്കിയത് നാല് മോഡലുകളാണ്. ഈ മോഡലുകള്‍ ഇത്തവണയും കമ്പനി നിലനിര്‍ത്തും. എന്നാല്‍ ഇത്തവണ ആപ്പിള്‍ അഞ്ച് ഐഫോണുകള്‍ അവതരിപ്പിക്കുമെന്നാണ് ടിപ്സ്റ്റര്‍ ആയ മജിന്‍ ബു അവകാശപ്പെടുന്നത്. കഴിഞ്ഞ തവണ ഐഫോണ്‍ 14, 14 പ്ലസ്, 14 പ്രോ, 14 പ്രോ മാക്സ് എന്നിങ്ങനെ നാല് ഫോണുകളാണ് അവതരിപ്പിച്ചത്. ഇത്തവണ ഐഫോണ്‍ 15 സീരീസില്‍ പ്ലസ്, പ്രോ, പ്രോമാക്സ് മോഡലുകള്‍ക്കൊപ്പം ഐഫോണ്‍ 15 അള്‍ട്ര മോഡല്‍ കൂടി അവതരിപ്പിക്കുമെന്നാണ് വിവരം.
മുഖ്യ ആകര്‍ഷണം ഐഫോണ്‍ പ്രോ മാക്സ്
പെരിസ്‌കോപ് സൂം ലെന്‍സ് ക്യാമറയുമായെത്തുന്ന ആപ്പിളിന്റെ ആദ്യ സ്മാര്‍ട്‌ഫോണ്‍ എന്ന പ്രത്യേകതയുണ്ട് ഐഫോണ്‍ പ്രോ മാക്‌സിന്. ഇതിന് പുറമെ ടൈറ്റാനിയം മിഡ് ഫ്രെയിമോടെ എത്തുന്ന ഫോണില്‍ ലിപോ സാങ്കേതിക വിദ്യ ഉപയോഗിച്ച് നിര്‍മിച്ച ഒഎല്‍ഇഡി സ്‌ക്രീന്‍ ആണുണ്ടാവുക. കനം കുറഞ്ഞ ബെസലുകളായിരിക്കും ഇതില്‍. വലിയ ബാറ്ററിയും യുഎസ്ബി 3.2 പിന്തുണയ്ക്കുന്ന ടൈപ്പ് സി പോര്‍ട്ടും ഫോണിലുണ്ടാവും.
ഐഫോണ്‍ 14 പ്രോ മോഡലുകളില്‍ അവതരിപ്പിക്കപ്പെട്ട ഡൈനാമിക് ഐലന്‍ഡ് എല്ലാ ഐഫോണ്‍ 15 മോഡലുകളിലും ഉണ്ടാവുമെന്നാണ് വിവരം. 120 ഹെര്‍്ടസ് റിഫ്രഷ് റെറ്റോ ഓള്‍വേയ്‌സ് ഓണ്‍ ഡിസ്‌പ്ലേ സംവിധാനമോ ഫോണിനുണ്ടാവുമെന്നും സൂചനയുണ്ട്.
ആപ്പിള്‍ ഐഫോണുകള്‍ക്ക് വേണ്ടി മുമ്പ് അവതരിപ്പിച്ചിരുന്ന മൃഗത്തൊലി കൊണ്ടുള്ള ലെതര്‍ കെയ്‌സുകള്‍ ഒഴിവാക്കി ഇത്തവണ ഫൈന്‍ വൂവന്‍ ട്വില്‍ എന്ന സാങ്കേതിക വിദ്യയില്‍ നിര്‍മിച്ച പുതിയ തരം വസ്തുവില്‍ നിര്‍മിച്ച കെയ്‌സ് ആയിരിക്കും അവതരിപ്പിക്കുക എന്നും സൂചനകളുണ്ട്.
വലിയ മാറ്റങ്ങളോടെ ആപ്പിള്‍ വാച്ച്
വലിയ അപ്‌ഗ്രേഡുകളോടെയായിരിക്കും ഇത്തവണത്തെ ആപ്പിള്‍ വാച്ച് 9 സീരീസ് എത്തുക എന്നാണ് വിവരം. പുതിയ വാച്ചില്‍ എസ്9 ചിപ്പ് സെറ്റ് ആയിരിക്കും ഉണ്ടാവുക എന്നാണ് വിവരം. എ15 ചിപ്പിന് സമാനമായ സാങ്കേതിക വിദ്യയില്‍ നിര്‍മിതമാണിത്. മെച്ചപ്പെട്ട പ്രവര്‍ത്തന ക്ഷമതയും ബാറ്ററി ലൈഫും ഇതിന് ഉറപ്പുവരുത്താനാവും. ബ്ലഡ് ഗ്ലൂക്കോസ് മോണിറ്റര്‍, ബ്ലഡ് പ്രഷര്‍ സെന്‍സര്‍ എന്നിവ അവതരിപ്പിക്കാന്‍ ആപ്പിള്‍ ശ്രമിക്കുന്നുണ്ടെന്ന് റിപ്പോര്‍ട്ടുകളുണ്ടെങ്കിലും ഇവ വാച്ച് 9 സീരീസില്‍ ഉണ്ടാവുമോ എന്ന് ഉറപ്പില്ല്.
ഐഫോണ്‍ 15 പ്രോ ഇന്ത്യയിലെ വില സാധ്യത
കഴിഞ്ഞ വര്‍ഷത്തെ മോഡലുകളേക്കാള്‍ കൂടിയ വിലയിലായിരിക്കും ഇത്തവണത്തെ മോഡലുകള്‍ എത്തുക എന്നാണ് വിവരം. ഇക്കാരണത്താല്‍ 15 പ്രോ മാക്സ് മോഡലുകള്‍ക്ക് വില വളരെ കൂടുതലായിരിക്കും.
ഇത്തവണ 100 ഡോളറിന്റെ വര്‍ധനവ് ഫോണുകള്‍ക്കുണ്ടാവുമെന്നാണ് വിവരം. ഇതനുസരിച്ച് കഴിഞ്ഞ വര്‍ഷം 1099 ഡോളര്‍ വിലയുണ്ടായിരുന്ന പ്രോ മാക്സ് മോഡലിന് ഇത്തവണ 1199 ഡോളര്‍ വിലയാവും. പ്രോമാക്സ് മോഡലിന്റെ വില 1199 ഡോളറില്‍ നിന്ന് 1299 ഡോളറായി ഉയരും. പ്രോമാക്സ് മോഡലിന്റെ സ്‌റ്റോറേജ് ആരംഭിക്കുക 256 ജിബിയില്‍ ആയിരിക്കും. 128 ജിബി മോഡല്‍ ഒഴിവാക്കും.
Social
ചാറ്റിലെ ചിത്രങ്ങള്‍ സേവ് ചെയ്യാനാവില്ല- സ്വകാര്യത ഉറപ്പിക്കാന്‍ പുതിയ നീക്കവുമായി വാട്സാപ്പ്
വാട്സാപ്പിന്റെ ഐഒഎസ് വേര്‍ഷനിലെ ചാറ്റുകളുടെ സ്വകാര്യത ശക്തിപ്പെടുത്താന്‍ പുതിയ ഫീച്ചര്‍ ഒരുങ്ങുന്നു. ‘അഡ്വാന്‍സ്ഡ് ചാറ്റ് പ്രൈവസി’ എന്ന് പേര് നല്‍കിയിരിക്കുന്ന ഈ ഫീച്ചര്‍, നിങ്ങള്‍ അയക്കുന്ന മീഡിയ ഫയലുകള്‍ സ്വീകര്‍ത്താവിന്റെ ഫോണില്‍ സേവ് ആകുന്നത് തടയുന്നതടക്കമുള്ള സുരക്ഷാ സൗകര്യങ്ങള്‍ ഉള്‍ക്കൊള്ളുന്നതാണ്. ഈ ഫീച്ചര്‍ സജീവമാക്കിയാല്‍, നിങ്ങളുമായുള്ള ചാറ്റ് ഹിസ്റ്ററി മറ്റാര്‍ക്കും എക്സ്പോര്ട്ട് ചെയ്‌തെടുക്കാനും കഴിയില്ല.വാട്സാപ്പിന്റെ ഫീച്ചര്‍ ട്രാക്കിങ് വെബ്സൈറ്റായ വാബീറ്റാ ഇന്‍ഫോയുടെ റിപ്പോര്‍ട്ട് പ്രകാരം, ഐഒഎസിന്റെ അടുത്ത അപ്ഡേറ്റുകളിലൊന്നില്‍ ഈ ഫീച്ചര്‍ ലഭ്യമാകും. വാട്സാപ്പ് ഐ.ഒ.എസ് ബീറ്റാ പതിപ്പ് 25.10.10.70-ലാണ് ഈ ഫീച്ചര്‍ ആദ്യമായി കണ്ടെത്തിയതെന്നും റിപ്പോര്‍ട്ടില്‍ പറയുന്നു.ഈ ഫീച്ചര്‍ ഉപയോക്താക്കള്‍ക്ക് ആപ്പ് സെറ്റിംഗ്സ് വഴി ഇഷ്ടാനുസരണം ആക്ടിവേറ്റ് ചെയ്യാം. ഇത് ആക്ടിവേറ്റ് ചെയ്താല്‍, നിങ്ങള്‍ അയച്ച മീഡിയ ഫയലുകള്‍ സ്വീകര്‍ത്താവിന് അവരുടെ ഫോണില്‍ സേവ് ചെയ്യാന്‍ സാധിക്കില്ല. മീഡിയ ഫയല്‍ ഗാലറിയിലേക്ക് സേവ് ചെയ്യാന്‍ ശ്രമിച്ചാല്‍, ‘അഡ്വാന്‍സ്ഡ് ചാറ്റ് പ്രൈവസി ഓണ്‍ ആണ്, ഇത് മീഡിയ ഓട്ടോ-സേവ് ആകുന്നത് തടയുന്നു’ എന്ന സന്ദേശം പോപ്പ്-അപ്പായി ദൃശ്യമാകും. ചാറ്റ് ഹിസ്റ്ററി എക്സ്പോര്ട്ട് ചെയ്യുന്നത് തടയുമെന്നതാണ് ഈ ഫീച്ചറിന്റെ മറ്റൊരു പ്രധാന സവിശേഷത. ഈ ഫീച്ചര്‍ ആക്ടിവേറ്റ് ചെയ്താല്‍, നിങ്ങളുമായുള്ള ചാറ്റ് സ്വീകര്‍ത്താവിന് എക്സ്പോര്ട്ട് ചെയ്യാന്‍ കഴിയാതെ വരും. ആന്‍ഡ്രോയിഡ് ഉപയോക്താക്കള്‍ക്കായും സമാനമായ ഫീച്ചര്‍ വാട്സാപ്പ് വികസിപ്പിച്ചു വരുന്നുണ്ട്. നിലവില്‍ നിര്‍മാണ ഘട്ടത്തിലുള്ള ഈ ഫീച്ചര്‍, നിരവധി പരീക്ഷണങ്ങള്‍ക്ക് ശേഷമാകും എല്ലാ ഉപയോക്താക്കള്‍ക്കും ലഭ്യമാവുക. സ്വകാര്യതയ്ക്ക് കൂടുതല്‍ മുന്‍ഗണന നല്‍കുന്ന ഈ പുതിയ ഫീച്ചര്‍ വാട്സാപ്പ് ഉപയോഗം കൂടുതല്‍ സുരക്ഷിതമാക്കുമെന്നാണ് പ്രതീക്ഷിക്കപ്പെടുന്നത്.
വാട്സാപ്പ് സ്റ്റാറ്റസ് അപ്‌ഡേറ്റില്‍ ഇനി പാട്ടുകളും ചേര്‍ക്കാം. കഴിഞ്ഞദിവസത്തെ അപ്‌ഡേറ്റിലൂടെയാണ് വാട്സാപ്പ് സ്റ്റാറ്റസില്‍ സംഗീതവും ചേര്‍ക്കാനുള്ള ഫീച്ചര്‍ അവതരിപ്പിച്ചത്. നിലവില്‍ ഇന്‍സ്റ്റഗ്രാം സ്റ്റോറിയില്‍ ലഭ്യമായതിന് സമാനമായ ഫീച്ചറാണ് വാട്‌സാപ്പിലും നല്‍കിയിരിക്കുന്നത്.പുതിയ അപ്‌ഡേറ്റിന് പിന്നാലെ വാട്സാപ്പ് സ്റ്റാറ്റസ് പോസ്റ്റ് ചെയ്യുന്നവേളയില്‍ പാട്ടുകള്‍ ചേര്‍ക്കാനുള്ള ഓപ്ഷനും ലഭ്യമായിട്ടുണ്ട്. വാട്‌സാപ്പില്‍ ‘ആഡ് സ്റ്റാറ്റസ്’ ക്ലിക്ക് ചെയ്ത് സ്റ്റാറ്റസായി പോസ്റ്റ് ചെയ്യാനുള്ള ചിത്രമോ വീഡിയോയോ തിരഞ്ഞെടുത്താല്‍ മുകളിലായി ‘മ്യൂസിക് നോട്ടി’ന്റെ ചിഹ്നം കാണാം. ഇതില്‍ ക്ലിക്ക് ചെയ്താല്‍ നിരവധി പാട്ടുകളുള്ള മ്യൂസിക് ല്രൈബറിയില്‍നിന്ന് ഇഷ്ടമുള്ള പാട്ടുകള്‍ തിരഞ്ഞെടുക്കാം. സ്റ്റാറ്റസുകളില്‍ പങ്കുവെയ്ക്കുന്ന പാട്ടുകള്‍ ‘എന്‍ഡ്-ടു-എന്‍ഡ്’ എന്‍ക്രിപ്റ്റഡ് ആയതിനാല്‍ ഉപഭോക്താക്കള്‍ പങ്കിടുന്ന പാട്ടുകള്‍ വാട്‌സാപ്പിന് കാണാനാകില്ലെന്നും ഉപഭോക്താക്കളുടെ സുഹൃത്തുക്കള്‍ക്ക് മാത്രമേ കാണാനാവുകയുള്ളൂവെന്നും പുതിയ അപ്‌ഡേറ്റ് സംബന്ധിച്ച് വാട്സാപ്പ് അറിയിച്ചു.
വാട്സ്ആപ്പിന്റെ ഏറ്റവും പുതിയ ഫീച്ചറായ വോയ്സ് മെസ്സേജ് ട്രാൻസ്‌ക്രിപ്‌ഷൻ ഫീച്ചർ ആൻഡ്രോയിഡ് ഫോണുകളിൽ ലഭ്യമായിത്തുടങ്ങി. ഉടൻ തന്നെ ഐഒഎസ് ഫോണുകളിലും ഫീച്ചർ ലഭ്യമാകും. ഇതോടെ വോയ്സ് മെസ്സേജ് കേള്‍ക്കാന്‍ പറ്റാത്ത സാഹചര്യങ്ങളില്‍ അവ ട്രാന്‍സ്ക്രിപ്റ്റ് ചെയ്ത് വായിക്കാന്‍ സാധിക്കും 2024 നവംബറിലാണ് വാട്സ്ആപ്പ് വോയിസ് മെസ്സേജ് ട്രാൻസ്‌ക്രിപ്‌ഷൻ പുറത്തിറക്കുന്നതായി അറിയിച്ചത്. യാത്രകൾക്കിടയിലും ബഹളങ്ങൾക്കിടയിലും വോയിസ് മെസ്സേജ് കേൾക്കാൻ സാധിക്കാത്ത സാഹചര്യങ്ങളിൽ ഈ ഫീച്ചർ ഉപകാരപ്രദമാകും. ഓൺ ഡിവൈസ് പ്രോസസിങ്ങിലൂടെയാണ് വോയിസ് മെസേജുകളെ ടെക്സ്റ്റ് മെസേജുകളാക്കുന്നത്. ഈ വിവരങ്ങളെല്ലാം സുരക്ഷിതമായിരിക്കുമെന്നും, യാതൊരു വിവരവും തങ്ങൾ ശേഖരിക്കില്ലെന്നും വാട്സ്ആപ്പ് തന്നെ പറയുന്നുണ്ട്.
ഇംഗ്ലീഷ്, സ്പാനിഷ്, പോർച്ചുഗീസ്, റഷ്യൻ എന്നെ ഭാഷകളിലാണ് നിലവിൽ ട്രാൻസ്‌ക്രിപ്റ്റ് സംവിധാനമുള്ളത്‌. ഹിന്ദിയോ, മറ്റ് ഇന്ത്യൻ പ്രാദേശിക ഭാഷകളോ നിലവിൽ ലഭ്യമല്ല.വോയ്സ് ടെക്സ്റ്റാക്കി മാറ്റാൻ വാട്‌സ്ആപ്പിലെ സെറ്റിങ്‌സിൽ മാറ്റം വരുത്തണം. ഇതിനായി വാട്സ്ആപ്പ് സെറ്റിംഗ്സ് തുറന്ന് ചാറ്റ്‌സിൽ ടാപ്പ് ചെയ്യുക. തുടർന്ന് താഴേക്ക് സ്‌ക്രോൾ ചെയ്ത് വോയ്സ് മെസേജ് ട്രാൻസ്‌ക്രിപ്റ്റ് എന്ന ഓപ്ഷൻ ടാഗിൾ ചെയ്യുക. ഇപ്പോൾ കാണിക്കുന്ന ഓപ്ഷനുകളിൽ നിന്ന് നിങ്ങൾക്ക് ഇഷ്ടപ്പെട്ട ഭാഷ തിരഞ്ഞെടുക്കാം.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
