ഉ​ളി​ക്ക​ൽ നെ​ല്ലി​ക്കാം​പൊ​യി​ലി​ൽ പള്ളിയിലും സൂപ്പർ മാർക്കറ്റിലും മോഷണം

ഇ​രി​ട്ടി: ഉ​ളി​ക്ക​ൽ നെ​ല്ലി​ക്കാം​പൊ​യി​ലി​ൽ ര​ണ്ടി​ട​ങ്ങ​ളി​ൽ മോ​ഷ​ണം. നെ​ല്ലി​ക്കാം​പൊ​യി​ൽ പ​ള്ളി​യു​ടെ ഭ​ണ്ഡാ​ര​വും സ​മീ​പ​ത്തെ സൂ​പ്പ​ർ മാ​ർ​ക്ക​റ്റി​ലു​മാ​ണ് മോ​ഷ​ണം ന​ട​ന്ന​ത്. മോ​ഷ​ണ​ത്തി​ന്റെ സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സി​ന് ല​ഭി​ച്ചു.

വെ​ള്ളി​യാ​ഴ്ച പു​ല​ർ​ച്ചയോ​ടെ​യാ​ണ് നെ​ല്ലി​ക്കാം​പൊ​യി​ൽ സെ​ന്റ് സെ​ബാ​സ്റ്റ്യ​ൻ​സ് പ​ള്ളി​യു​ടെ മു​റ്റ​ത്തി​ന് സ​മീ​പ​മു​ള്ള ഭ​ണ്ഡാ​ര​ത്തി​ന്റെ പൂ​ട്ട് ത​ക​ർ​ത്ത് പ​ണം ക​വ​ർ​ന്ന​ത്. പ​ന്ത്ര​ണ്ട​ര​യോ​ടെ​യാ​ണ് ഒ​രാ​ൾ ഭ​ണ്ഡാ​രം ക​വ​രു​ന്ന​താ​യി നി​രീ​ക്ഷ​ണ കാ​മ​റ​യി​ൽ ദൃ​ശ്യ​മാ​യ​ത്.

എ​ന്നാ​ൽ 11 ഓ​ടെ​യാ​ണ് സ​മീ​പ​ത്തെ സൂ​പ്പ​ർ മാ​ർ​ക്ക​റ്റി​ൽ മോ​ഷ​ണം ന​ട​ന്ന​ത്. സാ​ധാ​ര​ണ എ​ല്ലാ ഞാ​യ​റാ​ഴ്ച​യും ഭ​ണ്ഡാ​രം തു​റ​ന്ന് പ​ണ​മെ​ടു​ക്കാ​റു​ണ്ടെ​ന്നും ക​ഴി​ഞ്ഞ ഞാ​യ​റാ​ഴ്ച​യും പ​ണം മാ​റ്റി​യി​രു​ന്നു​വെ​ന്നും പ​ള്ളി അ​ധി​കൃ​ത​ർ പ​റ​ഞ്ഞു.

ര​ണ്ടാ​യി​രം മു​ത​ൽ നാ​ലാ​യി​രം വ​രെ​യാ​ണ് ഒ​രാ​ഴ്ച ഭ​ണ്ഡാ​ര​ത്തി​ലു​ണ്ടാ​കാ​റു​ള്ള​ത്. നാ​ലു ദി​വ​സ​ങ്ങ​ളി​ലാ​യി ഭ​ക്ത​ർ നി​ക്ഷേ​പി​ച്ച പ​ണം ഇ​തി​ൽ ഉ​ണ്ടാ​കു​മെ​ന്നും ഇ​വ​ർ പ​റ​ഞ്ഞു. ഇ​രു സ്ഥാ​പ​ന അ​ധി​കൃ​ത​രു​ടെ​യും പ​രാ​തി​യി​ൽ ഉ​ളി​ക്ക​ൽ പൊ​ലീ​സ് കേ​സെ​ടു​ത്ത് അ​ന്വേ​ഷ​ണ​മാ​രം​ഭി​ച്ചു. നി​രീ​ക്ഷ​ണ കാ​മ​റ​യി​ൽ പ​തി​ഞ്ഞ​യാ​ളെ തി​രി​ച്ച​റി​യാ​നാ​യി​ട്ടി​ല്ല.