KELAKAM
ഇവിടെയുണ്ട് കുഞ്ഞു സ്വപ്നങ്ങളുടെ വർണക്കൂടാരം

കേളകം: സ്കൂൾ വിട്ടയുടൻ ആൻവിയ, ആത്മിക ധ്രുവ, മെഡ്രിക്, അവന്തിക എന്നിവർ സുജാത ടീച്ചർക്കരികിലേക്ക് ഓടിയെത്തി. ‘ടീച്ചറെ ടീച്ചറെ, ഞങ്ങക്കിപ്പോ വീട്ടി പോകണ്ട, കുറച്ചുനേരംകൂടി കളിച്ചിട്ട് പോയ്ക്കോളാം’!. നാലുപേരും വലിയ ആവേശത്തിലാണ്.
അപ്പോഴേക്കും അവർക്കൊപ്പം ചേരാൻ ഭൂരിഭാഗംപേരുമെത്തി. ഒരാഴ്ച മുമ്പുവരെ വീട്ടിൽ പോകണം, അമ്മയെ കാണണം എന്ന് കൂടെ കൂടെ പറഞ്ഞു കരഞ്ഞിരുന്ന കുട്ടികളുടെ മനംമാറ്റം ടീച്ചറെ മാത്രമല്ല, കൂട്ടിക്കൊണ്ടുപോകാനെത്തിയ രക്ഷിതാക്കളെയും അമ്പരപ്പിച്ചു. അത്ഭുതപ്പെടേണ്ട, ചെട്ട്യാംപറമ്പ് ഗവ. പ്രീ–-സ്കൂളിലെത്തിയാൽ കുട്ടികൾക്ക് മാത്രമല്ല, മുതിർന്നവർപോലും കുറച്ചുനേരം അവിടെ ഇരിക്കാൻ കൊതിക്കും. അത്രയ്ക്ക് മനോഹരമായ ഇടമാണിപ്പോ ഈ സർക്കാർ സ്കൂൾ.
താരാട്ടു കേട്ട് എസി മുറിയിൽ ഡബിൾകോട്ട് കട്ടിലിൽ ഉറങ്ങുന്ന മക്കളെ കണ്ടിട്ടുണ്ടോ? ശിശു സൗഹൃദമായ ‘കുഞ്ഞടുക്കള’യെ കുറിച്ച് കേട്ടിട്ടുണ്ടോ? പക്ഷികളുടെ കിളിക്കൊഞ്ചലുകളും കുഞ്ഞരുവികളുടെ കളകളാരവവും കേട്ടും അനുഭവിച്ചും ആടിപ്പാടാൻ കഴിയുന്ന ഹരിതോദ്യാനം കണ്ടിട്ടുണ്ടോ? ഇവയെല്ലാം അതിമനോഹരമായി ഒരുക്കിയത് അവഗണിക്കാൻ ഇതുവഴി പോകുന്ന ആർക്കും കഴിയില്ല.
പ്രീ–-സ്കൂളിൽ അന്താരാഷ്ട്ര നിലവാരമുള്ള പഠനസൗകര്യമൊരുക്കുന്നതിനായി പൊതുവിദ്യാഭ്യാസ വകുപ്പ് ഒരുക്കുന്ന ‘വർണക്കൂടാരം’ പദ്ധതിയുടെ ഭാഗമായാണ് മനോഹരമാക്കിയത്. സമഗ്രശിക്ഷാ കേരളം ‘സ്റ്റാർസ്’ പദ്ധതിയിൽ പത്തുലക്ഷം ചെലവിട്ടാണ് സ്കൂൾ ഒരുക്കിയത്. സർക്കാർ അംഗീകൃത പ്രീ-–-സ്കൂളുകളിലാണ് പദ്ധതി നടപ്പാക്കുന്നത്.
ഇത്തരത്തിൽ ജില്ലയിലുള്ള മുഴുവൻ സ്കൂളുകളിലും പദ്ധതി നടപ്പാക്കാനുള്ള തയ്യാറെടുപ്പിലാണ് പൊതുവിദ്യാഭ്യാസ വകുപ്പ്. പ്രീ–-സ്കൂളുകളുടെ ചുമതലയുള്ള ഡിപിഒ രമേശൻ കടൂരാണ് നേതൃത്വം നൽകുന്നത്. ഇരിട്ടി ബിആർസിയുടെ കീഴിലുള്ള ചെട്ട്യാംപറമ്പിൽ കഴിഞ്ഞയാഴ്ചയാണ് ‘വർണക്കൂടാരം’ ഉദ്ഘാടനംചെയ്തത്.
12 ഇടങ്ങൾ
കലാപരമായ കഴിവുകൾ പ്രകടിപ്പിക്കാനുള്ള കുഞ്ഞരങ്ങ്, കൗതുകവും ജിജ്ഞാസയും വളർത്തുന്നതിനൊപ്പം സ്വന്തം കഴിവുകൾ രേഖപ്പെടുത്താനും വിലയിരുത്താനുമുള്ള ഇ–-ഇടം, ഭാഷാ വികാസ ഇടം, വരയിൽ നിന്നും ചിത്രവായനയിലേക്ക് നയിക്കാൻ കഴിയുന്ന വരയിടം, ആത്മബന്ധം വളരാനും മാനസിക ഉല്ലാസത്തിനും ഉതകുന്ന, കാറും സൈക്കിളും ഒക്കെയുള്ള കളിയിടം, പരീക്ഷണ നിരീക്ഷണങ്ങളിലൂടെ അറിവ് വർധിപ്പിക്കാനാകുന്ന ഗണിത–-ശാസ്ത്രയിടം, ഭാവനയും ചിന്താശേഷിയും വളർത്താനുള്ള കരകൗശല നിർമാണയിടം, തൊട്ടും കണ്ടും കേട്ടും മണത്തും അറിവുനേടാനുള്ള സെൻസറിങ് ഇടം, ശീതീകരിച്ച ശയനമുറി, ആധുനിക രീതിയിലുള്ള കുഞ്ഞടുക്കള, ശിശുസൗഹൃദ ശൗചാലയം, ഹരിതോദ്യാനം എന്നിങ്ങനെ കുട്ടികളുടെ സമഗ്രവികാസത്തിന് ഉപകരിക്കുന്ന പതിമൂന്നിടങ്ങളാണുള്ളത്.
എല്ലാം അതിമനോഹരമായി ഒരുക്കിയവ. ഹോം തിയേറ്റർ സിസ്റ്റത്തിലൂടെ എല്ലായിടത്തുനിന്നും പാട്ടും കേൾക്കാം. സ്വന്തമായി പ്രൊജക്ടറുമുണ്ട്. 55 കുട്ടികളാണിവിടെയുള്ളത്. താൽക്കാലിക അധ്യാപികയായി ലിജി രാജീവും ആയയായി പ്രസന്നകുമാരിയും കുട്ടിളെ നോക്കാനുണ്ട്.
KELAKAM
കേളകം പഞ്ചായത്തിനെ ഹരിത- ശുചിത്വ പഞ്ചായത്തായി പ്രഖ്യാപിച്ചു

കേളകം: മാലിന്യമുക്തം നവകേരളം ജനകീയ ക്യാമ്പയിന്റെ ഭാഗമായി കേളകം പഞ്ചായത്തിനെ “ഹരിത-ശുചിത്വ പഞ്ചായത്ത്” ആയി പ്രഖ്യാപിച്ചു.2024 ഒക്ടോബർ 2 ന് ആരംഭിച്ച ക്യാമ്പയിൻ പ്രവർത്തനത്തിൽ വിദ്യാലയങ്ങൾ, സ്ഥാപനങ്ങൾ, ടൂറിസം കേന്ദ്രങ്ങൾ, അംഗനവാടികൾ, അയൽക്കൂട്ടങ്ങൾ, ടൗണുകൾ, പൊതുവിടങ്ങൾ ഉൾപ്പെടെ വിവിധ ഘട്ടങ്ങളിൽ ഹരിതമായി പ്രഖ്യാപിച്ചിരുന്നു. തോടുകൾ, പാതയോരങ്ങൾ എന്നിവ ജനകീയമായി ശുചീകരിച്ച് ബോർഡുകൾ ഉൾപ്പെടെ സ്ഥാപിച്ചു. ശേഷം 13 വാർഡുകളും ഹരിതപ്രഖ്യാപനം നടത്തിയിരുന്നു.കേളകം വ്യാപാരഭവൻ ഹാളിൽ പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ.സുധാകരൻ ഉദ്ഘാടനം ചെയ്തു. പഞ്ചായത്ത് പ്രസിഡണ്ട് സി.ടി.അനീഷ് ഷാന്റി അധ്യക്ഷനായി. പഞ്ചായത്ത് അസിസ്റ്റൻ്റ് സിക്രട്ടറി രാജശേഖരൻ റിപ്പോർട് അവതരണം നടത്തി. പഞ്ചായത്ത് വൈസ് പ്രസിഡണ്ട് തങ്കമ്മ മേലെക്കുറ്റ്,പേരാവൂർ ബ്ലോക്ക് സ്ഥിര സമിതി അധ്യക്ഷ മൈഥിലി രമണൽ, ബ്ലോക്ക് അംഗം മേരിക്കുട്ടി, വ്യാപാരി വ്യവസായി ഏകോപന സമിതി കേളകം യൂനിറ്റ് പ്രസിഡണ്ട് റജീഷ് ബൂൺ, യുനൈറ്റഡ് മർച്ചൻ്റ്സ് ചേമ്പർ യൂനിറ്റ് പ്രസിഡണ്ട് കൊച്ചിൻ രാജൻ, ഗ്രാമ പഞ്ചായത്ത് സിക്രട്ടറി ബിജു ബേബി തുടങ്ങിയവർ സംസാരിച്ചു.
KELAKAM
ഈ സ്നേഹത്തിന് കാൽ നൂറ്റാണ്ട്

കേളകം: ഇരുപത്തിയഞ്ചിലധികം വർഷമായി അടക്കാത്തോട് മുഹിയുദ്ദീൻ ജുമാ മസ്ജിദിൽ നോമ്പുകാർക്കായി നോമ്പ് കഞ്ഞിയൊരുക്കി അടക്കാത്തോട് സ്വദേശി മുളംപൊയ്കയിൽ ഷറഫുദ്ദീൻ. തന്റെ പിതാവ് മുളംപൊയ്കയിൽ മുസ്തഫയിൽനിന്ന് പഠിച്ച പാചക വൈഭവമാണ് നാട്ടിലെ നോമ്പുകാർക്ക് അനുഗ്രഹമായത്.ജീരകം, ഉലുവ, വെളുത്തുള്ളി, തേങ്ങ എന്നിവ ചേർത്ത് തയാറാക്കുന്ന കഞ്ഞി പള്ളിയിലെ നോമ്പുതുറക്കാർക്ക് മാത്രമല്ല എത്തുന്ന എല്ലാവർക്കും പാർസലായും നൽകും. ഷറഫുദ്ദീന്റെ നോമ്പുകഞ്ഞി കൂടി രുചിക്കുമ്പോഴാണ് നാട്ടുകാർക്ക് നോമ്പു തുറയുടെ സംതൃപ്തി ലഭിക്കുന്നത്.കഞ്ഞി തയാറാക്കാൻ ഷറഫുദ്ദീനെ സഹായിക്കാനായി ഉച്ചമുതൽ ഭാര്യ പാത്തുമ്മയും കർമനിരതയാവും. കഞ്ഞിയും ചായയും പലഹാരങ്ങളും പഴവർഗങ്ങളും നോമ്പ് തുറക്കാർക്കായി തയാറാക്കാനായി ലഭിച്ച അവസരത്തിന് സർവശക്തനെ സ്തുതിക്കുകയാണിവർ.നോമ്പുകഞ്ഞി തയാറാക്കുന്നതിൽ മാത്രമല്ല, മഹല്ലിലെ സാമൂഹിക പ്രവർത്തനങ്ങളിലും മുന്നണിയിലാണ് ഈ എഴുത്തഞ്ച്കാരൻ. പള്ളിയുടെ പരിസരങ്ങളിലും ഖബർസ്ഥാനിലും കാട് തെളിക്കുന്നത് തന്റെ ഉത്തരവാദിത്വമെന്നോണം സൗജന്യ സേവനമാക്കിയിട്ടുണ്ട് ഷറഫുദ്ദീൻ. അന്നന്നത്തെ ഉപജീവനത്തിന് കൂലിപ്പണിയാണ് മാർഗമെങ്കിലും നന്മയുടെ മാർഗത്തിൽ മാർഗ ദർശികൂടിയാണ് ഈ കറുത്ത തൊപ്പിക്കാരൻ.
KELAKAM
യുണൈറ്റഡ് മർച്ചൻ്റ്സ് ചേംമ്പർ കേളകം യൂണിറ്റ് കമ്മറ്റി കേളകം പഞ്ചായത്തിലേക്ക് പ്രതിഷേധ സമരം നടത്തി

കേളകം : യു.എം.സി. കേളകം യൂണിറ്റ് കേളകം പഞ്ചായത്തിലേക്ക് മാർച്ചും ധർണയും നടത്തി. ജില്ലാ ട്രഷറർ ജേക്കബ് ചോലമറ്റം ഉദ്ഘാടനം ചെയ്തു. കേളകം യൂണിറ്റ് പ്രസിഡന്റ് കൊച്ചിൻ രാജൻ അധ്യക്ഷനായി. ജില്ലാ വർക്കിംഗ് പ്രസിഡന്റ് ഷിനോജ് നരിതൂക്കിൽ, ജനറൽ സെക്രട്ടറി സജി ജോസഫ്, ജോ. സെക്രട്ടറി സൈജു ഗുജറാത്തി, എക്സിക്യൂട്ടീവ് അംഗം ജെ. ദേവദാസൻ എന്നിവർ സംസാരിച്ചു. പഞ്ചായത്ത് സെക്രട്ടറിക്ക് വ്യാപാരികളുടെ ആവശ്യങ്ങൾ ഉന്നയിച്ചുള്ള നിവേദനവും സമർപ്പിച്ചു.
2024-25 വർഷത്തിൽ നിലവിലുണ്ടായിരുന്ന തൊഴിൽ നികുതിയിൽ രണ്ടര ഇരട്ടി വർദ്ധനവു വരുത്തിയ നടപടിയിലുള്ള പ്രതിഷേധവും വർധിച്ചുവരുന്ന അനധികൃത ഫുട്പാത്ത് വ്യാപാരത്തിനെതിരെയുള്ള വിയോജിപ്പും സർക്കാറിനെയും തദ്ദേശ സ്വയംഭരണ സ്ഥാപനങ്ങളെയും അറിയിക്കുവാനാണ് സംസ്ഥാന കമ്മറ്റി തീരുമാനപ്രകാരം യൂണിറ്റ് കമ്മറ്റി പ്രതിഷേധ സമരം നടത്തിയത്.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്