Social
സ്ഥിരമായി പാരസെറ്റാമോള് കഴിക്കുന്നവരാണോ; എങ്കില് ഇത് അറിയുക, അളവു കൂടിയാല് വൃക്കകളെ തകരാറിലാക്കും

അമിതമായ പാരസെറ്റാമോള് ഉപയോഗം വലിയ ആപത്തിലേയ്ക്കാണ് കൊണ്ടെത്തിക്കുന്നത്. ഇവ കടുത്ത ആരോഗ്യപ്രശ്നങ്ങള്ക്ക് വഴിയാകുമെന്ന് വിദഗ്ദ്ധര് മുന്നറിയിപ്പു നല്കുന്നു. ഇവ കരള്, ആമാശയ വീക്കം, അലര്ജി, ഉറക്കം തൂങ്ങല്, കരള് രോഗം എന്നിവയെ ബാധിക്കും.
പാരസെറ്റാമോളിന്റെ കവറിനു പുറത്തു തന്നെ അവ കരളിനു ദോഷകരമെന്ന് രേഖപ്പെടുത്തിയിട്ടുണ്ട്. മൂന്നു ഗ്രാമിലേറെ പാരസെറ്റാമോള് ശരീരത്തില് പ്രവേശിച്ചാല് അത് കരളിന്റെ പ്രവര്ത്തനത്തെ ബാധിക്കും. പാരസെറ്റാമോള് ഉപയോഗത്തിന്റെ അളവു കൂടിയാല് അത് ദഹനക്കുറവിനും, വയറു വീര്ക്കുന്നതിനും കാരണമാകും.
അതു പോലെ തന്നെ ഇത് ശരീരത്തില് പലയിടത്തായി ചുവന്ന പാടുകളും സൃഷ്ടിക്കും. ഇതിന്റെ ഉപയോഗം മൂലം കരള് അമിതധ്വാനം ചെയ്യുന്നതിനാല് കഠിനമായ ക്ഷീണവും, മറവിയും, അസ്വസ്ഥതയും നമ്മളില് ഉണ്ടാക്കും. ഉപയോഗത്തിന്റെ അളവു കൂടും തോറും കരളിന്റെ പ്രവര്ത്തനം പൂര്ണമായും നിന്നു പോകും.
അതിനാല് കരള്രോഗമുളളവര് ഡോക്ടറുടെ നിര്ദേശമില്ലാതെ പാരസെറ്റാമോള് കഴിക്കരുത്. അളവു കൂടിയാല് അത് വൃക്കകളേയും തകരാറിലാക്കും.
Kerala
സ്കൂള്ബസുകള്ക്ക് മഞ്ഞനിറം പൂശിയാൽ മാത്രം പോര ; നിര്ദേശങ്ങള് പാലിക്കണം

കണ്ണൂര്: മധ്യവേനലവധി കഴിഞ്ഞ് സ്കൂള് തുറക്കാന് ദിവസങ്ങള്മാത്രം ബാക്കിനില്ക്കെ കുട്ടികളുടെ സുരക്ഷിത യാത്ര ഉറപ്പാക്കാന് മോട്ടോര് വാഹനവകുപ്പ് പരിശോധന തുടങ്ങി. സ്കൂള്വാഹനങ്ങളുടെ സര്ക്കാര് മാനദണ്ഡപ്രകാരമുള്ള പരിശോധനയാണ് നടക്കുന്നത്. ജില്ലയിലെ വിവിധ ഭാഗങ്ങളിലായി 31 സ്കൂള്വാഹനങ്ങളുടെ പരിശോധന പൂര്ത്തിയായി. മറ്റ് വാഹനങ്ങളുടെ പരിശോധന ഒരാഴ്ചയ്ക്കുള്ളില് പൂര്ത്തിയാക്കാനുള്ള നടപടി സ്വീകരിക്കും.
സ്കൂള്ബസുകള് അപകടത്തില്പ്പെടുന്നത് വര്ധിച്ച സാഹചര്യത്തിലാണ് വിദ്യാര്ഥികളുടെ സുരക്ഷിതയാത്ര ഉറപ്പാക്കാന് മോട്ടോര്വാഹന വകുപ്പ് സ്കൂള്ബസുകളുടെ സുരക്ഷാപരിശോധന കര്ശനമാക്കിയത്. ‘സേഫ് സ്കൂള് ബസ്’ എന്നപേരിലാണ് പ്രത്യേക പരിശോധന. കൃത്യമായ അറ്റകുറ്റപ്പണി, വൃത്തി, യന്ത്രഭാഗങ്ങളുടെയും വേഗപ്പൂട്ടിന്റെയും പ്രവര്ത്തനം, അഗ്നിരക്ഷാസംവിധാനം, പ്രഥമശുശ്രൂഷാ കിറ്റ്, ജിപിഎസ് എന്നിവയാണ് പ്രധാനമായും നോക്കുന്നത്. ജില്ലയിലെ സ്കൂള് ബസുകളുടെ പരിശോധന ഉദ്യോഗസ്ഥരുടെ നേതൃത്വത്തില് ആരംഭിച്ചു.
സ്കൂള് വാഹനങ്ങള് നിറം സ്വര്ണ മഞ്ഞനിറമായിരിക്കണം. ജനാലയ്ക്ക് താഴെ 15 സെന്റീമീറ്റര് വീതിയുള്ള ബ്രൗണ് ബോര്ഡ് നിര്ബന്ധമാണ്. വേഗപ്പൂട്ട്, സിസിടിവി, സുരക്ഷാവാതിലുകള്, വാതിലിന്റെ ഇരുവശവും പിടിച്ചുകയറാനുള്ള കൈവരി എന്നിവയൊരുക്കണം. ബസിന്റെ പിറകുവശത്ത് അടിയന്തര ആവശ്യങ്ങള്ക്കുള്ള ഫോണ് നമ്പര് എഴുതണം. പോലീസ് (100), അഗ്നിരക്ഷാസേന (101), ആംബുലന്സ് ((108), ചൈല്ഡ് ഹെല്പ് ലൈന് (1098) എന്നിവയാണ് അടിയന്തര ഫോണ്നമ്പറുകള്.
സ്കൂളിന്റെ പേരും മേല്വിലാസവും വാഹനങ്ങളുടെ ചുമതലയുള്ള നോഡല് ഓഫീസറുടെ ഫോണ് നമ്പറും ഇരുവശങ്ങളിലും രേഖപ്പെടുത്തണം. ഗുണനിലവാരമുള്ള ഇരിപ്പിടങ്ങളും സ്കുള് ബാഗ്, കുട എന്നിവ സൂക്ഷിക്കാനുള്ള റാക്കും ബസിലുണ്ടാകണം. സ്കൂള് ബസ് ഡ്രൈവറായി പ്രവര്ത്തിക്കാന് കുറഞ്ഞത് 10 വര്ഷത്തെ ഡ്രൈവിങ് പരിചയം നിര്ബന്ധമാണ്. പരിശീലനം നേടിയ ആയയോ ഡോര് അറ്റന്ഡറോ ബസില് ഉണ്ടാകണം.
പരിശോധന കര്ശനമാക്കും -ആര്ടിഒ
സ്കൂള്ബസുകള്ക്ക് മഞ്ഞനിറം പൂശിയതുകൊണ്ടുമാത്രം കാര്യമില്ലെന്നും സര്ക്കാര് മാനദണ്ഡപ്രകാരമുള്ള നിര്ദേശങ്ങള് പാലിക്കണമെന്നും കണ്ണൂര് ആര്ടിഒ ഇ.എസ്. ഉണ്ണികൃഷ്ണന് അറിയിച്ചു. വാഹനപരിശോധന ഒരാഴ്ചയ്ക്കുള്ളില് പൂര്ത്തിയാക്കാനുള്ള നടപടി സ്വീകരിക്കും. ഫിറ്റനസ് സര്ട്ടിഫിക്കറ്റില്ലാത്ത വാഹനങ്ങള് റോഡിലിറക്കാന് അനുവദിക്കില്ല.
ബസുകളുടെ ഫിറ്റ്നസ്, കാലപ്പഴക്കം, ബ്രേക്ക്, ചക്രം, ഹെഡ് ലൈറ്റ്, വൈപ്പര്, സീറ്റ് ബെല്ട്ട് തുടങ്ങിയ മെക്കാനിക്കല് വിഭാഗങ്ങള് ഉള്പ്പെടെ പരിശോധിക്കും. സിസിടിവി ക്യാമറകള് ഘടിപ്പിക്കാന് ജൂലായ് 31 വരെ സമയം നീട്ടിനല്കുമെന്നും ആര്ടിഒ അറിയിച്ചു.
Social
124 വർഷം വാടകക്കെട്ടിടത്തിൽ ; സ്കൂളിന് സ്വന്തമായി ഭൂമി വാങ്ങിനൽകി പൂർവവിദ്യാർഥി

പുന്നയൂര് (തൃശ്ശൂര്): വാടകക്കെട്ടിടത്തില് പ്രവര്ത്തിക്കുന്ന സ്കൂളിന് സ്വന്തമായി സ്ഥലം വാങ്ങിനല്കി പൂര്വവിദ്യാര്ഥി. വ്യവസായിയായ എം.വി. കുഞ്ഞിമുഹമ്മദ് ഹാജിയാണ് താന് പഠിച്ച വടക്കേപുന്നയൂര് ജിഎംഎല്പി സ്കൂളിനു ഭൂമി വാങ്ങിനല്കിയത്. 51.9 ലക്ഷം രൂപ ചെലവില് 30.25 സെന്റ് ഭൂമിയാണ് സ്കൂളിന് കൈമാറിയത്.
124 വര്ഷം പഴക്കമുള്ള വിദ്യാലയം വാടകക്കെട്ടിടത്തിലാണ് പ്രവര്ത്തിച്ചിരുന്നത്. അടിസ്ഥാനവികസനപ്രവര്ത്തനങ്ങള് നടത്താന് കഴിയാതെ അടച്ചുപൂട്ടല് ഭീഷണിയിലായിരുന്നു സ്കൂള്. പഞ്ചായത്ത് ഭരണസമിതിയുടെയും വാര്ഡ് അംഗം സെലീന നാസറിന്റെയും ഇടപെടലിനെത്തുടര്ന്നാണ് ഭൂമി വാങ്ങാന് സാധിച്ചത്.
ഭൂമിയുടെ രേഖകള് മന്ത്രി ആര്. ബിന്ദു ഏറ്റുവാങ്ങി. പഞ്ചായത്ത് പ്രസിഡന്റ് ടി.വി. സുരേന്ദ്രന് അധ്യക്ഷനായി. ജില്ലാപഞ്ചായത്തംഗം റഹീം വീട്ടിപ്പറമ്പില്, പുന്നയൂര്ക്കുളം പഞ്ചായത്ത് പ്രസിഡന്റ് ജാസ്മിന് ഷഹീര്, വടക്കേക്കാട് പഞ്ചായത്ത് പ്രസിഡന്റ് എന്.എം.കെ. നബീല്, ബ്ലോക്ക് പഞ്ചായത്തംഗം ജിസ്ന ലത്തീഫ്, എന്.പി. ഷീജ, റാഷിദ ഷിഹാബുദ്ദീന്, സുഹറ, പി.സി. വിലാസിനി എന്നിവര് പ്രസംഗിച്ചു.
Kerala
ഹൃദയ പക്ഷം: മുഖ്യമന്ത്രി പിണറായി വിജയന്റെ നിയമസഭ പ്രസംഗം പുസ്തക രൂപത്തിൽ

തിരുവനന്തപുരം: മുഖ്യമന്ത്രി പിണറായി വിജയന്റെ നിയമസഭ പ്രസംഗം പുസ്തക രൂപത്തിൽ പുറത്തിറക്കി . ‘ഹൃദയ പക്ഷം’ എന്ന പേരിലാണ് പുസ്തകം പുറത്തിറങ്ങിയത്. ഇൻഫോർമേഷൻ ആന്റ് പബ്ലിക് റിലേഷൻസ് വകുപ്പാണ് പുസ്തകം പുറത്തിറക്കിയത്. 2016 മുതൽ 2025 വരെയുള്ള നിയമസഭയിലെ മുഖ്യമന്ത്രിയുടെ തെരഞ്ഞെടുത്ത പ്രസംഗങ്ങളാണ് പുസ്തകത്തിൽ. ടി വി സുഭാഷ് ഐഎഎസ് ആണ് എഡിറ്റർ .
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്