28 കൊല്ലത്തിനു ശേഷം അവര് ഒത്തുചേര്ന്നു; സഹപാഠിക്ക് വീടൊരുക്കി
എടക്കര: വാട്സാപ്പ് കൂട്ടായ്മ വെറുതെ ആയില്ല. ജീവിത വഴിയിയില് പിന്നോട്ടുപോയ സഹപാഠിക്ക് വീട് ഒരുക്കാന് 28 കൊല്ലത്തിനു ശേഷം അവര് ഒത്തുകൂടി.
ഇതോടെ വഴിക്കടവ് മാമാങ്കരയിലെ എടത്തൊടി സെമീനയ്ക്കു ലഭിച്ചത് സ്വപ്നഭവനം. രണ്ടുമുറി, സിറ്റ്ഔട്ട്, അടുക്കള, ശൗചാലയം എന്നിവ ഉള്പ്പെടുന്ന വീടിന്റെ താക്കോല് കഴിഞ്ഞദിവസം കൈമാറി.
