Connect with us

Kerala

ദുരന്തമുഖത്ത് രക്ഷകരാകാൻ പെൺപടയൊരുങ്ങുന്നു 

Published

on

Share our post

തിരുവനന്തപുരം : തീയാളുന്ന ദുർഘട നിമിഷങ്ങൾക്ക് മുമ്പില്‍ പാഞ്ഞടുക്കാനും അടർന്നുവീണേക്കാവുന്ന ജീവനുകളെ തിരികെ പിടിക്കാനും കേരളത്തിന്റെ പെൺപടയൊരുങ്ങുന്നു. സംസ്ഥാനത്താദ്യമായി അഗ്നിശമന സേനയിലേക്ക്‌ വനിതാംഗങ്ങൾa എത്തുകയാണ്‌. 87 പേരെയാണ്‌ ആദ്യഘട്ട പരിശീലനത്തിനായി തെരഞ്ഞെടുത്തിരിക്കുന്നത്‌.

ഒന്നാം പിണറായി സർക്കാരിന്റെ കാലത്ത്‌ മുഖ്യമന്ത്രി മുൻകൈയെടുത്താണ്‌ ഫയർഫോഴ്‌സിൽ വനിതകളെ നിയമിക്കാനുള്ള തീരുമാനമെടുത്തത്‌. തുടര്‍ന്ന്, ഫയർ വുമൺ തസ്തികയിലേക്ക്‌ പി.എസ്‌.സി വിജ്ഞാപനം പുറത്തിറക്കി. പരീക്ഷയും ശാരീരികക്ഷമതാ പരിശോധനയുമടക്കം കഴിഞ്ഞാണ്‌ ഉദ്യോഗാർഥികളെ തെരഞ്ഞെടുത്തത്‌. സർക്കാർ വനിതകൾക്കായി നിർമിച്ച 100 തസ്തികകളില്‍ കോഴിക്കോട്‌, എറണാകുളം, തിരുവനന്തപുരം എന്നിവിടങ്ങളില്‍ 15 വീതവും മറ്റ്‌ ജില്ലാ ആസ്ഥാനങ്ങളിൽ അഞ്ച്‌ ഒഴിവ് വീതവുമാണുള്ളത്‌. ആദ്യഘട്ടത്തിൽ 87 പേരാണ് യോഗ്യത നേടിയത്‌. ആറ്‌ മാസത്തെ കഠിന പരിശീലനത്തിനായി ഉദ്യോഗാർഥികൾ സെപ്‌തംബർ നാലിന്‌ തൃശൂർ വിയ്യൂരിലെ ഫയർ സർവീസ്‌ അക്കാദമിയിലെത്തും. അടുത്ത ആറ്‌ മാസം ഫീൽഡുതല പരിശീലനവുമുണ്ടാകും. പിന്നീട്‌ ജില്ലാ ആസ്ഥാനങ്ങളിൽ ഇവരെ നിയോഗിക്കും.

താമസത്തിനും വിശ്രമത്തിനുമടക്കമുള്ള സംവിധാനങ്ങളും ഒരുക്കുന്നുണ്ട്‌. കഴിഞ്ഞ ബജറ്റിൽ 50 ലക്ഷം രൂപയാണ്‌ സർക്കാർ ഇതിനായി മാറ്റിവച്ചത്‌. ചിട്ടയായ പരിശീലനത്തിലൂടെ മികവുറ്റ സേനാംഗങ്ങളായി ഇവരെ മാറ്റാനാണ്‌ ലക്ഷ്യമിടുന്നത്. പരിശീലനത്തിന് മുന്നോടിയായി ഫയർഫോഴ്‌സ്‌ മേധാവി കെ പത്മകുമാർ 19ന്‌ വിയ്യൂരിലെത്തി സിലബസും പ്രായോഗിക പരിശീലനവും എന്തെല്ലാമെന്ന്‌ പരിശോധിക്കും.


Share our post

Kerala

ചുങ്കത്ത് ഗ്രൂപ്പ് ചെയർമാൻ സി.പി പോൾ അന്തരിച്ചു

Published

on

Share our post

ചാലക്കുടി: ചുങ്കത്ത് ഗ്രൂപ്പ് ചെയർമാൻ സി പി പോൾ (83) അന്തരിച്ചു. അസുഖ ബാധിതനായി ചികിത്സയിലായിരുന്നു. ചാലക്കുടിയിലെ വസതിയിൽ വെച്ചായിരുന്നു അന്ത്യം. സംസ്‌കാരം നാളെ മൂന്ന് മണിക്ക് ചാലക്കുടി ഫോറോന പള്ളിയിൽ.കുന്ദംകുളം സ്വദേശിയായിരുന്ന സി പി പോൾ പിന്നീട് ചാലക്കുടിയിൽ സ്ഥിരതാമസമാക്കിയതാണ്. ഹാർഡ് വെയർ വ്യാപാരത്തിലൂടെയായിരുന്നു ബിസിനസ് രം​ഗത്ത് ചുവടുവച്ചത്. പിന്നീട് സ്വർണ്ണ വ്യാപാരരംഗത്തേക്ക് കടന്നു. ഭാര്യ: ലില്ലി. മക്കൾ: രാജി, രാജീവ്, രഞ്ജിത്ത്, രേണു. മരുമക്കൾ: ഡോ.ടോണി തളിയത്ത്, അനി, ഡയാന, അഭി ഡേവിസ്.


Share our post
Continue Reading

Kerala

വീഗനൊപ്പം വളർന്ന് കേരളത്തിലെ ചക്ക വിപണിയും, കിലോയ്ക്ക് 70 രൂപ വരെ

Published

on

Share our post

പന്തളം: ‘വീഗൻ’ വിപണി രാജ്യത്ത് കുതിക്കുമ്പോൾ കേരളത്തിലെ ചക്കവിപണിക്കും അത് ഊർജമായി. മൂപ്പെത്തുംമുമ്പുള്ള ചക്ക വൻതോതിൽ ഇപ്പോൾ കയറ്റിപ്പോകുന്നു. ചക്കയുടെ സീസൺ ആരംഭിച്ചപ്പോൾത്തന്നെ ആവശ്യകത ഇരട്ടിയായി. ഇടിച്ചക്ക മുതൽ മറ്റ് സംസ്ഥാനങ്ങളിലേക്ക് കയറ്റിയയച്ചുതുടങ്ങിയതോടെ ഇരട്ടിയോടടുത്താണ് വില. കേരളത്തിലെ ചക്കയ്ക്കാണ് ഏറെ പ്രിയം.തമിഴ്‌നാട്ടിലേക്കും വടക്കൻ സംസ്ഥാനങ്ങളിലേക്കുമാണ് ചക്ക കൂടുതലായി കയറ്റിവിടുന്നത്.പ്രധാനമായി വിവിധതരം അച്ചാറുകൾ, ചക്കയുടെ മറ്റ് ഉത്പന്നങ്ങൾ എന്നിവയ്ക്കാണ് മൂക്കാത്തചക്ക ഇവിടെനിന്ന് കൊണ്ടുപോകുന്നത്. മസാല ചേർത്ത വെജിറ്റേറിയൻ ഫാസ്റ്റ് ഫുഡ് ഉത്പന്നങ്ങളുടെ പട്ടികയിലും മൂക്കാത്തചക്ക സ്ഥാനം പിടിച്ചിട്ടുണ്ട്.

കിലോയ്ക്ക് 70 വരെ രൂപ

കിലോയ്ക്ക് 30 മുതൽ 50 വരെയാണ് മൊത്തവില. ചില്ലറവിൽപ്പനയിൽ വില 70 രൂപയിൽ എത്തിനിൽക്കുന്നു. അച്ചാറുകൾ പോലെയുള്ള ഉത്പന്നമായി ഇത് തിരികെ കേരളത്തിലേക്കെത്തുന്നുമുണ്ട്.

അച്ചാർ കമ്പനിക്കാർ ആവശ്യപ്പെടുന്നതനുസരിച്ച് ഒന്നരയ്ക്കും മൂന്നരയ്ക്കും ഇടയിൽ തൂക്കമുള്ള ചക്കയാണ് കയറ്റി അയയ്ക്കുന്നവയിൽ അധികവും. തമിഴ്‌നാട്ടിലേക്ക് അധികവും കൊണ്ടുപോകുന്നത് മൂത്തചക്കയാണ്. സീസൺ അല്ലാതെ കായ്ക്കുന്ന പ്ലാവുകൾ കേരളത്തിൽ ധാരാളമായി കൃഷിചെയ്യുന്നതാണ് എക്കാലത്തുമുള്ള ഉത്പാദനത്തിനും വിപണനത്തിനും ആധാരമെന്ന് ചക്കക്കൂട്ടം ഗ്രൂപ്പ് അഡ്മിൻ ആർ.അശോക് പറഞ്ഞു.

അധികം ഉയരം വരാത്തതും ഏതാണ്ട് എല്ലാ കാലത്തും ചക്കയുണ്ടാകുന്നതുമായ പ്ലാവുകളുള്ളതിനാൽ എപ്പോഴും സംസ്‌കരണവും വിപണനവും സുഗമമായി നടക്കുമെന്നതുതന്നെയാണ് പ്രധാനമെന്ന് ചക്കക്കൂട്ടം കോഡിനേറ്റർ അനിൽ ജോസ് പറയുന്നു.

വീഗൻ എന്നാൽ

മത്സ്യ മാംസാദികളും പാലും പാലുത്പന്നങ്ങളും മുട്ടയും പൂര്‍ണമായി വര്‍ജിച്ചുകൊണ്ടുള്ള ആഹാരക്രമമാണിത്. വീഗന്‍ ആഹാരക്രമം എന്നത് വെറുമൊരു ഭക്ഷണക്രമത്തിലെ തിരഞ്ഞെടുപ്പ് മാത്രമല്ല, മറിച്ച് അതൊരു ജീവിതരീതിയാണ്. ഇറച്ചിയും മീനും കൂടാതെ പാല്‍ പോലും കഴിക്കുന്നത് മനുഷ്യത്വരഹിതമാണെന്ന് കരുതുന്നവരാണ് വീഗനുകള്‍. കഴിവിന്റെ പരമാവധി മൃഗങ്ങളെ ഉപയോഗിക്കുന്നതോ, ചൂഷണം ചെയ്യുന്നതോ ആയ ഉല്‍പ്പന്നങ്ങള്‍ അവര്‍ ഒഴിവാക്കുന്നു. പോഷണം, ധാര്‍മ്മികത, പരിസ്ഥിതിസ്‌നേഹം, ആരോഗ്യസംരക്ഷണം എന്നിവയെല്ലാം ഒരാളെ വീഗനാക്കുന്നതില്‍ പങ്കുവഹിക്കുന്നു.


Share our post
Continue Reading

Kerala

ജാമ്യത്തുകയില്ലാത്ത തടവുകാർക്ക് പുറത്തിറങ്ങാം, അർഹരായവരെ ലീഗൽ സർവീസ്‌ അതോറിറ്റി സഹായിക്കും

Published

on

Share our post

കോടതി ജാമ്യം അനുവദിച്ചിട്ടും പണമടയ്ക്കാൻ നിർവാഹമില്ലാതെ ജയിലിൽത്തുടരേണ്ടിവരുന്ന തടവുകാർക്ക്‌ സാമ്പത്തിക സഹായം നൽകാൻ നിയമസംവിധാനമുണ്ട്‌. വിചാരണത്തടവുകാർക്ക്‌ 40,000 രൂപവരെയും ശിക്ഷിക്കപ്പെട്ടവർക്ക് 25,000 രൂപ വരെയുമാണ് പാവപ്പെട്ടവരെങ്കിൽ ജാമ്യത്തുകയടയ്ക്കാൻ സാമ്പത്തികസഹായം കിട്ടുക. ലീഗൽ സർവീസ്‌ അതോറിറ്റിയുടെ കീഴിലുള്ള ജില്ലാതല എംപവേഡ്‌ കമ്മിറ്റിയാണ്‌ സഹായധനം നൽകാൻ നടപടിയെടുക്കുന്നത്‌.ദ്വയാർഥപരാമർശത്തിന്റെ പേരിൽ ജയിലിൽ പോകേണ്ടിവന്ന വ്യവസായി ബോബി ചെമ്മണൂർ ഇത്തരം തടവുകാർക്ക്‌ പിന്തുണ പ്രഖ്യാപിക്കുന്നെന്ന്‌ പറഞ്ഞത്‌ വിവാദമായിരുന്നു.ജയിലിന്റെ പരിധിയിൽ വരുന്ന പ്രദേശത്തെ ജഡ്ജി, കളക്‌ടർ, ജില്ലാ പോലീസ്‌ മേധാവി, ജയിൽ സൂപ്രണ്ടുമാർ തുടങ്ങിയവർ ഈ കമ്മിറ്റിയിൽ അംഗങ്ങളാണ്‌. ജില്ലാ ലീഗൽ സർവീസ്‌ അതോറിറ്റി സെക്രട്ടറിയാണ്‌ കൺവീനർ. പണമടയ്ക്കാനില്ലാതെ ജയിലിൽനിന്ന്‌ ഇറങ്ങാൻ സാധിക്കാത്ത പ്രതികളുടെ പട്ടിക ജയിലിൽനിന്ന്‌ വാങ്ങി ഈ കമ്മിറ്റിയിൽ വെക്കും. അർഹരായവർക്ക്‌ തുക അനുവദിക്കണമെന്ന്‌ കമ്മിറ്റി ശുപാർശചെയ്യും. ഇതു പ്രകാരമാണ്‌ സർക്കാർ പണമനുവദിക്കുന്നത്‌.

ബി.പി.എൽ. വിഭാഗത്തിൽപ്പെട്ടവർക്കു മാത്രമാണ്‌ അർഹത, അഴിമതിക്കേസിൽ ശിക്ഷിക്കപ്പെട്ടവർക്കും എൻ.ഡി.പി.എസ്‌., േപാക്സോ കേസ്‌ ‌പ്രതികൾ എന്നിവർക്കും സഹായം ലഭിക്കില്ല. സ്ഥിരം കുറ്റവാളികൾ, സ്ത്രീകൾക്കും കുട്ടികൾക്കും നേരേയുള്ള കുറ്റകൃത്യങ്ങളിൽ പ്രതിയായവർ, യു.എ.പി.എ. ചുമത്തപ്പെട്ടവർ എന്നിവർക്കും ഈ ആനുകൂല്യമില്ല.

ഒരു പ്രതിക്ക്‌ ഒരു തവണ മാത്രമേ സാമ്പത്തിക സഹായം കിട്ടൂ. പണമില്ലാത്ത പ്രതികൾക്ക്‌ ജാമ്യവ്യവസ്ഥയിൽ ഇളവ്‌ വേണമെന്ന്‌ നേരിട്ട്‌ കോടതിയിൽ അപേക്ഷ നൽകാനും കഴിയും. കോടതി പരിേശാധിച്ച്‌ നടപടിയെടുക്കും.


Share our post
Continue Reading

Trending

error: Content is protected !!