KOOTHUPARAMBA
ഗതാഗതം തടസ്സപ്പെട്ട് കൂത്തുപറമ്പും പൂക്കോടും
കൂത്തുപറമ്പ് : കൂത്തുപറമ്പിലേയും പൂക്കോട്ടേയും അനധികൃത ബസ് ‘സ്റ്റോപ്പുകൾ’ ഗതാഗതക്കുരുക്ക് കൂട്ടുന്നു. കൂത്തുപറമ്പ് സ്റ്റാൻഡിൽനിന്നിറങ്ങി വിവിധ ഭാഗങ്ങളിലേക്ക് പോകുന്ന ബസ് തോന്നിയിടത്ത് നിർത്തി യാത്രക്കാരെ കയറ്റുന്നതാണ് പ്രശ്നമാകുന്നത്. തലശ്ശേരിഭാഗത്തേക്ക് പോകുന്ന ബസുകൾ സ്റ്റാൻഡിൽ നിന്നിറങ്ങി കൂത്തുപറമ്പ് ജി.എച്ച്.എസ്.എസിലേക്ക് പോകുന്ന വഴിയിൽ നിർത്തി യാത്രക്കാരെ കയറ്റുന്നത് വലിയ കുരുക്കുണ്ടാക്കുന്നുണ്ട്.
താലൂക്കാസ്പത്രിക്ക് മുന്നിൽ നരവൂർ റോഡിന്റെ മുന്നിലും പിന്നിലുമായി നിർത്തിയിട്ടാണ് യാത്രക്കാരെ കയറ്റുന്നത്. ഇത് പലപ്പോഴും ബസ് ജീവനക്കാരും മറ്റ് വാഹനയാത്രക്കാരുമായി വാക്‌തർക്കത്തിനും ഇടയാക്കുന്നു. കണ്ണൂർ ഭാഗത്തേക്ക് പോകുന്ന ബസുകൾക്ക് കവലയ്ക്ക് തൊട്ടുമുന്നിലായി നിർത്തിയിട്ട് യാത്രക്കാരെ കയറ്റാനാണ് അനുമതിയുള്ളതെങ്കിലും പലപ്പോഴും പല സ്ഥലങ്ങളിലായി നിർത്തി യാത്രക്കാരെ കയറ്റുന്നുണ്ട്.
മട്ടന്നൂർ റോഡിൽ കൂത്തുപറമ്പിലേക്ക് വരുന്ന ബസുകൾ മൂര്യാട് റോഡിന് പിന്നിലായി നിർത്തി യാത്രക്കാരെ കയറ്റണണമെന്നാണ് നിർദേശം. ഇവിടെയും റോഡിന് മുന്നിലായി നിർത്തുന്നു. പൂക്കോട് ജങ്ഷനിൽ കൂത്തുപറമ്പ് ഭാഗത്തേക്കുള്ള ബസുകൾ നിർത്തുന്നതും മറ്റ് വാഹനയാത്രക്കാർക്ക് ബുദ്ധിമുട്ടുണ്ടാക്കുന്നുണ്ട്. 100 മീറ്ററോളം മാറി ബസ് സ്റ്റോപ്പുണ്ടെങ്കിലും ഇവിടെ ബസ് നിർത്താറില്ലെന്ന്‌ യാത്രക്കാർ പറയുന്നു.
കെ.എസ്.ടി.പി. റോഡ് നവീകരണത്തിന്റെ ഭാഗമായി റോഡിൽ ഡിവൈഡർ നിർമിച്ചിരുന്നു. ഇതോടെ ബസ് സ്റ്റോപ്പ് കുറച്ചുകൂടി മുന്നോട്ടുമാറ്റി. എന്നാൽ, ഇപ്പോഴും ഡിവൈഡർ തുടങ്ങുന്ന ഭാഗത്ത് തന്നെയാണ് ബസ് നിർത്തുന്നത്. ഇവിടെ ബസ് നിർത്തുന്നതോടെ പിറകിൽ വാഹനങ്ങളുടെ നീണ്ട നിര ഉണ്ടാകും. അതോടെ പാനൂർ ഭാഗത്തുനിന്ന് കടന്നുവരുന്ന വാഹനങ്ങൾക്ക് കടന്നുപോകാൻ കഴിയാത്ത സ്ഥിതിയാകും.
ഇവിടെ ബസ് നിർത്തുന്നതിനാൽ കാത്തിരിപ്പ് കേന്ദ്രത്തിൽ നിൽക്കുന്നവർക്ക് ബസ് കിട്ടാറില്ല. അതിനാൽ, യാത്രക്കാർ ബസ് നിർത്തുന്നിടത്താണ് നിൽക്കുന്നത്. കാത്തിരിപ്പ് കേന്ദ്രത്തിന് സമീപം ബസ് നിർത്താനുള്ള നടപടി സ്വീകരിച്ചാൽ ഇവിടെയുള്ള പ്രശ്നം പരിഹരിക്കാമെന്ന് നാട്ടുകാർ പറയുന്നു. അതേസമയം, പാനൂർ ഭാഗത്തേക്കുള്ള ബസ് കാത്തിരിപ്പ് കേന്ദ്രം കുറച്ചുകൂടെ മുന്നോട്ട് മാറ്റിയതിനാൽ ഇവിടെ ഗതാഗതക്കുരുക്കിന് ശമനമുണ്ട്.
ചിറ്റാരിപ്പറമ്പ്: 24 വർഷങ്ങളുടെ കാത്തിരിപ്പിനൊടുവിൽ കണ്ണവം പൊലീസ് സ്റ്റേഷന് കെട്ടിടമായി. നിർമാണം പൂർത്തിയായി ആറ് മാസം കഴിഞ്ഞിട്ടും ഉദ്ഘാടനം എന്നു നടക്കുമെന്ന കാര്യത്തിൽ മാത്രം തീരുമാനമായിട്ടില്ല. സംസ്ഥാനത്തെ മറ്റ് പൊലീസ് സ്റ്റേഷനുകൾ ഹൈടെക് ആകുമ്പോഴും കണ്ണവം പൊലീസ് സ്റ്റേഷൻ കെട്ടിടം തകർച്ച ഭീഷണിയിലാണെന്നു ചൂണ്ടിക്കാട്ടി മലയാള മനോരമ വാർത്ത നൽകിയിരുന്നു. വാർത്തയുടെ ചിത്രം ഉൾപ്പെടെ നൽകിയാണു കണ്ണവം നിവാസികൾ മുഖ്യമന്ത്രി പിണറായി വിജയൻ, കെ.സുധാകരൻ എം.പി, കെ.കെ.ശൈലജ എം.എൽ.എ, ചീഫ് സെക്രട്ടറി എന്നിവർക്കു പരാതി നൽകിയത്.
കണ്ണൂരിൽ നടന്ന പൊലീസിന്റെ ജില്ലാ തല പരാതി പരിഹാര അദാലത്തിലും കണ്ണവം പൗരസമിതി പ്രവർത്തകർ മലയാള മനോരമ നൽകിയ വാർത്തകൾ ഉൾപ്പെടുത്തിക്കൊണ്ടു കണ്ണവം സ്റ്റേഷന്റെ ചോർന്നൊലിക്കുന്ന അവസ്ഥ ചൂണ്ടിക്കാട്ടി പരാതി നൽകി. ഈ പരാതികളുടെ അടിസ്ഥാനത്തിലാണു മുൻ ഡിജിപി അനിൽ കാന്ത് വനം വകുപ്പിൽ നിന്ന് വിട്ടുകിട്ടിയ 27 സെന്റിൽ സ്റ്റേഷൻ കെട്ടിടം നിർമിക്കാൻ നിർദേശം നൽകിയത്. കണ്ണവം വില്ലേജ് ഓഫിസിന് സമീപത്തുള്ള 27 സെന്റാണ് വനം വകുപ്പ് പൊലീസിന് വിട്ടു നൽകിയത്.
ഉദ്ഘാടനം നടന്നാലും വഴി ഉണ്ടാവില്ല
പുതിയ കെട്ടിടം നിർമിക്കാൻ കണ്ണവം വില്ലേജ് ഓഫിസിനോട് ചേർന്നുള്ള വനം വകുപ്പിന്റെ സ്ഥലം ലഭിച്ചെങ്കിലും ഈ സ്ഥലത്തേക്കുള്ള റോഡ് നിർമിക്കാനായി ലഭിക്കേണ്ട സ്ഥലത്തിന്റെ ഫയലുകൾ ചുവപ്പ് നാടയ്ക്കുള്ളിൽ കുരുങ്ങി. ഇതോടെ സ്റ്റേഷൻ നിർമാണം നിലച്ചു. എന്നാൽ സ്റ്റേഷൻ നിർമാണം നിലയ്ക്കാതിരിക്കാൻ സമീപത്തെ സ്വകാര്യ വ്യക്തിയുടെ സ്ഥലത്ത് കൂടെ നിർദിഷ്ട സ്റ്റേഷൻ കെട്ടിടത്തിന്റെ പിറകിലേക്ക് പുതിയ റോഡ് നിർമിച്ചാണ് പ്രവൃത്തി പൂർത്തിയാക്കിയത്. പൊലീസ് സ്റ്റേഷനിലേക്കുള്ള വഴിയുടെ ഫയലുകൾ ഇന്നും ചുവപ്പ് നാടയിൽ തന്നെയാണ്. വനം വകുപ്പും ആഭ്യന്തര വകുപ്പും തമ്മിലുള്ള പ്രശ്നമാണ് സ്ഥലം വിട്ടു നൽകാത്തത് എന്നും സൂചനയുണ്ട്.
അവസ്ഥപരിതാപകരം
ടാർപ്പായ വലിച്ചു കെട്ടിയ പൊളിഞ്ഞുവീഴാറായ ഇരുനില കെട്ടിടത്തിൽ 44 ജീവനക്കാരാണു നിലവിൽ ജോലി ചെയ്യുന്നത്. പ്രതികൾ സ്റ്റേഷൻ വരാന്തയിലെ ബെഞ്ചിലാണ് ഇരിക്കുന്നത്. സുരക്ഷിതമായ ലോക്കപ്പോ, പ്രതികളെ ചോദ്യം ചെയ്യാനോ സ്ഥലമില്ല. എന്തിനേറെ, തൊണ്ടി മുതൽ സൂക്ഷിക്കാൻ പോലും സ്ഥലമില്ല. വലിയ കേസുകളിലെ പ്രതികളെ കൂത്തുപറമ്പ് സ്റ്റേഷനിലെ ലോക്കപ്പിലാണു താമസിപ്പിക്കുന്നത്. വൃത്തിയുളള വനിതാ ശുചിമുറിയോ പൊലീസുകാർക്ക് വിശ്രമിക്കാനുള്ള സൗകര്യമോ ഇല്ല. പരാതിയുമായി വരുന്ന നാട്ടുകാർ കുടയും ചൂടി സ്റ്റേഷന്റെ വളപ്പിലെ മരച്ചുവടുകൾ തേടണം.
പുതിയ കെട്ടിടം 8000 ചതുരശ്രയടിയിൽ
8000 ചതുരശ്രയടിയിൽ രണ്ടു നിലകളായാണു പുതിയ സ്റ്റേഷൻ കെട്ടിടം നിർമിച്ചത്. വേണമെങ്കിൽ രണ്ടാം നിലയിലും നിർമാണം നടത്താം. സേവനങ്ങൾ തേടി വരുന്ന സ്ത്രീകൾക്കും പുരുഷൻമാർക്കും പ്രത്യേകം കാത്തിരിപ്പു കേന്ദ്രം, ഹെൽപ് ഡെസ്ക്, കേസ് അന്വേഷണത്തിന് ശാസ്ത്രീയ സൗകര്യങ്ങൾ ഉൾപ്പെടെ ജന സൗഹൃദ പൊലീസ് സ്റ്റേഷനാകും പുതിയ കണ്ണവം പൊലീസ് സ്റ്റേഷൻ. കേരള പൊലീസ് ഹൗസിങ് ആൻഡ് കൺസ്ട്രക്ഷൻ കോർപ്പറേഷനായിരുന്നു നിർമാണച്ചുമതല. 2.20 കോടി രൂപ ചെലവിലാണു നിർമാണം.
കൂത്തുപറമ്പ്: ഗവ. ഐ.ടി.ഐ.യില്‍ ഡ്രാഫ്ട്‌സ്മാന്‍ സിവില്‍ ട്രേഡില്‍ ജൂനിയര്‍ ഇന്‍സ്ട്രക്ടര്‍ തസ്തികയിലേക്ക് ഗസ്റ്റ് ഇന്‍സ്റ്റക്ടറുടെ നിയമനം നടത്തുന്നു. സിവില്‍ എഞ്ചിനീറിംഗില്‍ ബിരുദം/ബിരുദാനന്തര ബിരുദവും ഒരു വര്‍ഷത്തെ പ്രവൃത്തി പരിചയവും അല്ലെങ്കില്‍ സിവില്‍ എഞ്ചിനീറിംഗില്‍ ഡിപ്ലോമയും രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ പ്രസ്തുത ട്രേഡില്‍ എന്‍.റ്റി.സിയും മൂന്ന് വര്‍ഷത്തെ പ്രവൃത്തിപരിചയവും അല്ലെങ്കില്‍ പ്രസ്തുത ടേഡില്‍ എന്‍.എ.സി.യും ഒരു വര്‍ഷത്തെ പ്രവൃത്തി പരിചയവുമുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ ജനുവരി 14ന് രാവിലെ 11ന് ഐ.ടി.ഐയില്‍ നടത്തുന്ന ഇന്റര്‍വ്യൂവില്‍ അസ്സല്‍ സര്‍ട്ടിഫിക്കറ്റുകളുമായി എത്തണം. ഫോണ്‍- 04902364535 .
കൂത്തുപറമ്പ്:ശരീര സൗന്ദര്യ മത്സരരംഗത്ത് പുത്തൻ താരോദയമായി അതിഥിത്തൊഴിലാളി. ബിഹാറിലെ കഗാരിയ സ്വദേശി പത്തൊമ്പതുകാരൻ അർബാസ് ഖാനാണ്‌ ചിട്ടയായ വ്യായാമവും കൃത്യമായ ഭക്ഷണക്രമീകരണവും ശീലിച്ച്‌ മികച്ച ബോഡി ബിൽഡറായി നേട്ടം കൊയ്യുന്നത്‌. നിർമലഗിരിയിയിൽ വെൽഡിങ്‌ തൊഴിലാളിയായ അർബാസ്ഖാൻ ജില്ലാ ബോഡി ബിൽഡിങ് അസോസിയേഷൻ തലശേരിയിൽ സംഘടിപ്പിച്ച ശരീരസൗന്ദര്യ മത്സരത്തിൽ 55 കി ലോഗ്രാം ജൂനിയർ കാറ്റഗറിയിലാണ്‌ സ്വർണം നേടിയത്. മൂന്നുവർഷം മുമ്പ്‌ ജോലി തേടി കേരളത്തിലെത്തിയ യുവാവിന്‌ മെൻസ് ഫിസിക് മുൻ ലോക ചാമ്പ്യൻ ഷിനു ചൊവ്വയെ പരിചയപ്പെട്ടതോടെയാണ് ശരീരസൗന്ദര്യ മത്സരത്തിൽ പങ്കെടുക്കണമെന്ന ആഗ്രഹമുണ്ടായത്. രണ്ടുവർഷമായി നിർമലഗിരി ഡ്രീം ഫിറ്റ്‌ ജിമ്മിൽ ഷിനുവിന്റെ കീഴിൽ പരിശീലനം നടത്തുന്നു. കഴിഞ്ഞ വർഷം ജില്ലാ മത്സരത്തിൽ മൂന്നാംസ്ഥാനം നേടിയിരുന്നു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
