Social
കാനഡയില്‍ ഫെയ്സ്ബുക്കിലും ഇന്‍സ്റ്റാഗ്രാമിലും വാര്‍ത്തകള്‍ കാണിക്കുന്നത് അവസാനിപ്പിച്ച് മെറ്റ
കാനഡയില്‍ ഫെയ്സ്ബുക്ക്, ഇന്‍സ്റ്റാഗ്രാം പ്ലാറ്റ്‌ഫോമുകള്‍ വഴി വാര്‍ത്തകള്‍ എത്തിക്കുന്നത് നിര്‍ത്തലാക്കി മെറ്റ പ്ലാറ്റ്‌ഫോംസ്. വാര്‍ത്താ ഉള്ളടക്കങ്ങള്‍ക്ക് ഇന്റര്‍നെറ്റ് കമ്പനികള്‍മാധ്യമ സ്ഥാപനങ്ങള്‍ക്ക് പ്രതിഫലം നല്‍കണമെന്ന് നിര്‍ബന്ധമാക്കിയുള്ള നിയമം കാനഡ നടപ്പാക്കിയതിനെ തുടര്‍ന്നാണ് ഇനി വാര്‍ത്താ ഉള്ളടക്കങ്ങള്‍ തങ്ങളുടെ പ്ലാറ്റ്‌ഫോമുകളില്‍ കാണിക്കേണ്ട എന്ന് കമ്പനി തീരുമാനിച്ചത്.
എന്നാല്‍ മെറ്റയുടെ ഈ നടപടി ‘നിരുത്തരവാദ പരം’ ആണെന്നാണ് കനേഡിയന്‍ സര്‍ക്കാരിന്റെ പ്രതികരണം.
കനേഡിയന്‍ പാര്‍ലമെന്റ് പാസാക്കിയ പുതിയ ഓണ്‍ലൈന്‍ ന്യൂസ് ആക്റ്റ് അനുസരിച്ച് ഗൂഗിളിന്റെ മാതൃസ്ഥാപനമായ ആല്‍ഫബെറ്റ്, മെറ്റ പോലുള്ള കമ്പനികള്‍ കാനഡയിലെ മാധ്യമസ്ഥാപനങ്ങളുടെ ഉള്ളടക്കം ഉപയോഗിക്കുന്നുണ്ടെങ്കില്‍ അവരുമായി ചര്‍ച്ചചെയ്ത് വാണിജ്യ കരാറുകളുണ്ടാക്കണം.
അതേസമയം പ്രേക്ഷകരെ ലഭിക്കുന്നതിനും വരുമാനം ലഭിക്കുന്നതിനുമായി ഫെയ്സ്ബുക്കിലും ഇന്‍സ്റ്റാഗ്രാമിലും മാധ്യമസ്ഥാപങ്ങള്‍ സ്വമേധയാ ആണ് ലിങ്കുകള്‍ പങ്കുവെക്കുന്നത് എന്ന് കാനഡയിലെ മെറ്റ പോളിസി ഹെഡ്ഡ് റേച്ചല്‍ കരെണ്‍ പറഞ്ഞു. മാത്രവുമല്ല ഞങ്ങളുടെ പ്ലാറ്റ്‌ഫോമുകള്‍ ഉപയോഗിക്കുന്നവര്‍ വാര്‍ത്തകള്‍ക്ക് വേണ്ടിയല്ല ഞങ്ങളിലേക്ക് വരുന്നത് എന്നും അവര്‍ പറഞ്ഞു.
അതേസമയം കാനഡയില്‍ വാര്‍ത്തകള്‍ നല്‍കുന്നത് നിര്‍ത്തലാക്കിയ മെറ്റയുടെ നടപടി നിരുത്തരവാദ പരമാണെന്ന് കനേഡിയന്‍ സാംസ്‌കാരിക മന്ത്രി പസ്‌കാല്‍ സെന്റ് ഓന്‍ജ് പറഞ്ഞു.
വാര്‍ത്താ സ്ഥാപനങ്ങള്‍ക്ക് ന്യായമായ വിഹിതം നല്‍കുന്നതിന് പകരം നിലവാരമുള്ള ഉള്ളടക്കങ്ങളും പ്രാദേശിക വാര്‍ത്തകളും ലഭ്യമാകുന്നതില്‍ നിന്ന് അവര്‍ അവരുടെ ഉപഭോക്താക്കളെ തടയുകയാണെന്ന് മന്ത്രി പറഞ്ഞു.
തങ്ങള്‍ നിലപാടില്‍ ഉറച്ചുനില്‍ക്കുമെന്നും. ടെക്ക് ഭീമന്മാര്‍ക്കെതിരെ കാനഡക്കാര്‍ക്ക് വേണ്ടി സര്‍ക്കാരിനല്ലാതെ മറ്റാര്‍ക്കാണ് നിലകൊള്ളാനാവുകയെന്നും ഓഞ്ജ് കൂട്ടിച്ചേര്‍ത്തു.
വാര്‍ത്താ ഉള്ളടക്കങ്ങള്‍ സ്വമേധയാ ആണ് മാധ്യമ സ്ഥാപനങ്ങള്‍ സോഷ്യല്‍ മീഡിയാ പ്ലാറ്റ്‌ഫോമുകളില്‍ പങ്കുവെക്കുന്നത് എങ്കിലും ആ ഉള്ളടക്കങ്ങളില്‍ നിന്ന് വലിയ രീതിയിലുള്ള പരസ്യ വരുമാനം പ്ലാറ്റ്‌ഫോമുകള്‍ നേടുന്നുണ്ട്. ഈ വരുമാനത്തില്‍ എത്ര പങ്ക് മാധ്യമങ്ങള്‍ക്ക് നല്‍കണം എന്ന് ടെക്ക് കമ്പനികള്‍ തന്നെയാണ് ഏക പക്ഷീയമായി തീരുമാനിച്ചിരുന്നത്.
എന്നാല്‍ ഉള്ളടക്കം തങ്ങളുടേത് ആണെന്നും അതില്‍ നിന്നുള്ള വരുമാനത്തിന്റെ ന്യായമായ പങ്കിന് തങ്ങള്‍ക്ക് അവകാശമുണ്ടെന്നും മാധ്യമ സ്ഥാപനങ്ങള്‍ പറയുന്നു. ഓസ്‌ട്രേലിയയും യൂറോപ്പും മാധ്യമ സ്ഥാപനങ്ങള്‍ക്ക് അനുകൂലമായി സമാനമായ നിയമം നേരത്തെ അവതരിപ്പിച്ചിട്ടുണ്ട്.
തിരുവനന്തപുരം: മുഖ്യമന്ത്രി പിണറായി വിജയന്റെ നിയമസഭ പ്രസംഗം പുസ്തക രൂപത്തിൽ പുറത്തിറക്കി . ‘ഹൃദയ പക്ഷം’ എന്ന പേരിലാണ് പുസ്തകം പുറത്തിറങ്ങിയത്. ഇൻഫോർമേഷൻ ആന്റ് പബ്ലിക് റിലേഷൻസ് വകുപ്പാണ് പുസ്തകം പുറത്തിറക്കിയത്. 2016 മുതൽ 2025 വരെയുള്ള നിയമസഭയിലെ മുഖ്യമന്ത്രിയുടെ തെരഞ്ഞെടുത്ത പ്രസംഗങ്ങളാണ് പുസ്തകത്തിൽ. ടി വി സുഭാഷ് ഐഎഎസ് ആണ് എഡിറ്റർ .
തിരുവനന്തപുരം: വിദ്യാർഥികളിൽ ശാരീരിക ക്ഷമതയും മാനസികാരോഗ്യവും ഉറപ്പാക്കാൻ സ്‌കൂളുകളിൽ ആരംഭിക്കുന്ന സൂംബ ഡാൻസ്‌ പാഠ്യപദ്ധതിയുടെ ഭാഗമാക്കി. ഇതിന്റെ ഭാഗമായി എട്ടാം ക്ലാസിലെ ‘കലാപഠനം’ പാഠപുസ്‌തകത്തിൽ സൂംബ ഡാൻസ്‌ ഉൾപ്പെടുത്തി. പുതിയ അധ്യയന വർഷം സ്‌കൂളിൽ കുട്ടികളെ ഈ ഡാൻസ്‌ പ്രാക്ടീസ്‌ ചെയ്യിക്കാനായി മുഴുവൻ അധ്യാപകർക്കും പരിശീലനം ആരംഭിച്ചു. ലഹരി വിരുദ്ധ പ്രവർത്തനങ്ങളുടെ ഭാഗമായി മുഴുവൻ കുട്ടികളെയും സ്‌കൂളുകളിൽ സൂംബ ഡാൻസ്‌ ചെയ്യിക്കാൻ മുഖ്യമന്ത്രി പിണറായി വിജയൻ നിർദേശം നൽകിയിരുന്നു. ഇതിന്റെ ഭഗമായാണ്‌ സൂംബ ഡാൻസ്‌ പാഠപുസ്‌തകത്തിൽ ഉൾപ്പെടുത്തിയത്‌. അടുത്തദിവസം പാഠപുസ്‌തകം കുട്ടികളുടെ കൈകളിലെത്തും.
നൃത്തവും ഫിറ്റ്‌നസ്‌ വർക്കൗട്ടും ഒരുമിക്കുന്ന സൂംബ ഡാൻസ്‌ ‘ജനപ്രിയ നൃത്തങ്ങൾ’ എന്ന പാഠഭാഗത്തിലാണ്‌ ചിത്രം സഹിതം പഠിപ്പിക്കുന്നത്‌. അതിന്റെ ഉത്‌ഭവവും മറ്റ്‌ വിവരങ്ങളുമുണ്ട്‌. ബ്രേക്ക്‌ ഡാൻസിനെകുറിച്ചും ഈ പാഠഭാഗത്ത്‌ പഠിപ്പിക്കുന്നുണ്ട്‌. ഡ്രംബീറ്റുകൾക്കൊപ്പം സൂംബാ ഡൻസ്‌ ചെയ്യാനും പരിശീലിപ്പിക്കുന്നുണ്ട്‌. ലഹിരി വിരുദ്ധ പ്രവർത്തനം ശക്തിപ്പെടുത്തുന്നതിനായി മുഖ്യമന്ത്രി വിളിച്ച ഉന്നത യോഗത്തിലാണ്‌ സൂംബ ഡാൻസ്‌ കുട്ടികളെ പരിശീലിപ്പിക്കാനും എല്ലാ ദിവസവും അവ ചെയ്യാനുള്ള സംവിധാനം സ്‌കൂളിൽ ഒരുക്കാനും അദ്ദേഹം നിർദേശം നൽകിയത്‌.
സംസ്ഥാനത്തെ യുപി മുതൽ എച്ച്‌എസ്‌ വരെയുള്ള മുഴുവൻ അധ്യാപകർക്കും സൂംബ ഡാൻസ്‌ പരിശീലിപ്പിക്കുമെന്ന്‌ എസ്‌സിഇർടി ഡയറക്ടർ ഡോ. ആർ കെ ജയപ്രകാശ്‌ പറഞ്ഞു. അതോടെ 1,60,000 അധ്യാപകർ സൂംബ പരിശീലകരാകും. നിലവിൽ നടക്കുന്ന അധ്യാപക പരിശീലത്തിന്റെ ഭാഗമായാണ്‌ ഇവയും പഠിപ്പിക്കുന്നത്‌. ഇതിനായി മുഴുവൻ ആർപിമാർക്കും പരിശീലനം നൽകി കഴിഞ്ഞതായും അദ്ദേഹം പറഞ്ഞു. അധ്യാപകർക്കിടയിൽ ഇതിന്‌ നല്ല പ്രതികരണമാണ്‌ ലഭിക്കുന്നതെന്ന്‌ എസ്‌സിഇആർടി റിസർച്ച്‌ ഓഫീസർ കെ സതീഷ്‌കുമാർ പറഞ്ഞു.സ്‌കൂൾ തുറന്നാലുടൻ മുഴവൻ വിദ്യാർഥികളെയും സൂംബ ഡാൻസ്‌ ചെയ്യിപ്പിക്കും. കുറഞ്ഞ കുട്ടികളുള്ള സ്‌കൂളുകളിൽ അസംബ്ലിയുടെ ഭാഗമായി ഇവ ചെയ്യാനാകും. കുട്ടികൾ കൂടുതലുള്ള സ്‌കൂളുകളിൽ ഇവ എങ്ങനെ വേണം എന്ന കാര്യത്തിൽ അന്തിമ തീരുമാനമായിട്ടില്ല.
വാട്‌സ്ആപ്പ് ബോട്ട് വഴി പ്രീമിയം അടയ്ക്കാനുള്ള സൗകര്യമൊരുക്കി പ്രമുഖ പൊതുമേഖല ഇന്‍ഷുറന്‍സ് കമ്പനിയായ എല്‍.ഐ.സി. ഉപഭോക്താക്കള്‍ക്ക് ഓണ്‍ലൈനായി പ്രീമിയം അടക്കാനും രസീതുകള്‍ ലഭ്യമാക്കാനും ഇതുവഴി സാധിക്കും. എല്‍.ഐ.സി കസ്റ്റമര്‍ പോര്‍ട്ടലില്‍ രജിസ്റ്റര്‍ ചെയ്തവര്‍ക്ക് പ്രീമിയം അടയ്‌ക്കേണ്ട പോളിസികളുടെ വിശദാംശങ്ങള്‍ 8976862090 എന്ന വാട്‌സ്ആപ്പ് നമ്പറില്‍ പരിശോധിക്കാം. തുടര്‍ന്ന് വാട്‌സ്ആപ്പ് ബോട്ടില്‍ യു പി ഐ, നെറ്റ് ബാങ്കിങ്, കാര്‍ഡുകള്‍ വഴി പ്രീമിയം തുക അടയ്ക്കാമെന്ന് എല്‍ ഐ സി വാര്‍ത്ത കുറിപ്പിലൂടെ അറിയിച്ചു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
