പോക്‌സോ കേസില്‍ പ്രതിക്ക് 75 വര്‍ഷം കഠിനതടവും 5.5 ലക്ഷം പിഴയും ശിക്ഷ
ചാലക്കുടി: പോക്‌സോ കേസിലെ പ്രതിക്ക് 75 വര്‍ഷം കഠിനതടവും അഞ്ചരലക്ഷം രൂപ പിഴയും. കാടുകുറ്റി കാതിക്കുടം കുറ്റിപ്പറമ്പില്‍ വിപിനാ(38)ണ് ചാലക്കുടി അതിവേഗ പ്രത്യേക പോക്‌സോ കോടതി സ്‌പെഷ്യല്‍ ജഡ്ജി ഡോണി തോമസ് വര്‍ഗീസ് ശിക്ഷ വിധിച്ചത്.
പിഴ ഒടുക്കിയില്ലെങ്കില്‍ മൂന്നുവര്‍ഷംകൂടി അധികതടവ് അനുഭവിക്കണം. പിഴത്തുക ഈടാക്കി അതിജീവിതയ്ക്ക് നല്‍കാനും കോടതി നിര്‍ദേശിച്ചു. 2020-ല്‍ ആണ് കേസിനാസ്പദമായ സംഭവം.
പ്രോസിക്യൂഷനുവേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ അഡ്വ. ടി. ബാബുരാജ് ഹാജരായി.
