Connect with us

KELAKAM

സുദീപിന്റെ റബർ തോട്ടത്തിൽ ‘കറുത്ത പൊന്നും’ താരമാണ്

Published

on

Share our post

കേളകം: സംയോജിത കൃഷിയിലൂടെ മികച്ച നേട്ടം കൊയ്യുന്ന കേളകം വെള്ളൂന്നിയിലെ മൈലംപിലാക്കൽ എം.എസ്. സുദീപിന്റെ കാർഷിക പരീക്ഷണങ്ങൾ മലയോര കർഷകർക്ക് മികച്ച ഒരു കൃഷിപാഠമാണ്. അടിക്കടിയുണ്ടാകുന്ന വിലത്തകർച്ചയും ഉത്പാദനക്കുറവും മൂലം അടിപതറിയ കർഷകർ പലരും റബ്ബർ കൃഷി ഉപേക്ഷിച്ച് മറ്റ് മാർഗ്ഗങ്ങൾ തേടിയപ്പോൾ സംയോജിത കൃഷിയിലൂടെ ജയിച്ച് മുന്നേറുകയാണ് സുദീപ് എന്ന ചെറുപ്പക്കാരൻ.

കൃഷിയെ എന്നും ഒരു സർഗാത്മക പ്രവർത്തനമായി കാണുന്ന സുദീപിന്റെ പരീക്ഷണങ്ങളിൽ ഒന്നായിരുന്നു റബ്ബർ – കുരുമുളക് സംയോജിത കൃഷി. തണൽ പ്രദേശങ്ങളിൽ ധാരാളമായി വിളവ് തരുന്ന പന്നിയൂർ -2, 5, വിജയ് ഇനം കുരുമുളക് ചെടികൾ സംഘടിപ്പിച്ചു നട്ടു.

ടാപ്പിംഗിന് തടസം വരാതെ റബ്ബറിന്റെ 6 അടി ഉയരം വരെ ചെടി മറ്റൊരു താങ്ങുകാലിൽ വളർത്തുകയും പിന്നീട് മുകളിൽ നിന്നും റബ്ബറിലേക്ക് കയറ്റി വിടുകയും ചെയ്തു. പരീക്ഷണം വിജയിച്ചതോടെ കൂടുതൽ മരങ്ങളിലേക്ക് വ്യാപിപ്പിച്ചു. നിലവിൽ 400 റബർ മരങ്ങളിലാണ് കുരുമുളക് കൃഷി. ഈ വർഷം 300 മരങ്ങളിൽ കൂടി വ്യാപിക്കാനാണ് ശ്രമം.റിട്ട. അദ്ധ്യാപകരായ എം.കെ. ശശിയുടെയും കെ.കെ. രാജമ്മയുടെയും മകനായ സുദീപ് കൃഷിയിലേക്കിറങ്ങിയിട്ട് 17 വർഷത്തോളമായി.

24 വയസുള്ളപ്പോൾ കുറച്ചുകാലം തൊടുപുഴയിൽ അമ്മ വീട്ടിൽ താമസിച്ചപ്പോൾ കണ്ട, അമ്മയുടെ അച്ഛന്റെയും സഹോദരന്മാരുടെയും അടുക്കും ചിട്ടയുമുള്ള കാർഷിക ജീവിതമായിരുന്നു പ്രചോദനം. അക്കാലത്ത് കേരളത്തിന്റെ സമ്പദ് വ്യവസ്ഥയിൽ ശക്തമായ സ്വാധീനമുണ്ടായിരുന്ന റബർ കൃഷിയിലായിരുന്നു സുദീപിന്റെ തുടക്കം.കഴിഞ്ഞ 10 വർഷമായി വയനാട് പേര്യയിൽ ആരോഗ്യ വകുപ്പ് ജീവനക്കാരനാണെങ്കിലും കൃഷി ഉപേക്ഷിച്ചിട്ടില്ല.

പുലർച്ചെ കൃഷിയിടത്തിലെത്തി വേണ്ടത് ചെയ്തിട്ട് കൃത്യമായി ഡ്യൂട്ടിയിൽ പ്രവേശിക്കും. കുരുമുളകിന് നിത്യവും പരിചരണമാവശ്യമായതിനാൽ ഭാര്യ പി.കെ. സൗമ്യ അത് ഭംഗിയായി നിറവേറ്റുന്നുമുണ്ട്. മക്കളായ പ്ലസ് ടു വിദ്യാർത്ഥിനിയായ ശബരി പ്രിയയും 10ലും 8ലും പഠിക്കുന്ന ശബരി പ്രസാദും, ശബരി പ്രണവും ഒഴിവുള്ളപ്പോൾ അച്ഛന് സഹായവുമായി കൂടെയുണ്ട്.

ഒരുമരത്തിൽ നിന്ന്600 രൂപസ്വന്തമായി കൃഷിപ്പണി ചെയ്ത് ടാപ്പിംഗ് നടത്തിയാൽ ഒരു മരത്തിൽ നിന്നും ശരാശരി 250 രൂപയോളം പ്രതിവർഷം കിട്ടുമെങ്കിൽ സംയോജിത കൃഷിയിലൂടെ 600 രൂപയിലേക്ക് വരുമാനം ഉയരുമെന്ന് സുദീപ് സാക്ഷ്യപ്പെടുത്തുന്നു.

ടാപ്പ് ചെയ്യുന്ന 700 ഓളം റബ്ബർ മരത്തിലെ കുരുമുളക് കൃഷിക്ക് പുറമെ ചെറുതും വലുതുമായ മറ്റ് മരങ്ങളിലായി നല്ല വിളവ് ലഭിക്കുന്ന 800 ഓളം കുരുമുളക് ചെടികളും, 100 ഓളം കശുമാവും സുദീപിന്റെ തോട്ടത്തിലുണ്ട്.

മറ്റുള്ളവർ നമ്മളെ സഹായിക്കുമെന്ന് കരുതി നോക്കിയിരുന്നിട്ട് വലിയ പ്രയോജനമില്ല. സഹായങ്ങൾക്ക് പരിമിതിയുണ്ട്. നമ്മുടെ കൈകൾ മാത്രമാണ് നമ്മെ കരകയറ്റാനുണ്ടാവുക എന്ന തിരിച്ചറിവുണ്ടാകുമ്പോൾ നമുക്ക് പ്രതിസന്ധികൾ നിഷ്പ്രയാസം തരണം ചെയ്യാം.


Share our post

KELAKAM

കേളകം പഞ്ചായത്തിനെ ഹരിത- ശുചിത്വ പഞ്ചായത്തായി പ്രഖ്യാപിച്ചു

Published

on

Share our post

കേളകം: മാലിന്യമുക്തം നവകേരളം ജനകീയ ക്യാമ്പയിന്റെ ഭാഗമായി കേളകം പഞ്ചായത്തിനെ “ഹരിത-ശുചിത്വ പഞ്ചായത്ത്” ആയി പ്രഖ്യാപിച്ചു.2024 ഒക്ടോബർ 2 ന് ആരംഭിച്ച ക്യാമ്പയിൻ പ്രവർത്തനത്തിൽ വിദ്യാലയങ്ങൾ, സ്ഥാപനങ്ങൾ, ടൂറിസം കേന്ദ്രങ്ങൾ, അംഗനവാടികൾ, അയൽക്കൂട്ടങ്ങൾ, ടൗണുകൾ, പൊതുവിടങ്ങൾ ഉൾപ്പെടെ വിവിധ ഘട്ടങ്ങളിൽ ഹരിതമായി പ്രഖ്യാപിച്ചിരുന്നു. തോടുകൾ, പാതയോരങ്ങൾ എന്നിവ ജനകീയമായി ശുചീകരിച്ച് ബോർഡുകൾ ഉൾപ്പെടെ സ്ഥാപിച്ചു. ശേഷം 13 വാർഡുകളും ഹരിതപ്രഖ്യാപനം നടത്തിയിരുന്നു.കേളകം വ്യാപാരഭവൻ ഹാളിൽ പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ.സുധാകരൻ ഉദ്ഘാടനം ചെയ്തു. പഞ്ചായത്ത് പ്രസിഡണ്ട് സി.ടി.അനീഷ് ഷാന്റി അധ്യക്ഷനായി. പഞ്ചായത്ത് അസിസ്റ്റൻ്റ് സിക്രട്ടറി രാജശേഖരൻ റിപ്പോർട് അവതരണം നടത്തി. പഞ്ചായത്ത് വൈസ് പ്രസിഡണ്ട് തങ്കമ്മ മേലെക്കുറ്റ്,പേരാവൂർ ബ്ലോക്ക് സ്ഥിര സമിതി അധ്യക്ഷ മൈഥിലി രമണൽ, ബ്ലോക്ക് അംഗം മേരിക്കുട്ടി, വ്യാപാരി വ്യവസായി ഏകോപന സമിതി കേളകം യൂനിറ്റ് പ്രസിഡണ്ട് റജീഷ് ബൂൺ, യുനൈറ്റഡ് മർച്ചൻ്റ്സ് ചേമ്പർ യൂനിറ്റ് പ്രസിഡണ്ട് കൊച്ചിൻ രാജൻ, ഗ്രാമ പഞ്ചായത്ത് സിക്രട്ടറി ബിജു ബേബി തുടങ്ങിയവർ സംസാരിച്ചു.


Share our post
Continue Reading

KELAKAM

ഈ ​സ്നേ​ഹ​ത്തി​ന് കാ​ൽ നൂ​റ്റാ​ണ്ട്

Published

on

Share our post

കേ​ള​കം: ഇ​രു​പ​ത്തി​യ​ഞ്ചി​ല​ധി​കം വ​ർ​ഷ​മാ​യി അ​ട​ക്കാ​ത്തോ​ട് മു​ഹി​യു​ദ്ദീ​ൻ ജു​മാ മ​സ്ജി​ദി​ൽ നോ​മ്പുകാ​ർ​ക്കാ​യി നോ​മ്പ് ക​ഞ്ഞി​യൊ​രു​ക്കി അ​ട​ക്കാ​ത്തോ​ട് സ്വ​ദേ​ശി മു​ളം​പൊ​യ്ക​യി​ൽ ഷ​റ​ഫു​ദ്ദീ​ൻ. ത​ന്റെ പി​താ​വ് മു​ളം​പൊ​യ്ക​യി​ൽ മു​സ്ത​ഫ​യി​ൽ​നി​ന്ന് പ​ഠി​ച്ച പാ​ച​ക വൈ​ഭ​വ​മാ​ണ് നാ​ട്ടി​ലെ നോ​മ്പു​കാ​ർ​ക്ക് അ​നു​ഗ്ര​ഹ​മാ​യ​ത്.ജീ​ര​കം, ഉ​ലു​വ, വെ​ളു​ത്തു​ള്ളി, തേ​ങ്ങ എ​ന്നി​വ ചേ​ർ​ത്ത് ത​യാ​റാ​ക്കു​ന്ന ക​ഞ്ഞി പ​ള്ളി​യി​ലെ നോ​മ്പുതു​റ​ക്കാ​ർ​ക്ക് മാ​ത്ര​മ​ല്ല എ​ത്തു​ന്ന എ​ല്ലാ​വ​ർ​ക്കും പാ​ർസ​ലാ​യും ന​ൽ​കും. ഷ​റ​ഫു​ദ്ദീ​ന്റെ നോ​മ്പുക​ഞ്ഞി കൂ​ടി രു​ചി​ക്കു​മ്പോ​ഴാ​ണ് നാ​ട്ടു​കാ​ർ​ക്ക് നോ​മ്പു തു​റ​യു​ടെ സം​തൃ​പ്തി ല​ഭി​ക്കു​ന്ന​ത്.ക​ഞ്ഞി ത​യാ​റാ​ക്കാ​ൻ ഷ​റ​ഫു​ദ്ദീ​നെ സ​ഹാ​യി​ക്കാ​നാ​യി ഉ​ച്ച​മു​ത​ൽ ഭാ​ര്യ പാ​ത്തു​മ്മ​യും ക​ർ​മ​നി​ര​ത​യാ​വും. ക​ഞ്ഞി​യും ചാ​യ​യും പ​ല​ഹാ​ര​ങ്ങ​ളും പ​ഴ​വ​ർ​ഗ​ങ്ങ​ളും നോ​മ്പ് തു​റ​ക്കാ​ർ​ക്കാ​യി ത​യാ​റാ​ക്കാ​നാ​യി ല​ഭി​ച്ച അ​വ​സ​ര​ത്തി​ന് സ​ർ​വ​ശ​ക്ത​നെ സ്തു​തി​ക്കു​ക​യാ​ണി​വ​ർ.നോ​മ്പുക​ഞ്ഞി ത​യാ​റാ​ക്കു​ന്ന​തി​ൽ മാ​ത്ര​മ​ല്ല, മ​ഹ​ല്ലി​ലെ സാ​മൂഹി​ക പ്ര​വ​ർ​ത്ത​ന​ങ്ങ​ളി​ലും മു​ന്ന​ണി​യി​ലാ​ണ് ഈ ​എ​ഴു​ത്ത​ഞ്ച്കാ​ര​ൻ. പ​ള്ളി​യു​ടെ പ​രി​സ​ര​ങ്ങ​ളി​ലും ഖ​ബ​ർ​സ്ഥാ​നി​ലും കാ​ട് തെ​ളി​ക്കു​ന്ന​ത് ത​ന്റെ ഉ​ത്ത​ര​വാ​ദി​ത്വമെ​ന്നോ​ണം സൗ​ജ​ന്യ സേ​വ​ന​മാ​ക്കി​യി​ട്ടു​ണ്ട് ഷ​റ​ഫു​ദ്ദീ​ൻ. അ​ന്ന​ന്ന​ത്തെ ഉ​പ​ജീ​വ​ന​ത്തി​ന് കൂ​ലിപ്പണി​യാ​ണ് മാ​ർ​ഗ​മെ​ങ്കി​ലും ന​ന്മ​യു​ടെ മാ​ർ​ഗ​ത്തി​ൽ മാ​ർ​ഗ ദ​ർ​ശി​കൂ​ടി​യാ​ണ് ഈ ​ക​റു​ത്ത തൊ​പ്പി​ക്കാ​ര​ൻ.


Share our post
Continue Reading

KELAKAM

യുണൈറ്റഡ് മർച്ചൻ്റ്സ് ചേംമ്പർ കേളകം യൂണിറ്റ് കമ്മറ്റി കേളകം പഞ്ചായത്തിലേക്ക്‌ പ്രതിഷേധ സമരം നടത്തി

Published

on

Share our post

കേളകം : യു.എം.സി. കേളകം യൂണിറ്റ് കേളകം പഞ്ചായത്തിലേക്ക് മാർച്ചും ധർണയും നടത്തി. ജില്ലാ ട്രഷറർ ജേക്കബ് ചോലമറ്റം ഉദ്ഘാടനം ചെയ്തു. കേളകം യൂണിറ്റ് പ്രസിഡന്റ് കൊച്ചിൻ രാജൻ അധ്യക്ഷനായി. ജില്ലാ വർക്കിംഗ് പ്രസിഡന്റ് ഷിനോജ് നരിതൂക്കിൽ, ജനറൽ സെക്രട്ടറി സജി ജോസഫ്, ജോ. സെക്രട്ടറി സൈജു ഗുജറാത്തി, എക്സിക്യൂട്ടീവ് അംഗം ജെ. ദേവദാസൻ എന്നിവർ സംസാരിച്ചു. പഞ്ചായത്ത് സെക്രട്ടറിക്ക് വ്യാപാരികളുടെ ആവശ്യങ്ങൾ ഉന്നയിച്ചുള്ള നിവേദനവും സമർപ്പിച്ചു.

2024-25 വർഷത്തിൽ നിലവിലുണ്ടായിരുന്ന തൊഴിൽ നികുതിയിൽ രണ്ടര ഇരട്ടി വർദ്ധനവു വരുത്തിയ നടപടിയിലുള്ള പ്രതിഷേധവും വർധിച്ചുവരുന്ന അനധികൃത ഫുട്പാത്ത് വ്യാപാരത്തിനെതിരെയുള്ള വിയോജിപ്പും സർക്കാറിനെയും തദ്ദേശ സ്വയംഭരണ സ്ഥാപനങ്ങളെയും അറിയിക്കുവാനാണ് സംസ്ഥാന കമ്മറ്റി തീരുമാനപ്രകാരം യൂണിറ്റ് കമ്മറ്റി പ്രതിഷേധ സമരം നടത്തിയത്.


Share our post
Continue Reading

Trending

error: Content is protected !!