പേരാവൂർ: സെയ്ന്റ് ജോസഫ്‌സ് ഹൈസ്‌കൂൾ 1975-76 എസ്എസ്എൽസി ബാച്ചിന്റെ രണ്ടാമത് കുടുംബ യോഗം തൊണ്ടിയിൽ നടന്നു. പ്രഥമാധ്യാപകൻ സണ്ണി.കെ.സെബാസ്റ്റ്യൻ ഉദ്ഘാടനം ചെയ്തു. ബാബു അബ്രഹാം അധ്യക്ഷനായി. പവിത്രൻ തോട്ടത്തിൽ, മേരി പള്ളിപ്പാടൻ, അധ്യാപകരായ ജോർജ് മാത്യു, പി.വി.നാരായണൻ, സിസ്റ്റർ ലീന, ഏലിക്കുട്ടി അമ്പലത്തുരുത്തേൽ, സിസ്റ്റർ മേരി, പി.വി.അന്നമ്മ എന്നിവർ സംസാരിച്ചു.

പേരാവൂർ: നിരോധിത പാൻ ഉത്പന്നങ്ങളുമായി മുരിങ്ങോടി സ്വദേശിയെ പേരാവൂർ പോലീസ് അറസ്റ്റ് ചെയ്തു. കായക്കൂൽ വീട്ടിൽ സുജീറിനെയാണ്(40) 85 പാക്കറ്റ് ഹാൻസ്, 25 പാക്കറ്റ് കൂൾ ലിപ്പ് എന്നിവ സഹിതം പോലീസ് അറസ്റ്റ് ചെയ്തത്. മുരിങ്ങോടി കുരിശുപള്ളി കവലക്ക് സമീപത്തെ ബജാജ് ഷോറൂം പരിസരത്ത് നിന്ന് പാൻ ഉത്പന്നങ്ങൾ വിൽക്കുന്നതിനിടെയാണ് എസ്‌ഐ. ടി.അബ്ദുൾ നാസർ,എഎസ്‌ഐ റോബിൻസൺ, സിപിഒ ഷിജിത്ത് എന്നിവർ സുജീറിനെ പിടികൂടിയത്.

പേരാവൂർ: കണ്ണൂർ ജില്ലാ ചെസ് ഓർഗനൈസിങ്ങ് കമ്മിറ്റി സംഘടിപ്പിക്കുന്ന ജില്ലാ അണ്ടർ11 ഓപ്പൺ ആൻഡ് ഗേൾസ് സെലക്ഷൻ ചെസ് ചാമ്പ്യൻഷിപ്പ് ഏപ്രിൽ 29ന് (ചൊവ്വാഴ്ച) തലശ്ശേരി ബ്രണ്ണൻ കോളേജിൽ നടക്കും. ആദ്യ രണ്ട് സ്ഥാനം നേടുന്നവർസംസ്ഥാനചെസ് ചാമ്പ്യൻഷിപ്പിലേക്ക് യോഗ്യത നേടും. 27ന് മുൻപ് പേർ രജിസ്ട്രർ ചെയ്യണം. ഫോൺ : 9846879986,9605001010,9377885570.