പട്ടികജാതി വിഭാഗങ്ങളുടെ ചികിത്സ സഹായം: രോഗി ആസ്പത്രി വിട്ടാൽ തുക അക്കൗണ്ടിലേക്ക് നൽകും

പ​ട്ടി​ക​ജാ​തി വി​ഭാ​ഗ​ങ്ങ​ളു​ടെ ചി​കി​ത്സ സ​ഹാ​യ വി​ത​ര​ണം പ​രി​ഷ്ക​രി​ക്കാ​ൻ സ​ർ​ക്കാ​ർ തീ​രു​മാ​നം. ചി​കി​ത്സ സ​ഹാ​യ​ത്തി​ന് അ​പേ​ക്ഷ ന​ൽ​കി​യ ശേ​ഷം ഗു​ണ​ഭോ​ക്താ​വ് മ​രി​ച്ചാ​ൽ ഭാ​ര്യ അ​ല്ലെ​ങ്കി​ൽ ഭ​ർ​ത്താ​വ്, മ​ക്ക​ൾ എ​ന്നി​വ​ർ​ക്ക് തു​ക മാ​റി ന​ൽ​കാ​ൻ ബ​ന്ധ​പ്പെ​ട്ട നി​യ​ന്ത്ര​ണ ഉ​ദ്യോ​ഗ​സ്ഥ​നെ ചു​മ​ത​ല​പ്പെ​ടു​ത്തും. 50,000 രൂ​പ​ക്ക് മു​ക​ളി​ൽ വ​രു​ന്ന ചി​കി​ത്സ സ​ഹാ​യം ആ​സ്​പ​ത്രി അ​ക്കൗ​ണ്ടി​ൽ ന​ൽ​ക​ണ​മെ​ന്ന വ്യ​വ​സ്ഥ​യി​ലും ഇ​ള​വ് ന​ൽ​കി. ചി​കി​ത്സ​യി​ൽ ക​ഴി​യു​ന്ന രോ​ഗി ആസ്പ​ത്രി​ക​ളി​ൽ​നി​ന്ന് വി​ടു​ത​ൽ വാ​ങ്ങി​യ​തി​ന് ശേ​ഷ​മാ​ണ് ധ​ന​സ​ഹാ​യം അ​നു​വ​ദി​ക്കു​ന്ന​തെ​ങ്കി​ൽ വി​ടു​ത​ൽ സ​ർ​ട്ടി​ഫി​ക്ക​റ്റി​ന്‍റെ അ​ടി​സ്ഥാ​ന​ത്തി​ൽ ഈ ​തു​ക രോ​ഗി​യു​ടെ​യോ അ​പേ​ക്ഷ​ക​ന്‍റേ​യോ അ​ക്കൗ​ണ്ടി​ൽ ന​ൽ​കാം.

ഏ​റ​ക്കാ​ല​മാ​യി ഉ​യ​രു​ന്ന ആ​വ​ശ്യ​ത്തി​നാ​ണ് ഇ​തോ​ടെ പ​രി​ഹാ​ര​മാ​കു​ന്ന​ത്. നേ​ര​ത്തേ ചി​കി​ത്സ സ​ഹാ​യ​ത്തി​ന് അ​പേ​ക്ഷി​ക്കു​ന്ന രോ​ഗി മ​രി​ച്ചാ​ൽ തു​ക മാ​റി​യെ​ടു​ക്കാ​ൻ നി​ര​വ​ധി സാ​ങ്കേ​തി​ക പ്ര​യാ​സ​ങ്ങ​ളാ​ണ് ബ​ന്ധു​ക്ക​ൾ നേ​രി​ട്ടി​രു​ന്ന​ത്. ആ​ശു​പ​ത്രി വി​ടു​ന്ന രോ​ഗി​ക​ൾ​ക്ക് അ​നു​വ​ദി​ക്കു​ന്ന ധ​ന​സ​ഹാ​യം ആ​ശു​പ​ത്രി​ക​ളു​ടെ അ​ക്കൗ​ണ്ടു​ക​ളി​ലാ​ണ് വ​ന്നി​രു​ന്ന​തെ​ന്ന​തി​നാ​ൽ ഇ​ത് ആസ്പ​ത്രി​ക്കും രോ​ഗി​ക​ൾ​ക്കും ത​ല​വേ​ദ​ന​യും സൃ​ഷ്ടി​ച്ചി​രു​ന്നു.

നി​ർ​ധ​ന​രും മാ​ര​ക​രോ​ഗം ബാ​ധി​ച്ച​വ​രും ദീ​ർ​ഘ​കാ​ല ചി​കി​ത്സ ആ​വ​ശ്യ​മു​ള്ള​വ​ർ​ക്കു​മാ​ണ് ചി​കി​ത്സ സ​ഹാ​യം ന​ൽ​കു​ന്ന​ത്. ഇ​തി​നാ​യി പ​ട്ടി​ക​ജാ​തി വി​ഭാ​ഗ​ങ്ങ​ൾ​ക്കു​ള്ള ആ​രോ​ഗ്യ സു​ര​ക്ഷ പ​ദ്ധ​തി​യി​ൽ​നി​ന്നും പ​ര​മാ​വ​ധി ഒ​രു​ല​ക്ഷം രൂ​പ വ​രെ​യാ​ണ് അ​നു​വ​ദി​ക്കു​ന്ന​ത്. സം​സ്ഥാ​ന​ത്ത് പ്ര​തി​വ​ർ​ഷം എ​ണ്ണാ​യി​ര​ത്തോ​ളം പേ​രാ​ണ് വ​കു​പ്പി​ന്‍റെ ചി​കി​ത്സ സ​ഹാ​യ​ത്തി​ന്​ അ​പേ​ക്ഷി​ക്കു​ന്ന​ത്. ഒ​രു​ല​ക്ഷം രൂ​പ​യി​ൽ താ​ഴെ വ​രു​മാ​ന​മു​ള്ള രോ​ഗി​ക​ൾ ജാ​തി സ​ർ​ട്ടി​ഫി​ക്ക​റ്റ്, വ​രു​മാ​ന സ​ർ​ട്ടി​ഫി​ക്ക​റ്റ്, ഡോ​ക്ട​റു​ടെ സ​ർ​ട്ടി​ഫി​ക്ക​റ്റ് എ​ന്നി​വ സ​ഹി​തം അ​ക്ഷ​യ കേ​ന്ദ്ര​ങ്ങ​ളി​ൽ​നി​ന്നും വ​കു​പ്പി​ന്‍റെ ടി ​ഗ്രാ​ന്‍റ്​ സൈ​റ്റ് വ​ഴി​യാ​ണ് അ​പേ​ക്ഷി​ക്കേ​ണ്ട​ത്. സ്ഥ​ലം എം.​എ​ൽ.​എ, എം.​പി, ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ്​ എ​ന്നി​വ​രി​ലാ​രു​ടെ​യെ​ങ്കി​ലും ശി​പാ​ർ​ശ ക​ത്തു​ണ്ടെ​ങ്കി​ൽ ബ്ലോ​ക്ക് പ​ട്ടി​ക​ജാ​തി ഓ​ഫി​സു​ക​ളി​ൽ​നി​ന്നും ഈ ​അ​പേ​ക്ഷ​ക​ൾ നേ​രി​ട്ട് വ​കു​പ്പ് മ​ന്ത്രി​യു​ടെ ഓ​ഫി​സി​ലേ​ക്ക്​ അ​യ​ക്കു​ക​യും അ​വി​ടെ​നി​ന്ന്​ ഫ​ണ്ട് അ​നു​വ​ദി​ക്കു​ക​യും ചെ​യ്യും.

ശി​പാ​ർ​ശ​യി​ല്ലാ​ത്ത അ​പേ​ക്ഷ​ക​ൾ ബ്ലോ​ക്കു​ത​ല ഓ​ഫി​സ​ർ​മാ​ർ അ​ന്വേ​ഷി​ച്ച്​ ജി​ല്ല ഓ​ഫി​സു​ക​ളി​ലേ​ക്കും അ​വി​ടെ​നി​ന്ന് സം​സ്ഥാ​ന ഓ​ഫി​സ് വ​ഴി സെ​ക്ര​ട്ടേ​റി​യ​റ്റി​ലേ​ക്കു​മാ​ണ് പോ​കു​ന്ന​ത്.