Kannur
വയലേലകളിൽ പൈതൃകത്തിന്റെ കുടമണിനാദം
പയ്യന്നൂർ: മൺമറഞ്ഞു പോകുന്ന പരമ്പരാഗത കൃഷിരീതിയെ നിലനിർത്തി വാസുദേവൻ നമ്പൂതിരിയും സുഹൃത്ത് ഭാസ്കരനും. യന്ത്രമിറങ്ങാത്ത വയലുകളിൽ കാളകളെ പൂട്ടിക്കെട്ടി ഉഴുതുമറിച്ച് കൃഷിക്കൊരുക്കുകയാണിവർ. 35 വർഷത്തിലേറെയായി കാളകളെ ഉപയോഗിച്ച് നിലമുഴുന്ന കടന്നപ്പള്ളിയിലെ വി. വാസുദേവൻ നമ്പൂതിരി ഈ വർഷവും കാളകളുമായി രംഗത്തുണ്ട്. 50 വർഷത്തിലധികമായി പരിയാരം പുളിയൂലിലെ മാടക്ക ഭാസ്കരനും ഈ മേഖലയിൽ സജീവമാണ്.
ജില്ലയിൽ നൂറുകണക്കിന് കൃഷിക്കാർ ഈ പരമ്പരാഗത കൃഷി നടത്താനുണ്ടായിരുന്നുവെങ്കിലും ഇന്നത് വിരലിലെണ്ണാവുന്നർ മാത്രമാണ്. വയലുകളിൽ ഉഴതു യന്ത്രമിറങ്ങിയപ്പോഴും വാസുദേവനും ഭാസ്കരനും കാളകളെ ഉപേക്ഷിച്ചില്ല. കലപ്പകൊണ്ട് ഉഴുതാൽ മാത്രമെ നെൽവയൽ പാകപ്പെടൂ എന്നാണ് വാസുദേവൻ നമ്പൂതിരിയുടെ അഭിപ്രായം.
അതുകൊണ്ട് ശരീരം വഴങ്ങുന്നതുവരെ കാളയും കലപ്പയും ജീവിതത്തിന്റെ ഭാഗമാക്കാനാണ് ഈ കർഷക സുഹൃത്തുക്കളുടെ തീരുമാനം. പരമ്പരാഗത കൃഷിരീതി നിലനിൽക്കണമെന്ന ആഗ്രഹമാണ് നഷ്ടം സഹിച്ചും കാളകളെ സംരക്ഷിക്കുന്നതിന് പിന്നിലുള്ളത്.
കാളകളെ ലഭിക്കാത്തതും യന്ത്രം വ്യാപകമായതും പുതിയ തലമുറ ഈ രംഗത്ത്നിന്ന് പിന്മാറിയതുമാണ് വയലിലെ കാളപൂട്ടലിന്റെ ഗൃഹാതുരത മറയാൻ കാരണം. മുമ്പ് കർണാടക കുക്കെ സുബ്രഹ്മണ്യ ക്ഷേത്രത്തിലെ ഷഷ്ഠി ഉത്സവത്തോടനുബന്ധിച്ചുള്ള കാലിച്ചന്തയിൽ നിന്നാണ് കണ്ണൂർ, കാസർകോട് ജില്ലകളിലേക്ക് കാളകളെ കൊണ്ടുവന്നിരുന്നത്. എന്നാൽ, കാലിക്കടത്ത് ആരോപിച്ച് സംഘ് പരിവാർ ചന്ത തടഞ്ഞു. ഇതും ലക്ഷണമൊത്ത കളകളെ കിട്ടുന്നതിന്നതിന് തടസ്സമായതായി ഇവർ പറയുന്നു.
എന്നാൽ, മറ്റു പ്രദേശങ്ങളിൽ നിന്ന് കാളകളെ എത്തിച്ച് വാസുദേവൻ നമ്പൂതിരി ഇന്നും പരമ്പരാഗത കൃഷിയുമായി രംഗത്തുണ്ട്. സ്വന്തം വയൽ മാത്രമല്ല, യന്ത്രമിറങ്ങാത്ത മറ്റ് കൃഷിക്കാർക്കും ഇദ്ദേഹം നിലമൊരുക്കിക്കൊടുക്കുന്നു. വീടിനടുത്ത ഇ.ടി. കുഞ്ഞിരാമൻ നമ്പ്യാരാണ് വാസുദേവന്റെ ഗുരു.
സ്കൂൾ വിദ്യാഭ്യാസം മുതലെ കടന്നപ്പള്ളിയിലെ മുതിർന്ന കർഷകനായ കുഞ്ഞിരാമൻ നമ്പ്യാരുടെ കാർഷിക ജീവിതത്തോടൊപ്പം വാസുദേവനുണ്ട്. കുഞ്ഞിരാമൻ നമ്പ്യാർ തന്റെ കലപ്പയും കാർഷികോപകരണങ്ങളും മൂന്നു വർഷം മുമ്പ് വാസുദേവന് കൈമാറിയിരുന്നു.
യുവജന കമ്മീഷന്‍ അദാലത്ത് 13ന്
കേരള സംസ്ഥാന യുവജന കമ്മീഷന്‍ ചെയര്‍മാന്‍ എം.ഷാജറിന്റെ അധ്യക്ഷതയില്‍ മാര്‍ച്ച് 13 ന് രാവിലെ 11 മുതല്‍ കണ്ണൂര്‍ കലക്ടറേറ്റ് ഓഡിറ്റോറിയത്തില്‍ മെഗാ അദാലത്ത് നടത്തുന്നു. 18 നും 40 വയസ്സിനും മദ്ധ്യേ പ്രായമുള്ളവര്‍ക്ക് കമ്മീഷന്‍ മുമ്പാകെ പരാതികള്‍ സമര്‍പ്പിക്കാം. ഫോണ്‍- 0471- 2308630
ക്വിസ് മത്സരം 13 ന്
ഉപഭോക്തൃ ബോധവത്കരണ പരിപാടികളുടെ ഭാഗമായി മാര്‍ച്ച് 13 ന് ഉച്ചക്ക് രണ്ടിന് കതിരൂര്‍ ഗവ.ഹയര്‍ സെക്കന്ററി സ്‌കൂളില്‍ ജില്ലയിലെ ഹൈസ്‌കൂള്‍ വിദ്യാര്‍ഥികള്‍ക്കായി ക്വിസ് മത്സരം നടത്തുന്നു. താല്‍പര്യമുള്ള വിദ്യാര്‍ഥികള്‍ സ്‌കൂള്‍ അധികൃതരില്‍ നിന്നുള്ള സാക്ഷ്യപത്രം സഹിതം എത്തണമെന്ന് ജില്ലാ സപ്ലൈ ഓഫീസര്‍ അറിയിച്ചു. ഫോണ്‍: 0497 2700552, 9495650050
തൊഴില്‍ മേള 15 ന്
ഉന്നത വിദ്യാഭ്യാസ വകുപ്പ് ‘വിജ്ഞാന കേരളം’ പദ്ധതിയുടെ ഭാഗമായി അസാപ് കേരള പാലയാട് കമ്മ്യൂണിറ്റി സ്‌കില്‍ പാര്‍ക്കില്‍ മാര്‍ച്ച് 15ന്
തൊഴില്‍ മേള സംഘടിപ്പിക്കുന്നു. മേളയില്‍ പ്രമുഖ കമ്പനികള്‍ പങ്കെടുക്കും. ഉദ്യോഗാര്‍ഥികള്‍ അന്നേദിവസം രാവിലെ 9.30 ന് ബയോഡേറ്റയും അനുബന്ധ സര്‍ട്ടിഫിക്കറ്റുകളുമായി പാലയാട് കമ്മ്യൂണിറ്റി സ്‌കില്‍ പാര്‍ക്കില്‍ എത്തണം. https:// forms.gle/i1mcjqEddEsFmS39A മുഖേന രജിസ്‌ട്രേഷന്‍ നടത്താം. ഫോണ്‍-9495999712
ഗതാഗതം നിരോധിച്ചു
ഇരിക്കൂര്‍ ബ്ലോക്ക്, പൊന്നംപറമ്പ ഉപ്പുപടന്ന വാതില്‍മട കുഞ്ഞിപ്പറമ്പ റോഡില്‍ ചെയ്നേജ് 1/781 മുതല്‍ 3/480 കി.മി വരെ ടാറിങ്ങ് പ്രവൃത്തി നടക്കുന്നതിനാല്‍ മാര്‍ച്ച് 10 മുതല്‍ രണ്ടാഴ്ചത്തേക്ക് ചാച്ചമ്മ ജംഗ്ഷന്‍ മുതല്‍ ഉപ്പുപടന്ന വരെ ഗതാഗതം പൂര്‍ണമായും നിരോധിച്ചതായി അക്രഡിറ്റ് എഞ്ചിനീയര്‍ അറിയിച്ചു.
ക്വട്ടേഷന്‍ ക്ഷണിച്ചു
കേരള നദീതീര സംരക്ഷണവും മണല്‍ വാരല്‍ നിയന്ത്രണവും നിയമം-2001, ചട്ടങ്ങള്‍-2002, ഭേദഗതി നിയമം-2013 എന്നിവ പ്രകാരമുള്ള കണ്ണൂര്‍ ജില്ലയിലെ റിവര്‍ മാനേജ്മെന്റ് ഫണ്ട് അക്കൗണ്ടിന്റെ (സ്പെഷ്യല്‍ ടിഎസ്ബി-4) 2022 ഏപ്രില്‍ ഒന്നു മുതല്‍ 2024 മാര്‍ച്ച് 31 വരെയുള്ള കാലയളവിലെ ഇടപാടുകള്‍ ഓഡിറ്റ് ചെയ്ത് റിപ്പോര്‍ട്ട് സമര്‍പ്പിക്കുന്നതിന് അംഗീകൃത ചാര്‍ട്ടേര്‍ഡ് അക്കൗണ്ടുമാരില്‍ നിന്നും ക്വട്ടേഷന്‍ ക്ഷണിച്ചു. മാര്‍ച്ച് 15 ന് വൈകുന്നേരം മൂന്ന് വരെ ക്വട്ടേഷന്‍ സ്വീകരിക്കും. ക്വട്ടേഷനുകള്‍ ഡെപ്യൂട്ടി കലക്ടര്‍ (ഡി.എം), കലക്ടറേറ്റ്, കണ്ണൂര്‍ ഓഫീസില്‍ നേരിട്ടോ തപാലിലോ സമര്‍പ്പിക്കാം.
പയ്യന്നൂർ: പയ്യന്നൂർ സ്വദേശി മുംബെയിൽ മരണപ്പെട്ടു. പയ്യന്നൂർ തെരുവിലെ എ.വി രാജീവന്റെയും കുഞ്ഞിമംഗലത്തെ പി വി പ്രഷീജയുടെയും മകൻ കുഞ്ഞിമംഗലത്ത് താമസിക്കുന്ന രാഹുൽ രാജീവ് (27) ആണ് മരണപ്പെട്ടത്. മുംബൈയിലെ കമ്പനിയിൽ ജോലി ചെയ്തു വരികയായിരുന്നു.സഹോദരി: രഹ്ന രാജീവ്. നാട്ടിലെത്തിച്ച മൃതദേഹം നാളെ രാവിലെ 8 മണിക്ക് കുഞ്ഞിമംഗലത്തെ സ്വവസതിയിലും 9 മണി മുതൽ പയ്യന്നൂർ തെരുവിലെ വസതിയിലും പൊതു ദർശനത്തിന് വെക്കും. 10.30 മണിക്ക് സമുദായ ശ്മശാനത്തിൽ (പുഞ്ചക്കാട് ) സംസ്കാരം നടക്കും.
പിണറായി: എരുവട്ടിയിൽ കോൺഗ്രസ് പ്രവർത്തകർക്ക് നേരെ ആക്രമണം. രണ്ട് കോൺഗ്രസ് പ്രവർത്തകർക്ക് പരിക്ക്.എരുവട്ടി ഇന്ദിരാജി നഗറിൽ കോൺഗ്രസ് പ്രവർത്തകരെയാണ് ആക്രമിച്ചത്. ബിജു, സനോജ് എന്നിവർക്കാണ് പരിക്കേറ്റത്.പുല്ല്യോട്ടും കാവിലെ താലപൊലി ഉത്സവത്തോടനുബന്ധിച്ചുള്ള കലശത്തിന് ചെണ്ട മുട്ടുകയായിരുന്ന കോൺഗ്രസ് പ്രവർത്തകരെ ആർ.എസ്.എസ് പ്രവർത്തകർ അക്രമിക്കുകയായിരുന്നുവെന്ന് കോൺഗ്രസ് ആരോപിച്ചു. പാനുണ്ട ചക്ക്യത്ത് മുക്കിലെ വിപിൻ, വിഷ്ണു എന്നിവരുടെ നേതൃത്വത്തിലാണ് അക്രമം.രാത്രി പന്ത്രണ്ടര മണിയോടെയാണ് ആക്രമണം നടന്നത്. പരിക്കേറ്റ 2 പേരെയും തലശേരി ഇന്ദിരാഗാന്ധി ആശുപത്രിയിൽ പ്രവേശിപ്പിച്ചു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News12 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
