Kannur
കൃഷി നാശനഷ്ടങ്ങള് അറിയിക്കാം: കണ്ട്രോള് റൂമുകള് തുറന്ന് കൃഷി വകുപ്പ്

തിരുവനന്തപുരം : സംസ്ഥാനത്ത് മഴ ശക്തിപ്പെട്ട പശ്ചാത്തലത്തില് കൃഷി വകുപ്പ് ജില്ലാ തലത്തില് കണ്ട്രോള് റൂമുകള് തുറന്നു. മഴയെ തുടര്ന്നുള്ള കൃഷി നാശനഷ്ടങ്ങള് അറിയിക്കുന്നതിനും ബന്ധപ്പെട്ട പ്രവര്ത്തനങ്ങള്ക്കുമായാണ് ഇത്. കൃഷി നാശം റിപ്പോര്ട്ട് ചെയ്യുന്നതിനും ദുരന്ത ലഘൂകരണത്തിനുമായി കര്ഷകര്ക്ക് 9383472028, 9495887651 നമ്പറുകളില് ബന്ധപ്പെടാം
കൃഷി വകുപ്പിന്റെ എയിംസ് പോര്ട്ടല് വഴി കൃഷി നാശനഷ്ടങ്ങള്ക്ക് ധനസഹായത്തിനായി അപേക്ഷിക്കാം. ഇതിനായി എയിംസ് പോര്ട്ടലില് www.aims.kerala.gov.in ലോഗിന് ചെയ്ത് കൃഷി ഭൂമി, നാശനഷ്ടം സംഭവിച്ച കാര്ഷിക വിളകള് എന്നിവ സംബന്ധിച്ച വിവരങ്ങള് ചേര്ത്ത് കൃഷി ഭവനുകളിലേക്ക് ഓണ്ലൈനായി അപേക്ഷ സമര്പ്പിക്കാം.
കൂടുതല് വിവരങ്ങള്ക്ക്:
കൃഷിനാശനഷ്ടങ്ങൾ റിപ്പോർട്ട് ചെയ്യുന്നതിനും ദുരന്ത ലഘൂകരണത്തിനുമായി കർഷകർക്ക് താഴെ പറയുന്ന നമ്പരുകളിൽ ബന്ധപ്പെടാം.
കൊല്ലം- 9447905620 9497158066
പത്തനംതിട്ട- 9446041039- 9446324161
ആലപ്പുഴ- 7559908639- 9539592598
കോട്ടയം- 9446333214 -7561818724
എറണാകുളം-8921109551- 9496280107
തൃശൂർ- 9495132652 -8301063659
ഇടുക്കി- 9447037987 -8075990847
പാലക്കാട്- 8547395490 -9074144684
മലപ്പുറം- 9744511700- 9446474275
കോഴിക്കോട്- 9847402917- 9383471784
വയനാട്-9495622176 -9495143422
കണ്ണൂർ-9383472028 -9495887651
കാസർകോട് – 9446413072- 7999829425
Kannur
കുപ്രസിദ്ധ മോഷ്ടാവ് തീപ്പൊരി പ്രസാദ് കണ്ണൂരിൽ അറസ്റ്റിൽ

കണ്ണൂർ: കണ്ണൂർ നഗരത്തിൽ വിവിധ കേസുകളിൽ പ്രതിയായ കുപ്രസിദ്ധ മോഷ്ടാവിനെ പൊലിസ് പിടികൂടി. കണ്ണൂർ ടൗൺ, വളപട്ടണം, പയ്യന്നൂർ, തുടങ്ങി ജില്ലക്കകത്തും പുറത്തുമുള്ള പൊലീസ് സ്റ്റേഷനുകളിൽ ഭവനഭേദനം ഉൾപ്പെടെയുള്ള നിരവധി കേസുകളിൽ പ്രതിയാണ് പിടിയിലായത്. ആലപ്പുഴ ചെന്നിത്തലയിലെ തുമ്പിനാത്ത് വീട്ടിൽ പ്രസാദ് എന്ന തീപ്പൊരി പ്രസാദിനെയാണ് ഇന്നലെ രാത്രി കണ്ണൂർ മുനിസിപ്പൽ ബസ്സ് സ്റ്റാന്റിൽ വെച്ച് ടൗൺ പോലീസ് ഇൻസ്പെക്ടർ ശ്രീജിത് കൊടേരിയുടെ നിർദ്ദേശപ്രകാരം എസ്.ഐമാരായവി വി ദീപ്തി, പി കെ സന്തോഷ്, അനുരൂപ്, ഉദ്യോഗസ്ഥരായ നാസർ, റമീസ് എന്നിവരുൾപ്പെട്ട പൊലിസ് സംഘം അറസ്റ്റ് ചെയ്തത്. നേരത്തെ ജാമ്യത്തിലിറങ്ങി മുങ്ങി നടക്കുന്നതിനാൽ പ്രസാദിനെതിരെ വാറണ്ടും നിലവിലുണ്ടെന്ന് പോലീസ് പറഞ്ഞു.
Kannur
ലഹരി ഉപയോഗം; പറശ്ശിനിക്കടവിൽ എം.ഡി.എം.എയുമായി യുവതികളും യുവാക്കളും പിടിയില്

തളിപ്പറമ്പ്: കോള് മൊട്ടയിലെ ലോഡ്ജില് നടത്തിയ റെയിഡില് എം.ഡി.എം.എയുമായി നാലുപേര് പിടിയില്. തളിപ്പറമ്പ് എക്സൈസ് സര്ക്കിള് ഇന്സ്പെക്ടര് ഷിജില്കുമാറിന്റെ നേതൃത്വത്തില് പറശ്ശിനിക്കടവ് കോള്മൊട്ട ഭാഗങ്ങളില് നടത്തിയ റെയിഡിലാണ് മട്ടന്നൂര് മരുതായി സ്വദേശി മുഹമ്മദ് ഷംനാദ്, വളപട്ടണം സ്വദേശി മുഹമ്മദ് ജംഷില് (37), ഇരിക്കൂര് സ്വദേശിനി റഫീന (24 ), കണ്ണൂര് വസ്വദേശിനി ജസീന ( 22) എന്നിവരെ പിടികൂടിയത്. ഇവരില്നിന്ന് 490 മില്ലി ഗ്രാം എം.ഡി.എം.എയും ഉപയോഗിക്കാനുള്ള ടെസ്റ്റുബുകളും ലാമ്പുകളും പിടികൂടി. യുവതികള് പെരുന്നാള് ദിവസം സുഹൃത്തിന്റെ വീട്ടിലേക്ക് എന്ന് പറഞ്ഞ് വീട്ടില് നിന്നും ഇറങ്ങി പലസ്ഥലങ്ങളില് മുറി എടുത്ത് മയക്കുമരുന്ന് ഉപയോഗിച്ച് വരികയായിരുന്നു. വീട്ടില് നിന്നു വിളി ക്കുമ്പോള് കൂട്ടുകാരികള് ഫോണ് പരസ്പരം കൈമാറി വീട്ടുകാരെ തെറ്റിദ്ധരിപ്പിച്ചു വരികയായിരുന്നുവെന്ന് എക്സൈസ് പറഞ്ഞു. പിടികൂടിയപ്പോള് മാത്രമാണ് ഇവർ ലോഡ്ജില് ആണെന്ന് വീട്ടുകാർ മനസിലാക്കിയത്. മാറ്റാര്ക്കെങ്കിലും പങ്കുണ്ടോയെന്ന് എക്സൈസ് അന്വേഷിച്ചുവരികയാണെന്നും എക്സൈസ് അറിയിച്ചു.
Breaking News
12 വയസുള്ള പെൺകുട്ടിയെ പീഡിപ്പിച്ചതിന് റിമാൻഡിൽ കഴിയുന്ന യുവതിക്കെതിരെ വീണ്ടും പോക്സോ കേസ്

കണ്ണൂർ: തളിപ്പറമ്പിൽ 12 വയസുള്ള പെൺകുട്ടിയെ പീഡിപ്പിച്ചതിന് റിമാൻഡിൽ കഴിയുന്ന യുവതിക്കെതിരെ വീണ്ടും പോക്സോ കേസ്. തളിപ്പറമ്പിൽ കഴിഞ്ഞ മാസം അറസ്റ്റിലായ സ്നേഹ മെർലിനെതിരായാണ് വീണ്ടും കേസ്. അതിജീവിതയായ 12കാരിയുടെ സഹോദരനെയും സ്നേഹ ലൈംഗിക പീഡനത്തിന് ഇരയാക്കിയെന്നാണ് കണ്ടെത്തൽ. നിർബന്ധിച്ച് ലൈംഗികമായി ഉപയോഗിച്ചെന്ന് പെൺകുട്ടിയുടെ സഹോദരനായ 15കാരൻ മൊഴി നൽകി. വിവരം കുട്ടി തന്നെയാണ് വീട്ടുകാരോട് തുറന്നു പറഞ്ഞത്. പെൺകുട്ടിയെ പീഡിപ്പിച്ച കേസിൽ കഴിഞ്ഞ മാസമാണ് 23കാരിയായ സ്നേഹയെ പൊലീസ് അറസ്റ്റ് ചെയ്തത്.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്