പി.എസ്.സി അഭിമുഖം ജൂലൈ അഞ്ചിന്
കണ്ണൂർ : ജില്ലയിൽ സഹകരണ ബാങ്കിൽ ബ്രാഞ്ച് മാനേജർ (പാർട്ട് 1-ജനറൽ, ഫസ്റ്റ് എൻ.സി.എ-എൽ.സി/എ.ഐ, 340/2021, ബ്രാഞ്ച് മാനേജർ (പാർട്ട് 2-സൊസൈറ്റി ക്വാട്ട, ഫസ്റ്റ് എൻ.സി.എ-എസ്.സി, 279/2021) തസ്തികകളുടെ തെരഞ്ഞെടുപ്പിനായി 2023 ജനുവരി 13, ഫെബ്രുവരി രണ്ട് തീയതികളിൽ പ്രസിദ്ധീകരിച്ച ചുരുക്കപ്പട്ടികയിൽ ഉൾപ്പെട്ട് ഒറ്റത്തവണ വെരിഫിക്കേഷൻ പൂർത്തീകരിച്ച 10 ഉദ്യോഗാർഥികളുടെ അഭിമുഖം ജൂലൈ അഞ്ചിന് കോഴിക്കോട് പി.എസ്. സി ഓഫീസിൽ നടത്തും.
ഉദ്യോഗാർഥികൾക്ക് പ്രൊഫൈൽ മെസേജ്, എസ്.എം.എസ് എന്നിവ അയച്ചിട്ടുണ്ട്. ഇന്റർവ്യൂ മെമ്മോ, ബയോഡാറ്റ പ്രഫോർമ എന്നിവ പ്രൊഫൈലിൽ ലഭിക്കും. ഉദ്യോഗാർഥികൾ കമ്മീഷൻ അംഗീകരിച്ച അസ്സൽ തിരിച്ചറിയൽ രേഖ, അസ്സൽ പ്രമാണങ്ങൾ, ഡൗൺലോഡ് ചെയ്‌തെടുത്ത ഇന്റർവ്യൂ മെമ്മോ, ബയോഡാറ്റ പ്രഫോർമ, ഒ.ടി.വി സർട്ടിഫിക്കറ്റ് എന്നിവ സഹിതം അനുവദിക്കപ്പെട്ട തീയതിയിലും സമയത്തും ഹാജരാകണം.
