യൂട്യൂബ് ചാനലിലൂടെ മതവിദ്വേഷ പ്രചരണം; യൂട്യൂബർ അറസ്റ്റിൽ
മലപ്പുറം: യൂട്യൂബ് ചാനലിലൂടെ മതവിദ്വേഷ പ്രചരണം നടത്തിയ യൂട്യൂബര്‍ അറസ്റ്റില്‍. മലപ്പുറം പൂക്കോട്ടുപാടം അഞ്ചാംമൈല്‍ സ്വദേശി ബൈജു(44) ആണ് അറസ്റ്റിലായത്.
പെരിന്തല്‍മണ്ണയിലെ വെജിറ്റേറിയന്‍ ഹോട്ടലിനെതിരെയും നടത്തിപ്പുകാരനായ യുവാവിനെതിരെയും യൂട്യൂബ് ചാനലിലൂടെ മതവിദ്വേഷ പ്രചരണം നടത്തിയെന്നാണ് ഇയാള്‍ക്കെതിരെയുള്ള കേസ്.
മനപൂര്‍വം വര്‍ഗീയ വിദ്വേഷപ്രചാരണം നടത്തിയതിനാണ് പോലീസ് ഇയാള്‍ക്കെതിരെ സ്വമേധയാ കേസെടുത്തത്. മലപ്പുറം ജില്ല പോലീസ് മേധാവിയുടെ നിര്‍ദേശപ്രകാരമായിരുന്നു അറസ്റ്റ്. നിരവധി കേസുകളില്‍ പ്രതിയാണ് ഇയാളെന്നും പോലീസ് പറഞ്ഞു.
