പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
പേരാവൂർ: പേരാവൂർ സ്വദേശിനി ടി.പി. അതുല്യ (29) സെർബിയയിൽ അന്തരിച്ചു. ഭർത്താവ് സൂരജിനൊപ്പം സെർബിയയിൽ കഴിയുന്ന അതുല്യ രക്തസ്രാവത്തെ തുടർന്നാണ് മരണപ്പെട്ടത്. പേരാവൂർ അഗ്നി രക്ഷാ നിലയത്തിന് സമീപം ചന്ദ്രോത്ത് വീട്ടിൽ കെ.വി. രത്നാകരൻ്റെയും ദമയന്തിയുടെയും മകളാണ്. സഹോദരൻ: ഗോകുൽ. ചൊവ്വാഴ്ച രാവിലെ എട്ട് മണിയോടെ വീട്ടിലെത്തിക്കുന്ന മൃതദേഹം പൊതുദർശനത്തിന് ശേഷം പത്ത് മണിയോടെ തില്ലങ്കേരി പൊതു ശ്മശാനത്തിൽ സംസ്കരിക്കും.
