കൊ​ട്ടി​യൂ​ർ: കൊ​ട്ടി​യൂ​ർ പ​ഞ്ചാ​യ​ത്ത് വെ​ങ്ങ​ലോ​ടി​യി​ലെ മ​റ്റ​പ്പ​ള്ളി​ൽ ജോ​സ​ഫ്-​അ​ച്ചാ​മ്മ ദ​മ്പ​തി​ക​ളാ​ണ് വൃ​ക്ക ചു​രു​ങ്ങു​ന്ന രോ​ഗ​വും കാ​ൻ​സ​റും കാ​ര​ണം നി​ത്യ​ചെ​ല​വി​നും തു​ട​ർ ചി​കി​ത്സ​ക്കും സ​ഹാ​യ​ത്തി​നാ​യി കാ​ത്തി​രി​ക്കു​ന്ന​ത്. ജോ​സ​ഫി​ന് 85 വ​യ​സ്സു​ണ്ട്.

ക​ഴി​ഞ്ഞ മൂ​ന്ന് വ​ർ​ഷ​മാ​യി വൃ​ക്ക ചു​രു​ങ്ങു​ന്ന രോ​ഗ​ത്തി​ന് ചി​കി​ത്സ​യി​ലാ​ണ്. മാ​സം 5000 രൂ​പ​യു​ടെ മ​രു​ന്ന് വേ​ണം. ഭാ​ര്യ അ​ച്ചാ​മ്മ​ക്ക് 77 വ​യ​സ്സാ​യി. ക​ഴി​ഞ്ഞ മാ​സ​മാ​ണ് കാ​ൻ​സ​ർ സ്ഥി​രീ​ക​രി​ച്ച​ത്. ഇ​തോ​ടെ ര​ണ്ട് പേ​ർ​ക്കും മാ​സം 15000ത്തോ​ളം രൂ​പ മ​രു​ന്നി​ന് മാ​ത്ര​മാ​യി വ​രു​ന്നു​ണ്ട്.

പ​ണ​മി​ല്ലാ​ത്ത​തി​നാ​ൽ തു​ട​ർ ചി​കി​ത്സ​യും മ​രു​ന്നും വാ​ങ്ങാ​ൻ സാ​ധി​ക്കാ​ത്ത അ​വ​സ്ഥ​യി​ലാ​ണ് ഇ​വ​ർ. മ​റ്റു​ള്ള​വ​രു​ടെ സ​ഹാ​യ​മി​ല്ലാ​തെ ഭ​ക്ഷ​ണം പോ​ലു​മു​ണ്ടാ​ക്കാ​ൻ സാ​ധി​ക്കാ​ത്ത അ​വ​സ്ഥ​യി​ലാ​ണ്. ഇ​വ​രു​ടെ വീ​ട്ടി​ലേ​ക്കെ​ത്താ​ൻ വ​ഴി​യു​മി​ല്ല എ​ന്ന​താ​ണ് പ്ര​ധാ​ന പ്ര​ശ്‌​നം. പെ​ൻ​ഷ​ൻ പ​ണം ഉ​പ​യോ​ഗി​ച്ചാ​ണ് ഇ​ത്ര​യും കാ​ലം ക​ഴി​ഞ്ഞ​ത്.

എ​ന്നാ​ൽ, ര​ണ്ട് പേ​ർ​ക്കും രോ​ഗം പി​ടി​പെ​ട്ട​തോ​ടെ പെ​ൻ​ഷ​ൻ തു​ക തി​ക​യാ​തെ വ​ന്നു. ക​ടം മേ​ടി​ച്ചും പ​ട്ടി​ണി കി​ട​ന്നും ജീ​വി​തം ത​ള്ളി നീ​ക്കു​ക​യാ​ണെ​ന്ന് അ​യ​ൽ​വാ​സി​യാ​യ വീ​ട്ട​മ്മ പ​റ​യു​ന്നു. സു​മ​ന​സ്സു​ക​ളു​ടെ സ​ഹാ​യം ഈ ​വൃ​ദ്ധ ദ​മ്പ​തി​ക​ൾ​ക്ക് ആ​വ​ശ്യ​മാ​ണ്.

ഇ​വ​ർ​ക്ക് സ​ഹാ​യ​മെ​ത്തി​ക്കാ​നാ​യി കേ​ര​ള ഗ്രാ​മീ​ൺ ബാ​ങ്ക് നീ​ണ്ടു​നോ​ക്കി ശാ​ഖ​യി​ൽ അ​ക്കൗ​ണ്ട് തു​റ​ന്നി​ട്ടു​ണ്ട്. Ac name: joseph mattapallil. kerala gramin bank. bank account no. 40489100004292. ifsc: klgb0040489. branch: neendunokki, kottiyoor. mobile no: 09539860466.`

എം.വിശ്വനാഥൻ

കോളയാട്: സി.പി.എം പേരാവൂർ ഏരിയാ സമ്മേളനത്തിന് പൊതുസമ്മേളന വേദിയായ കോളയാട്ടെ സീതാറാം യെച്ചൂരി നഗറിൽ
സംഘാടകസമിതി ചെയർമാൻ കെ. ടി. ജോസഫ് പതാകയുയർത്തി. വിവിധ സ്മൃതികുടീരങ്ങളിൽനിന്ന് പുറപ്പെട്ട കൊടിമര, പതാക, ദീപശിഖാ ജാഥകൾ താഴെ കോളയാടിൽ സംഗമിച്ച് അത്‌ലറ്റുകൾ, റെഡ് വളണ്ടിയർമാർ എന്നിവരുടെ അകമ്പടിയോടെ പൊതുസമ്മേളന നഗരിയിലെത്തിച്ചു. 22 അനുബന്ധ ദീപശിഖകളും താഴെ കോളയാട് സംഗമിച്ചു. ഏരിയ സെക്രട്ടറി എം.രാജൻ അധ്യക്ഷനായി.

കൊടിമര ജാഥ ജില്ലാ സെക്രട്ടറിയേറ്റംഗം പി .ഹരീന്ദ്രൻ ഉദ്ഘാടനം ചെയ്തു. ജാഥാ ലീഡർ പി .വി. പ്രഭാകരൻ ഏറ്റുവാങ്ങി. പതാകജാഥ സംസ്ഥാന കമ്മറ്റിയംഗം ഡോ. വി ശിവദാസൻ ഉദ്ഘാടനം ചെയ്തു. ജാഥാ ലീഡർ കെ.സുധാകരൻ ഏറ്റുവാങ്ങി. ദീപശിഖാ ജാഥകൾ ജില്ലാ കമ്മറ്റിയംഗം വി. ജി .പദ്മനാഭൻ ഉദ്ഘാടനം ചെയ്തു. ജിജി ജോയ് ഏറ്റുവാങ്ങി. ശനിയാഴ്ച പ്രതിനിധി സമ്മേളനം സംസ്ഥാന കമ്മിറ്റിയംഗം എൻ.ചന്ദ്രനും ഞായറാഴ്ച പൊതുസമ്മേളനം സംസ്ഥാന സെക്രട്ടറിയേറ്റംഗം പി.കെ.ബിജുവും ഉദ്ഘാടനം ചെയ്യും.

കൊട്ടിയൂർ: മധ്യവയസ്കനെ തോട്ടിൽ മരിച്ച നിലയിൽ കണ്ടെത്തി. കൊട്ടിയൂർ നെല്ലിയോടി പടിഞ്ഞാറെ നഗറിലെ കല്ലംതോട്ടിൽ വിജയനെയാണ് മരിച്ച നിലയിൽ കണ്ടെത്തിയത്. നെല്ലിയോടി നഗറിലെ ആളുകളാണ് ശനിയാഴ്ച രാവിലെ തോട്ടിൽ മൃതദേഹം കണ്ടത്. കേളകം എസ്.ഐ വി.വി. ശ്രീജേഷിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി പരിശോധന നടത്തി. കലുങ്കിന് മുകളിൽ നിന്ന് തോട്ടിലേക്ക് വീണ് മരണപ്പെട്ടതാകാമെന്നാണ് പോലീസിൻറെ നിഗമനം.