വീട്ടമ്മ കിണറ്റിൽ മരിച്ചനിലയിൽ
കോഴിക്കോട്: അഴിയൂരിൽ വീട്ടമ്മയെ കിണറ്റിൽ മരിച്ച നിലയിൽ കണ്ടെത്തി. കുഞ്ഞപ്പള്ളി തൈക്കണ്ടിയിൽ ജലാലുദ്ദീന്‍റെ ഭാര്യ സറീന (40) ആണ് മരിച്ചത്.
ഞായറാഴ്ച രാവിലെ മുതൽ ഇവരെ കാണാനില്ലെന്ന് ചോമ്പാല പോലീസിന് ബന്ധുക്കൾ പരാതി നൽകിയിരുന്നു. എരിക്കിൻചാലിലെ കുടുംബ വീട്ടിലെ കിണറ്റിലായിരുന്നു ഇന്ന് രാവിലെ മൃതദേഹം കണ്ടെത്തിയത്.
ജീവനൊടുക്കിയതാണെന്ന് സംശയിക്കുന്നു. പോലീസ് അന്വേഷണം തുടങ്ങി.
