കണ്ണൂരിലെ പഴയ റെയിൽവേ ക്വാർട്ടേഴ്സിൽ 18 കിലോ കഞ്ചാവ് കണ്ടെത്തി

കണ്ണൂർ : കണ്ണൂർ റെയിൽവേ സ്റ്റേഷനിലെ ആൾപ്പാർപ്പില്ലാത്ത പഴയ റെയിൽവേ ക്വാർട്ടേഴ്സിൽനിന്ന്‌ 18 കിലോ കഞ്ചാവ് കണ്ടെത്തി. ചൊവ്വാഴ്‌ച പകൽ ആർ.പി.എഫും എക്സൈസും നടത്തിയ പരിശോധനയിലാണ് മൂന്ന് ബാഗുകളിലായി കഞ്ചാവ് കണ്ടെത്തിയത്.

ആർ.പി.എഫ് ഇൻസ്പെക്ടർ ബിനോയ് ആന്റണി, എ.എസ്.ഐ വി.വി. സഞ്ജയ്കുമാർ, ഹെഡ് കോൺസ്റ്റബിൾമാരായ എം.കെ. സജീവൻ, രതീഷ്‌കുമാർ, കെ. സജേഷ്, കോൺസ്റ്റബിൾ എം.പി. ബഷീർ, കണ്ണൂർ റേഞ്ച് എക്സൈസ് ഇൻസ്പെക്ടർ സിനു കൊയില്യത്ത്, എക്സൈസ് പ്രിവന്റീവ് ഓഫീസർ പി.കെ. സർവജ്ഞൻ, സി.ഇ.ഒ.മാരായ എൻ. രജിത്ത്കുമാർ, എം. സജിത്ത്, കെ.പി. റോഷി, സി.എച്ച്. റിഷാദ്, പി. നിഖിൽ എന്നിവരുടെ സംഘമാണ് കഞ്ചാവ് കണ്ടെത്തിയത്.