ഒമ്പത് ‘ബി’ ഫോറം ഹാജരാക്കണം

കൂത്തുപറമ്പ് : കൂത്തുപറമ്പ് നഗരസഭ പരിധിയിലുള്ള കെട്ടിടങ്ങളിൽ അനുമതി ഇല്ലാതെ കൂട്ടിച്ചേർക്കലുകളോ ഉപയോഗ ക്രമത്തിൽ മാറ്റം വരുത്തലോ നടത്തിയിട്ടുണ്ടെങ്കിൽ കെട്ടിട ഉടമകൾ സർക്കാർ നിർദ്ദേശിച്ച ഒമ്പത് ‘ബി’ ഫോറത്തിൽ വിവരങ്ങൾ രേഖപ്പെടുത്തി നഗരസഭാ ഓഫീസിലെത്തിക്കണം. പിഴ കൂടാതെ 30-വരെ അപേക്ഷ നൽകാം. അപേക്ഷ ഫോറം നഗരസഭാ ഓഫീസിൽ നിന്നും ലഭിക്കും. പാർപ്പിടം,വാണിജ്യ കെട്ടിടങ്ങൾ ഉൾപ്പെടെയുള്ള എല്ലാ കെട്ടിടങ്ങൾക്കും ഇത് ബാധകമാണെന്ന് സെക്രട്ടറി അറിയിച്ചു.