കണ്ണൂരിൽ സെപ്റ്റിക് ടാങ്ക് കുഴിയിൽ വീണ് മൂന്ന് വയസ്സുകാരൻ മരിച്ചു
പരിയാരം : വെള്ളം നിറഞ്ഞ സെപ്റ്റിക് ടാങ്കിൽ വീണ് മൂന്ന് വയസ്സുകാരൻ മരിച്ചു. തളിപ്പറമ്പ് മുക്കോലയിലെ ഓട്ടോഡ്രൈവർ പി.സി. ബഷീറിന്റെ മകൻ തമീം ബഷീർ ആണ് മരിച്ചത്. അപകടത്തിൽപ്പെട്ട അഹമ്മദ് ഫാരിസ് (3) എന്ന മറ്റൊരു കുട്ടിയെ കണ്ണൂരിലെ സ്വകാര്യ ആസ്പത്രിയിൽ പ്രവേശിപ്പിച്ചു.
ഇന്ന് വൈകിട്ട് മൂന്ന് മണിയോടെയായിരുന്നു സംഭവം. നിർമ്മാണം നടന്നുവരുന്ന വീടിന്റെ സെപ്റ്റിക് ടാങ്കിൽ ഇന്നലെ പെയ്ത മഴയിൽ വെള്ളം കെട്ടിക്കിടന്നിരുന്നു. കുട്ടികൾ കളിക്കുന്നതിനിടയിൽ അബദ്ധത്തിൽ ഈ കുഴിയിൽ വീഴുകയായിരുന്നു. മാതാവ് : ജസീന. സഹോദരങ്ങൾ : റാഫിയ, റിയാൻ, മുഹമ്മദ്.
