മുടി നീട്ടി വളർത്തിയ അഞ്ച് വയസ്സു‌കാരന് സ്വകാര്യ സ്കൂൾ പ്രവേശനം നിഷേധിച്ചു
മലപ്പുറം: മുടി നീട്ടി വളർത്തിയതിന് ആൺകുട്ടിക്ക് സ്കൂൾ പ്രവേശനം നിഷേധിച്ചെന്ന് പരാതി. മലപ്പുറം തിരൂരുള്ള സ്കൂളിന് എതിരെയാണ് ആക്ഷേപം. അഞ്ച് വയസുകാരന് സ്കൂൾ പ്രവേശനം നിഷേധിച്ചെന്ന് ആരോപിച്ച് കുട്ടിയുടെ മാതാവ് ചൈൽഡ് ലൈനിന് പരാതി നൽകി. ചൈൽഡ് ലൈൻ സ്കൂൾ അധികൃതരിൽ നിന്ന് വിശദീകരണം തേടിയിട്ടുണ്ട്. കുട്ടി മറ്റൊരു സർക്കാർ സ്കൂളിൽ പ്രവേശനം നേടി. മറ്റൊരു കുട്ടിക്കും ഇത്തരമൊരു ദുരനുഭവം വരരുതെന്ന് മാതാവ് പറഞ്ഞു. കുട്ടിയുടെ ഇഷ്ടപ്രകാരം ഡൊണേറ്റ് ചെയ്യാനാണ് മുടി നീട്ടി വളർത്തിയത്.
