സ്ക്രീന്‍ ഷെയറിങ് ഫീച്ചറുമായി വാട്‍സാപ്പ്
ജയപ്രിയ മെസ്സേജിങ് ആപ്പ്ളിക്കേഷനായ വാട്‍സാപ്പ് ഉപയോക്താക്കള്‍ക്കായി മെച്ചപെട്ട സേവനം കാഴ്ച വെക്കുന്നതിന്റെ ഭാഗമായി അടിക്കടി തങ്ങളുടെ ഫീച്ചറുകളില്‍ പുതിയ അപ്ഡേഷന്‍ നടപ്പാക്കുകയാണ്.
ആൻഡ്രോയിഡ് സ്മാര്‍ട്ട് ഫോണ്‍ ഉപയോക്താക്കള്‍ക്ക് വീഡിയോ കോളില്‍ സ്ക്രീൻ ഷെയറിങ് അനുവദിച്ചുകൊണ്ടുള്ള ഫീച്ചറാണ് മെറ്റ ഉടമസ്ഥതയിലുള്ള കമ്ബനി പുതുതായി അവതരിപ്പിക്കുന്നത്.
വീഡിയോ കോളിനിടെ ഉപയോക്താക്കള്‍ക്ക് അവരുടെ സ്ക്രീൻ എളുപ്പത്തില്‍ പങ്കിടാൻ അനുവദിക്കുന്നതാണ് സ്ക്രീൻ ഷെയറിങ് ഫീച്ചര്‍.
വാട്ട്സ്‍ആപ്പില്‍ എങ്ങനെ സ്ക്രീൻ ഷെയര്‍ ചെയ്യാം
വാട്ട്സ്‍ആപ്പില്‍ വീഡിയോ കാള്‍ ചെയ്യുമ്ബോള്‍ നാവിഗേഷൻ ബാറില്‍ ഇടതു വശത്തായുള്ള സ്ക്രീൻ ഷെയര്‍ ഓപ്ഷൻ തെരഞ്ഞെടുത്താല്‍ സ്ക്രീൻ ഷെയര്‍ ചെയ്യപ്പെടുകയും കോളില്‍ കണക്റ്റ് ചെയ്യപ്പെട്ടവര്‍ക്കെല്ലാം നമ്മുടെ സ്ക്രീൻ കാണാൻ സാധിക്കുകയും ചെയ്യും.
ഈ ഫീച്ചറിന്മേല്‍ ഉപയോക്താവിന് പൂര്‍ണമായ നിയന്ത്രണം ഉണ്ടാവും. വാട്ട്സ്‍ആപ്പ് കോളിനിടെ എപ്പോള്‍ വേണമെങ്കിലും സ്ക്രീൻ ഷെയറിങ് നിര്‍ത്താനും വീണ്ടും തുടരാനും സാധിക്കും.
ഉപയോക്താവിന്റെ സമ്മതത്തോടെ മാത്രമേ സ്ക്രീൻ ഷെയറിങ് ഫീച്ചര്‍ പുതിയ വാട്ട്സ്‍ആപ്പ് അപ്ഡേറ്റില്‍ ലഭ്യമാവൂ.ആൻഡ്രോയിഡ് ഫോണില്‍ വാട്ട്സ്‍ആപ്പ് ബീറ്റാ അപ്ഡേറ്റ് 2.23.11.19 ഇൻസ്റ്റാള്‍ ചെയ്താല്‍ നാവിഗേഷൻ ബാറില്‍ ചെറിയ മാറ്റങ്ങള്‍ കാണാം.
y ചാറ്റുകള്‍,കോളുകള്‍,കമ്മ്യൂണിറ്റികള്‍,സ്റ്റാറ്റസുകള്‍ എന്നിങ്ങനെ വിവിധ ടാബുകള്‍ ലഭ്യമാവും. വാട്ട്സ്‍ആപ്പിലെ വീഡിയോ കോളിങ് അ‌നുഭവം കൂടുതല്‍ മെച്ചപ്പെടുത്താനും ഉപയോക്താക്കളെ കൂടുതല്‍ ആകര്‍ഷിക്കാനും പുതിയ സ്ക്രീൻ ഷെയറിങ് ഫീച്ചര്‍എന്ന സഹായിക്കുമെന്നാണ് വിലയിരുത്തല്‍.
ഉപയോക്താക്കളുടെ വ്യക്തിഗതചാറ്റുകള്‍ സുരക്ഷിതമാക്കാനും സുഗമമാക്കുന്നതിനുുമായി ചാറ്റ് ലോക്ക് സൗകര്യവും കമ്ബനി അവതരിപ്പിച്ചിരുന്നു. അതേപോലെ ഉപയോക്താക്കള്‍ക്കു സന്ദേശം അയച്ച 15 മിനുട്ടിനുള്ളില്‍ എഡിറ്റ് ചെയ്യാനുള്ള ഫീച്ചറും ഇപ്പോള്‍ ലഭ്യമാണ്.
