Kannur
കഥാനായകനു തന്നെ നോവൽ കൈമാറി; ‘ദൈവക്കരു’ നോവൽ ഏറ്റുവാങ്ങി കതിവനൂർ വീരൻ തെയ്യം

പയ്യന്നൂർ : കഥയിലെ വീരനായകൻ തന്നെ പുസ്തകം ഏറ്റുവാങ്ങിയപ്പോൾ അതൊരു ചരിത്ര സംഭവമായി. തെയ്യം കുലപതിമാരായ ഒട്ടനേകം കനലാടികളെ സാക്ഷിയാക്കി കതിവനൂർ വീരൻ നായകനായ നോവൽ കതിവനൂർ വീരൻ തെയ്യം തന്നെ ഏറ്റുവാങ്ങുന്ന അപൂർവമായൊരു പുസ്തക പ്രകാശനത്തിനു പയ്യന്നൂർ സാക്ഷിയായി.
എഴുത്തുകാരനും ഡോക്യുമെന്ററി സംവിധായകനുമായ വി.കെ.അനിൽകുമാറിന്റെ നോവലായ ദൈവക്കരുവിന്റെ പുസ്തക പ്രകാശനമാണ് അപൂർവത സൃഷ്ടിച്ചത്.
പയ്യന്നൂരിലെ തളിക്കാരൻ പള്ളിയറയിലെ കതിവനൂർ വീരൻ തെയ്യം കെട്ടിനോടനുബന്ധിച്ചാണ് പുസ്തക പ്രകാശനം നടന്നത്. ദീർഘകാലമായി തെയ്യം കെട്ട് രംഗത്ത് പ്രവർത്തിക്കുന്ന അതിയടം കുഞ്ഞിരാമൻ പെരുവണ്ണാൻ, ചെങ്ങൽ കുഞ്ഞിരാമൻ പെരുവണ്ണാൻ, സജിവ് കുറുവാട്ട് പെരുവണ്ണാൻ, മോഹനൻ പെരുവണ്ണാൻ എന്നിവർ ചേർന്ന് ദൈവക്കരു പ്രകാശനം ചെയ്തു.
കതിവനൂർ വീരൻ തോറ്റം പാട്ടിലെ ആചാര്യനായ കൃഷ്ണൻ കൊയോങ്കര, സജേഷ് പണിക്കർ, രവി പെരുവണ്ണാൻ എന്നീ കനലാടിമാർ പുസ്തകം ഏറ്റുവാങ്ങി.
പ്രകാശനം ചെയ്ത ദൈവക്കരു നോവൽ പിന്നീട് കതിവനൂർ വീരൻ തെയ്യത്തിന് നോവലിസ്റ്റ് സമർപ്പിച്ചു. കതിവനൂർ വീരൻ തെയ്യം കെട്ടിലെ പ്രഗൽഭനായ കോലധാരി കണ്ടോന്താർ വിനു പെരുവണ്ണാന്റെ തെയ്യമായിരുന്നു.
താൻ നായകനായിരിക്കുന്ന പുസ്തകം സ്വീകരിച്ചു തെയ്യത്തിന്റെ ഹൃദയസ്പർശിയായ മൊഴികളും അരുളപ്പാടുകളും കൂടി നിന്നവരുടെ മനം കവർന്നു.
കതിവനൂർ വീരൻ മുഖ്യവിഷയമായി ധാരാളം പുസ്തകങ്ങളും ആവിഷ്കാരങ്ങളുമുണ്ട്. മരണാനന്തരം ദൈവക്കരുവായി വന്ന് ഉത്തരമലബാറിലെ സാധാരണക്കാരുടെ ദൈവമായി മാറിയ മാങ്ങാട്ട് മന്നപ്പന്റെ ജിവിതാഖ്യാനം നോവൽ രൂപത്തിൽ പുറത്തിറങ്ങുന്നതും ആദ്യമായിട്ടാണെന്ന് ഈ മേഖലയിലുള്ളവർ പറയുന്നു. സീക്ക് ഡയറക്ടർ ടി.പി.പത്മനാഭൻ, വൈ.വി.കണ്ണൻ എന്നിവർ പ്രസംഗിച്ചു.
Kannur
പാരമ്പര്യേതര ട്രസ്റ്റി നിയമനം

കണ്ണൂര്: താലൂക്കിലെ എളയാവൂര് വില്ലേജില്പ്പെട്ട എളയാവൂര് ക്ഷേത്രത്തില് പാരമ്പര്യേതര ട്രസ്റ്റിമാരെ നിയമിക്കുന്നതിന് ഹിന്ദുമത വിശ്വാസികളായ ക്ഷേത്ര പരിസരവാസികളില് നിന്ന് അപേക്ഷ ക്ഷണിച്ചു. നിര്ദിഷ്ട മാതൃകയില് പൂരിപ്പിച്ച അപേക്ഷ ഏപ്രില് 29 ന് വൈകുന്നേരം അഞ്ചിനകം തലശ്ശേരി അസിസ്റ്റന്റ് കമ്മീഷണറുടെ ഓഫീസില് ലഭിക്കണം. അപേക്ഷാ ഫോറം പ്രസ്തുത ഓഫീസില് നിന്നും www.malabardevaswom.kerala.gov.in എന്ന വെബ്സൈറ്റില് നിന്നും ലഭിക്കും.
പയ്യന്നൂര് താലൂക്കിലെ പാണപ്പുഴ വില്ലേജില്പ്പെട്ട ആലക്കാട് കണ്ണങ്ങാട്ടുഭഗവതി ക്ഷേത്രത്തില് പാരമ്പര്യേതര ട്രസ്റ്റിമാരെ നിയമിക്കുന്നതിന് ഹിന്ദുമത വിശ്വാസികളായ ക്ഷേത്ര പരിസരവാസികളില് നിന്ന് അപേക്ഷ ക്ഷണിച്ചു. നിര്ദിഷ്ട മാതൃകയില് പൂരിപ്പിച്ച അപേക്ഷ ഏപ്രില് 16 ന് വൈകുന്നേരം അഞ്ചിനകം തലശ്ശേരി അസിസ്റ്റന്റ് കമ്മീഷണറുടെ ഓഫീസില് ലഭിക്കണം. അപേക്ഷാ ഫോറം പ്രസ്തുത ഓഫീസില് നിന്നും www.malabardevaswom.kerala.gov.in എന്ന വെബ്സൈറ്റില് നിന്നും ലഭിക്കും
Kannur
കാർ സമ്മാനം അടിച്ചെന്ന് വിശ്വസിപ്പിച്ച് തട്ടിപ്പ്; മയ്യിൽ സ്വദേശിക്ക് നഷ്ടമായത് 1.22 ലക്ഷം രൂപ

മയ്യിൽ: സമ്മാനം അടിച്ചെന്ന് വിശ്വസിപ്പിച്ച് തട്ടിപ്പ്. മയ്യിൽ സ്വദേശിക്ക് നഷ്ടമായത് 1,22,300 രൂപ. മൊബൈൽ ഫോൺ നമ്പറിൽ വിളിച്ച് തങ്ങൾക്ക് സമ്മാനം അടിച്ചെന്നും കേരളത്തിൽ പത്തിൽ ഒരാൾക്ക് ഇത പോലെ സമ്മാനങ്ങൾ നൽകുന്നുണ്ടെന്നും പറഞ്ഞു വിശ്വസിപ്പിച്ചായിരുന്നു തട്ടിപ്പ്. ഫോൺ വിളി വന്ന് ഒരാഴ്ചയ്ക്കു ശേഷം തപാലിലൂടെ ഗിഫ്റ്റ് വൗച്ചറും ലഭിച്ചു. അത് സ്ക്രാച്ച് ചെയ്തപ്പോൾ സ്വിഫ്റ്റ് കാർ സമ്മാനമായി ലഭിച്ചതായി കണ്ടു. സമ്മാനം കാർ അല്ലെങ്കിൽ കാറിന്റെ അതേ തുക നൽകാമെന്നും പറഞ്ഞു. പണമായി സമ്മാനം ലഭിക്കുന്നതിനായി കേരള ജിഎസ്ടി, ബാങ്ക് വെരിഫിക്കേഷനായി ആവശ്യമായ തുക, എൻഒസിക്ക് വേണ്ടിയുള്ള തുക, ഡൽഹി ജിഎസ്ടി എന്നിവ അടയ്ക്കാനുണ്ടെന്നും പറഞ്ഞു 1,22,300 രൂപ അയച്ചു നൽകി. എങ്കിലും മറ്റു ബാങ്ക് ചാർജുകൾക്കായി വീണ്ടും പണം ആവശ്യപ്പെട്ട പ്പോഴാണ് തട്ടിപ്പ് വ്യക്തമായത്. തുടർന്ന് പൊലീസിൽ പരാതി നൽകുകയായിരുന്നു.
Kannur
ആരോഗ്യ മേഖലയിലെ ഉദ്യോഗാര്ഥികള്ക്കായുള്ള ജോബ് ഫെയര് നാളെ

കണ്ണൂർ: വിജ്ഞാന കേരളം പദ്ധതിയുടെ ഭാഗമായി ആരോഗ്യ മേഖലയിലെ ഉദ്യോഗാര്ഥികള്ക്കായുള്ള ജോബ് ഫെയര് നാളെ രാവിലെ ഒമ്പതിന് ധര്മശാല കണ്ണൂര് ഗവ. എഞ്ചിനീയറിംഗ് കോളേജില് നടക്കും. പ്രാദേശിക, ദേശീയ, അന്താരാഷ്ട്ര തലങ്ങളില് നിരവധി തൊഴില് അവസരങ്ങളുണ്ട്.ജര്മനിയില് സ്റ്റാഫ് നേഴ്സ്, ഓസ്ട്രേലിയയില് അസിസ്റ്റന്റ് ഇന് നഴ്സിംഗ്, പേര്സണല് കെയര് വര്ക്കര് തസ്തികകളില് ആയിരത്തിലധികം ഒഴിവുകളും വിവിധ ജില്ലകളിലായി സ്റ്റാഫ് നേഴ്സ്, പേര്സണല് കെയര് അസിസ്റ്റന്റ്, ഹോം നേഴ്സ് എന്നീ വിഭാഗങ്ങളില് അറുന്നൂറിലധികം ഒഴിവുകളുമുണ്ട്. ഉദ്യോഗാര്ഥികള് ഡി ഡബ്ല്യൂ എം എസില് രജിസ്റ്റര് ചെയ്ത് താല്പര്യമുള്ള ജോലിയിലേക്ക് അപേക്ഷിക്കണം. ഇതുവരെ ഡിഡബ്യൂ എം.എസ് രജിസ്റ്റര് ചെയ്യാത്തവര് ഗൂഗിള് പ്ലേ സ്റ്റോറില് നിന്നും ആപ്പ് ഡൌണ്ലോഡ് ചെയ്ത് രജിസ്റ്റര് ചെയ്യണം. കൂടുതല് വിവരങ്ങള്ക്ക് കുടുംബശ്രീ കമ്മ്യൂണിറ്റി അംബാസഡര്മാരുമായോ സിഡിഎസുമായോ ബന്ധപ്പെടാം.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്