പേരാവൂർ : സംസ്ഥാന സർക്കാരിന്റെ ഗ്രാമീണ റോഡ് പദ്ധതിയിൽ ഉൾപ്പെടുത്തി അഡ്വ: സണ്ണി ജോസഫ് എം.എൽ.എ നിർദ്ദേശിച്ച പ്രകാരം പേരാവൂർ മണ്ഡലത്തിൽ അനുവദിച്ചത് നാല് കോടി 35 ലക്ഷം രൂപ. മൂന്നു പദ്ധതികൾ വീതം ഓരോ പഞ്ചായത്തിലും സമർപ്പിച്ചെങ്കിലും അതിൽ ഓരോ പഞ്ചായത്തിലും ഓരോ പദ്ധതിക്കാണ് അംഗീകാരം കിട്ടിയതെന്നും അഡ്വ. സണ്ണി ജോസഫ് എം എൽ എ വ്യക്തമാക്കി.

റോഡ് പദ്ധതികൾ ഇവയാണ്.

1-പെരുമ്പുന്ന അർച്ചന ആശുപത്രി- പെരുമ്പുന്ന റോഡ്- 25 ലക്ഷം രൂപ.

2- വിളക്കോട് – പാറക്കണ്ടം – കായിപ്പനച്ചി റോഡ്- 40 ലക്ഷം രൂപ.

3- പൂളക്കുറ്റി – ഇരുപത്തി എട്ടാം മൈൽ റോഡ് -25 ലക്ഷം രൂപ

4-ചുങ്കക്കുന്ന് – പൊട്ടൻതോട് – കുറിച്ച്യനഗർ റോഡ് – 45 ലക്ഷം രൂപ. 5-ഐ.ടി.സി – മാടത്തിൻകാവ് – വെള്ളൂന്നി -റോഡ്- 35 ലക്ഷം രൂപ.

എന്നിങ്ങനെയാണ് റോഡുകൾക്കായി സംസ്ഥാന സർക്കാർ തുക അനുവദിച്ചിട്ടുള്ളതെന്ന് എം.എൽ.എ അറിയിച്ചു.

പേരാവൂർ: കുഞ്ഞിംവീട് ഭഗവതി ക്ഷേത്രത്തിലെ തിറയുത്സവം മാർച്ച് എട്ട്, ഒൻപത് തിയതികളിൽ നടക്കും. ജനറൽ ബോഡി യോഗത്തിൽ പുതിയ ആഘോഷക്കമ്മറ്റി ഭാരവാഹികളായി കൂട്ട രവീന്ദ്രൻ (പ്രസി.), വി.കെ.ഷിജിൽ (സെക്ര), അഭിജിത്ത് , പ്രസന്ന മുകുന്ദൻ (വൈ.പ്രസി. ) സുരേഷ് ബാബു തോട്ടുംകര, പി.വി. ആദർശ് (ജോ.സെക്ര.), കെ. പ്രകാശൻ (ട്രഷ.) എന്നിവരെയും 25 അംഗ എക്സികുട്ടീവ് അംഗങ്ങളെയും തിരഞ്ഞെടുത്തു.

തൊണ്ടിയിൽ ഗുഡ് എർത്ത് ചെസ്സ് കഫെയിൽ നടന്ന ഇരിട്ടി ഉപജില്ല വിദ്യാരംഗം കലാസാഹിത്യ വേദിനവസാങ്കേതിക വിദ്യ പരിശീലനത്തിൽ പങ്കെടുത്തവർ

പേരാവൂർ: വിദ്യാരംഗം കലാസാഹിത്യ വേദി ഇരിട്ടി ഉപജില്ലയുടെ നേതൃത്വത്തിൽ നവസാങ്കേതിക വിദ്യ പരിശീലനം തൊണ്ടിയിൽ ഗുഡ് എർത്ത് ചെസ്സ് കഫെയിൽ നടത്തി. സി.എം.അഹമ്മദ് നാസിം ഉദ്ഘാടനം ചെയ്തു. റൂബി മോൾ ജോസഫ് അധ്യക്ഷയായി. കെ. അശ്വന്ത്, കെ.വിനോദ് കുമാർ നേതൃത്വം നൽകി.

ബി.പി.സി തുളസീധരൻ , ടി.പി.ശാദിയ സഹല , ഷബാന , മുഹമ്മദ് യുനസ് എന്നിവർ സംസാരിച്ചു. ജിമ്മി ജോർജ് , ചെസ്സ് പരിചയം, പുസ്തക പരിചയം, പുഴയറിവ് , സസ്യകൗതുകം എന്നീ പഠന പ്രവർത്തനങ്ങളെ എങ്ങനെ നവ സാങ്കേതിക വിദയുടെ സഹായത്തോടെ കുട്ടികളിൽ വിനിമയം ചെയ്യാം എന്ന ചർച്ചയും വീഡിയോ നിർമാണവും നടത്തി.