പ്ലസ്‌വൺ സീറ്റിൽ പേടി വേണ്ട; കണ്ണൂരിൽ 34000-നടുത്ത് സീറ്റുകൾ
കണ്ണൂർ : പ്ലസ്‌വൺ സീറ്റിൽ പേടി വേണ്ട. 34,000-നടുത്ത് പ്ലസ്‌വൺ സീറ്റുകൾ ഇത്തവണ ജില്ലയിലുണ്ടാകുമെന്ന് ഹയർ സെക്കൻഡറി വിഭാഗം അധികൃതർ അറിയിച്ചു. കഴിഞ്ഞവർഷം 30 ശതമാനം അധിക സീറ്റുകളും അനുവദിച്ചിരുന്നു. വിദ്യാർഥികൾക്ക് ഇഷ്ടപ്പെട്ട വിഭാഗങ്ങൾ തിരഞ്ഞെടുക്കുന്നതിന് പ്രയാസമുണ്ടാകില്ലെന്നും ആവശ്യമായ സീറ്റുകൾ അനുവദിക്കുമെന്നും അധികൃതർ അറിയിച്ചു.
