ആന്‍ഡ്രോയിഡ് 14 അവതരിപ്പിച്ചു, എങ്ങനെ ഡൗണ്‍ലോഡ് ചെയ്യാം?
ആന്‍ഡ്രോയിഡ് 14 ഒ.എസ്. ഔദ്യോഗികമായി അവതരിപ്പിച്ചു. ഗൂഗിള്‍ ഡെവലപ്പര്‍ കോണ്‍ഫറന്‍സിലാണ് പുതിയ ആന്‍ഡ്രോയിഡ് ഒ.എസ്. പതിപ്പ് അവതരിപ്പിച്ചത്. ഇതിന്റെ ബീറ്റാ പതിപ്പുകള്‍ ലഭ്യമാക്കിയിട്ടുണ്ട്.
ഐഫോണ്‍ 16 മാതൃകയില്‍ കസ്റ്റമൈസ് ചെയ്യാന്‍ സാധിക്കുന്ന ലോക്ക് സ്‌ക്രീന്‍, മെച്ചപ്പെട്ട ക്യാമറ, ഓഡിയോ ഓവര്‍ യു.എസ്ബി ഉള്‍പ്പടെ ഒട്ടനവധി പുതുമകളുമായാണ് ഒ.എസ്. എത്തിയിരിക്കുന്നത്. മെച്ചപ്പെട്ട ഗ്രാഫിക്‌സ് അനുഭവവും ആന്‍ഡ്രോയിഡ് 14 നല്‍കുമെന്ന് ഗൂഗിള്‍ പറയുന്നു.
ആന്‍ഡ്രോയിഡ് ഡെവലപ്പര്‍ പ്ലാറ്റ്‌ഫോമില്‍നിന്ന് പിക്‌സല്‍ ഉപഭോക്താക്കള്‍ക്ക് ബീറ്റാ വേര്‍ഷന്‍ ഡൗണ്‍ലോഡ് ചെയ്യാനാകും.
മറ്റ് ആന്‍ഡ്രോയിഡ് ഫോണുകള്‍ ഉപയോഗിക്കുന്നവര്‍ക്ക് അതാത് കമ്പനികളുടെ വെബ്‌സൈറ്റുകളില്‍ നിന്ന് ബീറ്റാ ഒ.എസ്. ഡൗണ്‍ലോഡ് ചെയ്യാം. എന്നാല്‍ ഈ ബീറ്റാ പതിപ്പുകളില്‍ മറ്റ് ആന്‍ഡ്രോയിഡ് ഫോണ്‍ കമ്പനികള്‍ ഉള്‍പ്പെടുത്താനിടയുള്ള അവരുടെതായ കസ്റ്റമൈസ്ഡ് ഫീച്ചറുകള്‍ ഈ ബീറ്റാ പതിപ്പില്‍ ഉണ്ടാവില്ല.
ആന്‍ഡ്രോയിഡ് 14 ബീറ്റ ഡൗണ്‍ലോഡ് ചെയ്യാന്‍ സാധിക്കുന്ന ഫോണുകള്‍.
Pixel 4a (5G), Pixel 5 and 5a, Pixel 6 and 6 Pro, Pixel 6a, Pixel 7 and 7 Pro, Pixel 7a, Pixel Fold, Pixel Pad, Vivo X90 Pro, iQOO 11, Lenovo Tab Extreme, Nothing Phone (1), Oppo Find N2, Oppo Find N2 Flip, OnePlus 11, Tecno Camon 20 series, Realme GT 2 Pro, Xiaomi 13 Pro, Xiaomi 13, Xiaomi 12T, Xiaomi Pad 6
