Connect with us

Kannur

മാവൊരു മാന്തോപ്പായി; ഒരു മാവിൽ കായ്ച്ചത് പത്ത് ഇനം മാങ്ങകൾ

Published

on

Share our post

തളിപ്പറമ്പ് : പുഷ്പഗിരി ചാച്ചാജി റോഡിലെ മുത്തുമാക്കുഴി ടോമി മാനുവലിന്റെ വീട്ടുമുറ്റത്തെ ഒരു മാവ് തന്നെ മാന്തോപ്പായി മാറിയിരിക്കുകയാണ്. ഒന്നും രണ്ടുമല്ല 10 തരത്തിലുള്ള മാങ്ങകളാണു മാവിൽ നിറയെ കായ്ച്ചത്.

നീലം, സിന്ദൂർ, ബെൻഷൻ, അൽഫോൻസ, മൂവാണ്ടൻ, കൊളമ്പ്, കുറ്റ്യാട്ടൂർ തുടങ്ങിയവയും പേരറിയാത്തവയും ഉൾപ്പെടെ 10 ഇനം മാങ്ങകളാണ് തളിപ്പറമ്പിലെ ഫോട്ടോ സ്പീഡ് ഉടമയായ ടോമിച്ചന്റെ ഒരു മാവിലുള്ളത്. ഇത്രയും ഇനം മാങ്ങകൾ വേണമെങ്കിൽ വലിയൊരു മാന്തോപ്പോ അല്ലെങ്കിൽ മാമ്പഴങ്ങൾ വിൽക്കുന്ന കടയോ ഉണ്ടായിരിക്കണം.

എന്നാൽ, ഇവയെല്ലാം ഒരു മരത്തിൽ കായ്ച്ചതിന്റെ സന്തോഷത്തിലാണ് ടോമിയും കുടുംബവും. കൂടാതെ പേരറിയാത്ത 4 ഇനങ്ങൾ കൂടി ഇതിൽ കായ്ക്കാനുണ്ടെന്നും ടോമി പറയുന്നു. പാമ്പുകളുടെ സംരക്ഷകനായിരുന്ന പൂന്തോട്ട നിർമാതാവ് കുറ്റിക്കോൽ സ്വദേശി എം.പി.ചന്ദ്രനാണ് ഇത്രയും മാവിനങ്ങൾ ഒരു മാവിൽ ഓരോന്നായി ഗ്രാഫ്റ്റ് ചെയ്ത് നൽകിയത്.

ഇവിടെ ഉണ്ടായിരുന്ന പഴയ മാവിൽ മാങ്ങകൾ ഉണ്ടാകുമെങ്കിലും ഗുണമില്ലാത്ത അവസ്ഥയായതിനാൽ മാവിന്റെ ശിഖരങ്ങൾ പൂർണമായും വെട്ടി മാറ്റിയ ശേഷം കിളിർത്തു വന്ന ശിഖരങ്ങളിൽ 2 വർഷം മുൻപ് ചന്ദ്രൻ വിവിധയിനം മാവിന്റെ കമ്പുകൾ ഗ്രാഫ്റ്റ് ചെയ്ത് ചേർക്കുകയായിരുന്നു.

ടോമിയും ചന്ദ്രനും വിവിധ സ്ഥലങ്ങളിൽ പോയി കായ്ച്ച് കിടക്കുന്ന മാവുകളുടെ കമ്പുകൾ ശേഖരിച്ചാണ് ഗ്രാഫ്റ്റിങ് നടത്തിയത്. വിവിധ നാടൻ ഇനങ്ങളും ചേർത്തിട്ടുണ്ടെങ്കിലും ഇവയുടെ പേരറിയാത്ത അവസ്ഥയാണ്.

എങ്കിലും ഒരു മാവിൽ തന്നെ വിവിധയിനം മാങ്ങകൾ കായ്ച്ച് കിടക്കുന്നത് വീട്ടുകാർക്കൊപ്പം നാട്ടുകാർക്കും കൗതുകമായതോടെ മാവ് നാട്ടുകാർക്കിടയിലൊരു താരമായി.

ചന്ദ്രൻ ദേശീയപാതയോരത്ത് കുറ്റിക്കോൽ ബസ് സ്റ്റോപ്പിന് സമീപം പരിപാലിക്കുന്ന പൂന്തോട്ടത്തിൽ 7 മാവിനങ്ങൾ ഒരു മാവിൽ ഗ്രാഫ്റ്റ് ചെയ്തിട്ടുണ്ട്. ഇവയും കായ്ച്ച് തുടങ്ങിയിട്ടുണ്ട്.


Share our post

Kannur

ചന്ദന കടത്ത്: പാവന്നൂരിൽ രണ്ടു പേർ പിടിയിൽ

Published

on

Share our post

കണ്ണൂർ: ചന്ദനം സ്കൂട്ടിയില്‍ കടത്താൻ ശ്രമിക്കുന്നതിനിടെ രണ്ടു പേർ പിടിയിലായി.13 കിലോ ഗ്രാം ചന്ദനമുട്ടികള്‍, 6.5 കിലോഗ്രാം ചെത്ത് പൂളുകള്‍ എന്നിവ സ്കൂട്ടിയില്‍ കടത്താൻ ശ്രമിക്കുന്നതിനിടെ പാവന്നൂർ കടവ് ഭാഗത്തു നിന്നാണ് എക്സൈസ് ഇവരെ പിടികൂടിയത്.പാവന്നൂർ കടവ് സ്വദേശികളായ എം.പി. അബൂബക്കർ, സി.കെ അബ്ദുൽ നാസർ എന്നിവരെയാണ് ശ്രീകണ്ഠപുരം സെക്ഷൻ ഫോറസ്റ്റ് ഓഫീസർ എ.കെ ബാലൻ്റെ നേതൃത്വത്തിൽ പിടികൂടിയത്.


Share our post
Continue Reading

Kannur

ജില്ലയില്‍ ആരോഗ്യ വകുപ്പിന്‍ കീഴിലുള്ള സ്ഥാപനങ്ങളില്‍ ഡോക്ടർമാരുടെ താല്‍ക്കാലിക ഒഴിവ്

Published

on

Share our post

ജില്ലയില്‍ ആരോഗ്യ വകുപ്പിന്‍ കീഴിലുള്ള സ്ഥാപനങ്ങളില്‍ നിലവിലുള്ള ഡോക്ടര്‍മാരുടെ ഒഴിവുകളില്‍ താല്‍ക്കാലിക നിയമനം നടത്തുന്നു.താല്‍പര്യമുള്ള എം.ബി.ബി.എസ് ബിരുദധാരികള്‍ ടി.സി.എം.സി/കെ.എം.സി രജിസ്‌ട്രേഷന്‍ അടക്കമുള്ള സര്‍ട്ടിഫിക്കറ്റുകളുടെ അസ്സലുകളുമായി പ്രവൃത്തി ദിവസങ്ങളില്‍ രാവിലെ പത്തിനും ഉച്ചയ്ക്ക് ഒന്നിനും ഇടയ്ക്ക് ജില്ലാ മെഡിക്കല്‍ ഓഫീസില്‍ നേരിട്ട് ഹാജരാകണം. സര്‍ട്ടിഫിക്കറ്റുകള്‍ പരിശോധിച്ച് സാധൂകരണം നടത്തിയ ശേഷം വാക് ഇന്‍ ഇന്റര്‍വ്യൂവിലൂടെയായിരിക്കും നിലവില്‍ ഉള്ള ഒഴിവുകളില്‍ നിയമിക്കുക. മാര്‍ച്ച് ഒന്ന് മുതല്‍ അപേക്ഷകൾ സ്വീകരിക്കും. ഫോണ്‍ : 0497 2700709


Share our post
Continue Reading

Kannur

ഫര്‍മസിസ്റ്റ്, ആംബുലന്‍സ് ഡ്രൈവര്‍ ഒഴിവ്

Published

on

Share our post

പിണറായി കമ്മ്യൂണിറ്റി സെന്ററില്‍ തലശ്ശേരി ബ്ലോക്ക് പഞ്ചായത്തിന്‍ കീഴില്‍ എല്‍.എസ്.ജി.ഡി പ്രോജക്ടിനു വേണ്ടി ഫര്‍മസിസ്റ്റ്, ആംബുലന്‍സ് ഡ്രൈവര്‍ എന്നീ തസ്തികകളിലേക്ക് താൽക്കാലിക നിയമനം നടത്തുന്നു. ഏപ്രില്‍ ഒന്ന് മുതല്‍ 2026 മാര്‍ച്ച് 31 വരെ ഒരു വര്‍ഷത്തേക്കാണ് നിയമനം. ഫാർമസിസ്റ്റിന്റെ രണ്ട് ഒഴിവുകളും ആംബുലൻസ് ഡ്രൈവറുടെ ഒരു ഒഴിവുമാണ് ഉള്ളത്. ഫെബ്രുവരി 28 ന് രാവിലെ 11ന് ഫാർമസിസ്റ്റ് തസ്തികയിലേക്കും ഉച്ചയ്ക്ക് 2.30ന് ആംബുലന്‍സ് ഡ്രൈവര്‍ തസ്തികയിലേക്കും സി.എച്ച്.സിയിൽ വാക് ഇൻ ഇന്റർവ്യൂ നടത്തും. പി.എസ്.സി അംഗീകൃത യോഗ്യതകളുള്ളവർക്ക് അപേക്ഷിക്കാം. പ്രവൃത്തി പരിചയം അഭികാമ്യം. ഫോണ്‍ : 0490 2342710


Share our post
Continue Reading

Trending

error: Content is protected !!