ആയുഷ് മിഷനില്‍ 520 മള്‍ട്ടി പര്‍പ്പസ് വര്‍ക്കര്‍
നാഷണല്‍ ആയുഷ് മിഷന്‍ (NAM)-കേരള, മള്‍ട്ടി പര്‍പ്പസ് വര്‍ക്കര്‍ തസ്തികയിലെ 520 ഒഴിവുകളിലേക്ക് അപേക്ഷ ക്ഷണിച്ചു. സെന്റര്‍ ഫോര്‍ മാനേജ്മെന്റ് ഡെവലപ്മെന്റ് (CMD) മുഖേനയാണ് തിരഞ്ഞെടുപ്പ്.
കരാര്‍ അടിസ്ഥാനത്തില്‍ വിവിധ ജില്ലകളിലെ ആയുഷ് ഹെല്‍ത്ത് & വെല്‍നസ് സെന്ററുകളിലായിരിക്കും നിയമനം. ജില്ലാ അടിസ്ഥാനത്തിലാണ് തിരഞ്ഞെടുപ്പ്. ഒരാള്‍ക്ക് പരമാവധി രണ്ടുജില്ലകളില്‍ അപേക്ഷിക്കാം.
ജില്ലതിരിച്ചുള്ള ഒഴിവുകളുടെ എണ്ണം: തിരുവനന്തപുരം-44, കൊല്ലം-37, പത്തനംതിട്ട-39, ആലപ്പുഴ-36, കോട്ടയം-36, ഇടുക്കി-32, എറണാകുളം-35, തൃശ്ശൂര്‍-38, പാലക്കാട്-37, മലപ്പുറം-37, കോഴിക്കോട്-37, വയനാട്-35, കണ്ണൂര്‍-44, കാസര്‍കോട്-33.
ശമ്പളം: 10,000 രൂപ.
യോഗ്യത: ജനറല്‍ നഴ്സിങ് & മിഡ് വൈഫറി (ഏചങ) അല്ലെങ്കില്‍ ഉയര്‍ന്ന യോഗ്യത.
പ്രായം: 2023 ഏപ്രില്‍ 28-ന് 40 വയസ്സ് കവിയരുത്.
അപേക്ഷ: സി.എം.ഡി. വെബ്സൈറ്റിലൂടെ ഓണ്‍ലൈനായി അപേക്ഷ സമര്‍പ്പിക്കണം. എഴുത്തുപരീക്ഷ, അഭിമുഖം എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്. അപേക്ഷാഫീസ് 300 രൂപ. അപേക്ഷ സ്വീകരിക്കുന്ന അവസാന തീയതി: മേയ് 15.
വിശദവിവരങ്ങള്‍ക്ക് ഫോണ്‍: 0471-2320101. വെബ്സൈറ്റ്: www.kcmd.in
