‘ഓള്‍ ഇന്ത്യ റേഡിയോ’ ഇനിയില്ല; രാജ്യത്തിന്‍റെ റേഡിയോ ശൃംഖല അറിയപ്പെടുക ആകാശവാണി എന്നപേരിൽ മാത്രം
ന്യൂഡൽഹി: റേഡിയോ ബുള്ളറ്റിന്‍ തുടങ്ങുമ്പോള്‍ത്തന്നെ കേൾക്കുന്ന ‘ദിസ് ഈസ് ഓള്‍ ഇന്ത്യാ റേഡിയോ’ എന്ന വാചകം ഇന്ത്യക്കാരായ എല്ലാവർക്കും സുപരിചിതമായിരിക്കും. എന്നാൽ, ലോകത്തിലെ ഏറ്റവും വലിയ റേഡിയോ നെറ്റ്‌വര്‍ക്കുകളിലൊന്നിനെ കുറിച്ചിരുന്ന ഓള്‍ ഇന്ത്യ റേഡിയോ എന്ന പേര് ഇനിയില്ല. ഇനിമുതല്‍ ആകാശവാണി എന്ന പേരില്‍ മാത്രമായിരിക്കും പ്രസാർ ഭാരതിക്കു കീഴിലുള്ള റേഡിയോ ശൃംഖല അറിയപ്പെടുക.
1956-ല്‍ രവീന്ദ്രനാഥ ടഗോറാണ് ‘ആകാശവാണി’ എന്ന പേര് നൽകിയത്. ‘ആകാശത്തുനിന്നുള്ള ശബ്ദം’ എന്ന അര്‍ഥത്തിലാണ് അദ്ദേഹം ആകാശവാണി എന്ന് പേരിട്ടത്. അന്നുമുതല്‍ തന്നെ ആകാശവാണിയെന്നും ഓള്‍ ഇന്ത്യ റേഡിയോ എന്നും ഇന്ത്യൻ റെഡിയോ ശൃംഖലയെ വിളിച്ചുപോരുന്നുണ്ട്.
