Connect with us

Kannur

‘ഗ്രാമശ്രീ’യിലൂടെ വീടുകളിലും സമ്പാദ്യം വളരുന്നു

Published

on

Share our post

കണ്ണൂർ: മുണ്ടയാട്‌ കോഴി ഫാമിൽ ഒരുമാസം വിരിയിക്കുന്നത്‌ അരലക്ഷം കുഞ്ഞുങ്ങളെ. എഗ്ഗർ നഴ്‌സറികൾ വഴി വിതരണം ചെയ്യാനാണ്‌ ആഴ്‌ചയിൽ 13,000 കുഞ്ഞുങ്ങളെ വിരിയിക്കുന്നത്‌. അയ്യായിരം കോഴികളുടെ മാതൃശേഖരമാണിവിടെ ഉള്ളത്‌.

ഇവിടെനിന്നും വിരിയിച്ച്‌ വിതരണം ചെയ്യുന്ന ഗ്രാമശ്രീ ഇനത്തിലുള്ള കോഴിക്കുഞ്ഞുങ്ങളിലൂടെ വീടുകളിൽ സമ്പാദ്യവും വളരുന്നുണ്ട്‌. ഒരു വർഷം 180 മുട്ടകൾ ലഭിക്കുന്ന കോഴിയുടെ ഇറച്ചിക്കും നല്ല സ്വാദാണ്‌. അസോളയും മുരിങ്ങയിലയും കഴിക്കുന്ന കോഴിയുടെ ഇറച്ചിക്കും ആവശ്യക്കാർ ഏറെ. പൂവന്‌ അഞ്ച്‌ രൂപ, പിടയ്‌ക്ക്‌ 25 രൂപ ഇനംതിരിക്കാത്തവയ്‌ക്ക്‌ 22 രൂപ എന്നിങ്ങനെയാണ്‌ ഒരുദിവസം പ്രായമായ കോഴിക്കുഞ്ഞുങ്ങളുടെ വില.

ജില്ലയിലെ 23 എഗ്ഗർ നഴ്‌സറികൾ വഴി കുത്തിവയ്‌പുൾപ്പെടെ എടുത്ത പ്രതിരോധശേഷ ആർജിച്ച 45 ദിവസം പ്രായമായ കോഴിക്കുഞ്ഞുങ്ങൾ ലഭിക്കും. പ്രത്യേകം പരിശീലനം നേടിയവരാണ്‌ എഗ്ഗർ നഴ്‌സറികൾ വഴി കോഴിക്കുഞ്ഞുങ്ങളെ വിൽപ്പന നടത്തുന്നത്‌.

സ്‌കൂളുകളിലെ പൗൾട്രി ക്ലബ്ബുകൾ വഴി കുട്ടികൾക്കും കോഴിക്കുഞ്ഞുങ്ങളെ വിതരണം ചെയ്യുന്നുണ്ട്‌. പിടിഎയുടെ നേതൃത്വത്തിൽ ചില സ്‌കൂളുകളും കുട്ടികൾക്കായി കോഴിക്കുഞ്ഞുങ്ങളെ ഏറ്റെടുത്ത്‌ വിതരണം ചെയ്യുന്നു.
മുണ്ടയാട് മേഖലാ കോഴി വളർത്തൽ കേന്ദ്രത്തിൽനിന്നും ഒരു ദിവസം പ്രായമായ ഗ്രാമശ്രീ ഇനത്തിൽപ്പെട്ട കോഴിക്കുഞ്ഞുങ്ങളെ ലഭിക്കും.

0497 2721168 നമ്പറിൽ രജിസ്റ്റർ ചെയ്യണം. എഗ്ഗർ നഴ്‌സറികളിൽനിന്നും 45 മുതൽ 60 ദിവസം പ്രായമായ കോഴികളെ 130 രൂപയ്‌ക്ക്‌ ലഭിക്കും. പരിചരണത്തിൽ 
വേണം ശ്രദ്ധ സുഷിരങ്ങളുള്ള കാർഡ് ബോർഡ് പെട്ടികളിലേ കൊണ്ടുപോകാവൂ.

വീട്ടിലെത്തിയ ഉടൻ കുടിക്കാൻ ഗ്ലൂക്കോസ് ചേർത്ത തണുപ്പിച്ച വെള്ളം നൽകണം. ഗ്രോവർ കോഴിത്തീറ്റ മാത്രം നൽകി ഫാമിൽ വളർത്തിയതിനാൽ കുറച്ചു ദിവസം ഇതു തന്നെ നൽകുക. കുറച്ചു ദിവസത്തിന്‌ ശേഷം തീറ്റ ക്രമത്തിൽ മാറ്റം വരുത്തുക.

ക്രമേണ തീറ്റപ്പുല്ലുകൾ, അസോള, മുരിങ്ങയില തുടങ്ങിയവ ഉൾപ്പെടുത്തി തീറ്റച്ചെലവ് കുറക്കാം. കോഴികൾക്ക് മറ്റ് അസുഖങ്ങൾ വരുന്നെങ്കിൽ അസുഖം വന്നവയെ ഉടൻ മറ്റു കോഴികളിൽനിന്നും മാറ്റി നിർത്തണം. മരുന്ന് മൃഗാശുപത്രിയിൽനിന്നും വാങ്ങണം.

അസുഖം വന്ന് കോഴി ചത്ത് പോകുകയാണെങ്കിൽ ഉടൻ തന്നെ മൃഗാശുപത്രിയിൽ എത്തിച്ച് പോസ്റ്റ്മോർട്ടത്തിന് വിധേയമാക്കേണ്ടതും രോഗനിർണയത്തിന് അനുസരിച്ച്‌ മരുന്ന് മറ്റുള്ള കോഴികൾക്ക് നൽകുകയും വേണം.


Share our post

Kannur

ചുരത്തിൽ നിയന്ത്രണം വിട്ട ലോറി സംരക്ഷണ വേലിയിൽ തട്ടിനിന്നു; ഒഴിവായത് വൻദുരന്തം

Published

on

Share our post

കോഴിക്കോട്: താമരശ്ശേരി ചുരത്തിൽ ടയർപൊട്ടി നിയന്ത്രണംവിട്ട ലോറി സംരക്ഷണ വേലിയിൽ തട്ടിനിന്നു, ഒഴിവായത് വൻ ദുരന്തം. താമരശ്ശേരി ചുരം ഒൻപതാം വളവിലാണ് സംഭവം. ടയർ പൊട്ടി നിയന്ത്രണം വിട്ട ലോറി റോഡിൽനിന്ന് തെന്നിമാറി സുരക്ഷാ വേലി തകർത്തു. കൊക്കയിൽ ചാടാതെ തലനാരിഴക്കാണ് വൻ അപകടത്തിൽനിന്ന് ലോറി രക്ഷപ്പെട്ടത്. ലോറിയുടെ മുൻഭാഗത്തെ ഒരു വശത്തെ ടയർ പുറത്തുചാടിയ നിലയിലാണ്. വയനാട് ഭാഗത്തുനിന്ന് കോഴിക്കോട് ഭാഗത്തേക്ക് വന്ന ലോറിയാണ് അപകടത്തിൽപ്പെട്ടത്.


Share our post
Continue Reading

Kannur

കണ്ണൂർ-ദമാം ഇൻഡിഗോ സർവീസ് 15 മുതൽ

Published

on

Share our post

മട്ടന്നൂർ : കണ്ണൂർ വിമാനത്താവളത്തിൽനിന്ന് ദമാമിലേക്ക് ഇൻഡിഗോയുടെ സർവീസ് 15 -ന് തുടങ്ങും.

ഞായർ, തിങ്കൾ, ബുധൻ, വെള്ളി ദിവസങ്ങളിലാണ് സർവീസുകൾ. കണ്ണൂരിൽനിന്ന് രാത്രി 12.25-ന് പുറപ്പെട്ട് 2.40-ന് ദമാമിലെത്തും. തിരികെ 3.40-ന് പുറപ്പെട്ട് രാവിലെ 10.30-ന് കണ്ണൂരിൽ എത്തുന്ന വിധത്തിലാണ് സർവീസ്. 12,800 രൂപ മുതലാണ് ടിക്കറ്റ് നിരക്ക്.

കണ്ണൂർ-ദമാം സെക്ടറിൽ എയർഇന്ത്യ എക്സ്‌പ്രസും സർവീസ് നടത്തുന്നുണ്ട്. ആഴ്ചയിൽ മൂന്നുദിവസമാണ് സർവീസ്. കണ്ണൂരിൽനിന്ന് മസ്കറ്റ്, ഫുജൈറ എന്നിവിടങ്ങളിലേക്ക് കഴിഞ്ഞ മാസം ഇൻഡിഗോ സർവീസ് തുടങ്ങിയിരുന്നു. ദോഹ, അബുദാബി എന്നിവിടങ്ങളിലേക്കും ഇൻഡിഗോ സർവീസുകൾ നടത്തുന്നുണ്ട്.

Share our post
Continue Reading

Kannur

നിക്ഷേപത്തട്ടിപ്പ്; രാഹുൽ ചക്രപാണിക്കെതിരേ മുഖ്യമന്ത്രിക്ക് പരാതി

Published

on

Share our post

കണ്ണൂർ : മൾട്ടി സ്റ്റേറ്റ് കോ-ഓപ്പറേറ്റീവ് സൊസൈറ്റിയുടെ മറവിൽ വിവിധ പേരുകളിൽ അനധികൃത ധനകാര്യസ്ഥാപനങ്ങൾ തുടങ്ങി നിക്ഷേപത്തട്ടിപ്പ് നടത്തിയ രാഹുൽ ചക്രപാണിക്കെതിരേ മുഖ്യമന്ത്രിക്കും ഇഡിക്കും സെൻട്രൽ രജിസ്ട്രാർ ഫോർ കോ-ഓപ്പറേറ്റീവ് സൊസൈറ്റിക്കും പരാതി നൽകാൻ തീരുമാനിച്ചതായി കർമസമിതി ഭാരവാഹികൾ പത്രസമ്മേളനത്തിൽ പറഞ്ഞു.

നിക്ഷേപകർക്ക് പണം കിട്ടാൻ നടപടി സ്വീകരിക്കണമെന്നും സാമ്പത്തികതട്ടിപ്പ് കേസുകൾ കൈകാര്യം ചെയ്യുന്ന വിഭാഗത്തെ കേസ് അന്വേഷിക്കാൻ നിയമിക്കണമെന്നും ആവശ്യപ്പെട്ട് മേയ് 26-ന് ജില്ലാ പോലീസ് കമ്മിഷണർക്ക് പരാതി നൽകിയിരുന്നു. അദ്ദേഹം അനുകൂല നിലപാടാണ് സ്വീകരിച്ചത്.

13 പരാതി സ്വീകരിച്ച് എല്ലാ പോലീസ് സ്റ്റേഷനുകളിൽനിന്ന്‌ റിപ്പോർട്ട് തേടിയശേഷം നടപടിയുണ്ടാകുമെന്ന് അറിയിക്കുകയും ചെയ്തു. എന്നാൽ പോലീസ് സ്റ്റേഷനുകളിൽനിന്ന് പ്രത്യേകിച്ച് ടൗൺ പോലീസ് സ്റ്റേഷൻ എസ്എച്ച്ഒയിൽനിന്ന് വളരെ മോശം പ്രതികരണമാണുണ്ടായത്. അവധികൾ കേട്ടുമടുത്ത നിക്ഷേപകർ പല പോലീസ് സ്റ്റേഷനുകളിലായി നിരവധി പരാതികൾ നൽകിയിട്ടുണ്ട്. പലതവണ ജയിലിൽ കിടന്ന ചക്രപാണി മാസങ്ങൾ കഴിയുമ്പോൾ ജാമ്യം കിട്ടി പുറത്തിറങ്ങാറാണ് പതിവ്. നിക്ഷേപകരുടെ പണം തിരിച്ചുകിട്ടാനുള്ള നടപടിയും ഇതുവരെ ഉണ്ടായിട്ടില്ല. ഗത്യന്തരമില്ലാതെയാണ് കർമസമിതി രൂപവത്കരിച്ചതെന്നും ഭാരവാഹികൾ പറഞ്ഞു.

മലബാർ മൾട്ടി സ്റ്റേറ്റ് ആഗ്രോ കോ-ഓപ്പറേറ്റീവ് സൊസൈറ്റി, റോയൽ ട്രാവൻകൂർ ഫാർമേഴ്സ് പ്രൊഡ്യൂസേഴ്‌സ് കമ്പനി ലിമിറ്റഡ്, റോയൽ ട്രാവൻകൂർ നിധി ലിമിറ്റഡ്, കനറാ ഫിഷ് ഫാർമേഴ്‌സ്, പ്രൊഡ്യൂസേഴ്‌സ് കമ്പനി എന്നീ പല പേരുകളിൽ സ്ഥാപനങ്ങൾ തുടങ്ങിയാണ് തട്ടിപ്പ് നടത്തിത്. തൊഴിലില്ലാത്ത യുവതീയുവാക്കളെ പരസ്യത്തിലൂടെ ജോലിക്ക് തിരഞ്ഞെടുത്ത് അവരുടെ ബന്ധുക്കളുടെയും സുഹൃത്തുക്കളുടെയും പണമാണ് നിക്ഷേപമെന്നപേരിൽ മുഖ്യമായും തട്ടിയെടുത്തത്. കൂടാതെ വിമുക്തഭടന്മാരെയും ജോലി വാഗ്ദാനം ചെയ്തത് കബളിപ്പിച്ചിട്ടുണ്ട്.

വിരമിക്കുമ്പോൾ കിട്ടുന്ന സംഖ്യ മുഴുവനും നിക്ഷേപമായി വാങ്ങി അവരെ ബ്രാഞ്ച് മാനേജർമാരായി നിയമിക്കുകയും ഒടുവിൽ കാലാവധി കഴിയുമ്പോൾ തുക തിരിച്ചുനൽകാതിരിക്കുകയുമാണ് ചെയ്തത്.


Share our post
Continue Reading

Trending

error: Content is protected !!