അസാപ് കേരളയിൽ ചീഫ് ഫിനാൻസ് ഓഫീസർ ഒഴിവ്, പ്രതിദിനം 6000 രൂപ ശമ്പളം
തിരുവനന്തപുരം: ഉന്നത വിദ്യാഭ്യാസ വകുപ്പിന്റെ നൈപുണി വികസന സംരംഭമായ അസാപ് കേരളയിൽ ‘ചീഫ് ഫിനാൻസ് ഓഫീസർ’ തസ്തികയിലേക്ക് കരാർ അടിസ്ഥാനത്തിൽ നിയമനത്തിനുള്ള അപേക്ഷ ക്ഷണിച്ചു.
താൽപ്പര്യമുള്ള ഉദ്യോഗാർത്ഥികൾ www.asapkerala.gov.in എന്ന വെബ്‌സെറ്റിലോ അല്ലെങ്കിൽ സെന്റർ ഫോർ മാനേജ്‌മെന്റ് ഡെവലപ്‌മെന്റ് (CMD), തിരുവനന്തപുരം (www.kcmd.in) എന്ന വെബ്‌സൈറ്റിൽ നൽകിയിരിക്കുന്ന നിർദ്ദിഷ്ട അപേക്ഷാ ഫോം പൂരിപ്പിച്ചോ ഓൺലൈൻ വഴി മാത്രം അപേക്ഷിക്കുക.
ഓൺലൈൻ അപേക്ഷ സമർപ്പിക്കാനുള്ള അവസാന തീയതി 2023 മേയ് 10 വൈകിട്ട് 5 മണി. ബി.കോം (ഒന്നാം ക്ലാസ്), സി എ, ഐ സി ഡബ്ളിയു എ യോഗ്യതയുള്ള 10 വർഷത്തിൽ കുറയാത്ത പ്രവർത്തി പരിചയമുള്ളവർക്ക് അപേക്ഷിക്കാം. ദിവസം 6000 രൂപയാണ് വേതനം.
