എം.ഡി.എം.എയുമായി പ്രതി കമ്മീഷണര്‍ ഓഫീസില്‍ പിടിയില്‍; എത്തിയത് ബിനാലെയ്ക്ക് ക്ഷണിക്കാനെന്ന് വിശദീകരണം
കോഴിക്കോട്: ലഹരിക്കടത്തുകാരനെ പോലീസ് കമ്മീഷണര്‍ ഓഫീസില്‍ നിന്ന് എക്സൈസ് പിടികൂടി. കണ്ണൂര്‍ മുഴപ്പിലങ്ങാട് സ്വദേശി ഒമര്‍ സുന്‍ഹര്‍ ആണ് അറസ്റ്റിലായത്. ബിനാലെയ്ക്ക് ക്ഷണിക്കാനെന്ന വ്യാജേനയാണ് ഇയാള്‍ കമ്മീഷണര്‍ ഓഫീസിലെത്തിയത്.
എക്സൈസ് ഇന്‍സ്‌പെക്ടര്‍ കെ. സുധാകരന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ ഇയാളുടെ ഇന്നോവ ക്രിസ്റ്റ കാര്‍ പിന്തുടരുകയായിരുന്നു എക്സൈസ് സംഘം.
എക്സൈസ് പിന്തുടരുന്നത് മനസിലാക്കിയ ഒമര്‍, വാഹനം കമ്മീഷണര്‍ ഓഫീസിലേക്ക് കയറ്റുകയായിരുന്നു. ബിനാലെയ്ക്ക് ക്ഷണിക്കാന്‍ വന്നതാണെന്നായിരുന്നു ഇയാള്‍ പോലീസ് ഉദ്യോഗസ്ഥരോട് പറഞ്ഞത്.
എന്നാല്‍, പിന്നാലെയെത്തിയ എക്സൈസ് സംഘം പോലീസിനെ വിവരം അറിയിക്കുകയും ഇയാളെ പിടികൂടുകയുമായിരുന്നു. 15-ാം ഗ്രാം എം.ഡി.എം.എയാണ് ഇയാളില്‍ നിന്ന് പിടിച്ചെടുത്തത്.
