ഇടുക്കിയില്‍ അയ്യപ്പ ഭക്തരുടെ വാഹനം മറിഞ്ഞ് അപകടം; 15 പേര്‍ക്ക് പരിക്ക്
ഇടുക്കി: കുട്ടികാനത്തിന് സമീപം അയ്യപ്പ ഭക്തരുടെ വാഹനം മറിഞ്ഞ് 15 പേര്‍ക്ക് പരിക്കേറ്റു.തിരുവണ്ണാമലയില്‍ നിന്നും ശബരിമലക്ക് പോയ വാഹനമാണ് അപകടത്തില്‍ പെട്ടത്.
നാലുപേരെ പീരുമേട് താലൂക്കാസ്പത്രിയിലേക്ക് മാറ്റി. മറ്റെല്ലാവരെയും സ്വകാര്യ ആസ്പത്രിയില്‍ പ്രാഥമിക ചികിത്സകള്‍ നല്‍കി.ആരുടെയും നില ഗുരുതരമല്ല.
വാഹനം റോഡരുകില്‍ തന്നെ മറിയുകയായിരുന്നു. വളഞ്ഞങ്ങാനം വളവില്‍ ആണ് അപകടം നടന്നത്.
