Connect with us

Kannur

ചിറക്കൽ ചാ‌മുണ്ഡിക്കോട്ടം പെരുങ്കളിയാട്ടം:ഭക്തജനത്തിരക്ക്, കൊടിയിറക്കം നാളെ

Published

on

Share our post

ചിറക്കൽ : ചാമുണ്ഡിക്കോട്ടത്ത് നാലരപ്പതിറ്റാണ്ടിനു ശേഷം നടക്കുന്ന പെരുങ്കളിയാട്ടത്തിനു ഭക്തജനത്തിരക്കേറി. കോലത്തു‌നാടിന്റെ സർവൈശ്വര്യങ്ങൾക്കു കാരണമെന്നു വിശ്വസിച്ചിരുന്ന മുപ്പത്തൈവർ തെയ്യങ്ങളാണു പെരുങ്കളിയാട്ടത്ത‌ിൽ കെട്ടിയാടുന്നത്.

വീരൻ, വീരാളി, തീച്ചാമുണ്ഡി, പുതിയ ഭഗവതി, ഭദ്രകാളി, കരിങ്ക‌ുട്ടി ശാസ്തൻ, സോമേശ്വരി അമ്മ, പാടിക്കുറ്റി അമ്മ, ഇളങ്കരുമകാൻ, പുതുർവാടി, യക്ഷി തെയ്യങ്ങളാണ് ഇന്നലെ കെട്ടിയാടിയത്. ഉച്ചയ്ക്കും രാത്രിയിലുമായി അന്നദാനത്തിൽ നാൽപതിനായിരത്തിലേറെ പേർക്കു ഭക്ഷണം വിളമ്പി.

സാംസ്കാരിക ‌പരിപാടികളിൽ ഡോ.പ്രശാന്ത് വർമ കോഴിക്കോട് നയിച്ച മാനസ ജപലഹരി, കൈരളി ചാരിറ്റി ആൻഡ് കൾചറൽ സൊസൈറ്റി അവതരിപ്പിച്ച ചിത്രയവനിക എന്ന സാമൂഹിക നാടകം എന്നിവയുണ്ടായി. 101 വാദ്യകലാകാരന്മാർ അണിനിരന്ന പാണ്ടിമേളവും കണ്ണൂരിനു പുതുമയായി. ‌

മട്ടന്നൂർ ശ്രീകാന്ത് മാരാർ, മട്ടന്നൂർ ശ്രീരാജ് മാരാർ, ചിറക്കൽ നിധീഷ് മാരാർ എന്നിവരുടെ നേതൃത്വത്തിലായിരുന്നു മേളപ്പെരുക്കം. ഇന്നു വൈകിട്ട് 5.30ന് സാംസ്കാരിക സമ്മേളനവും 7 മുതൽ കേരളത്തിന്റെ നാടൻ കലാരൂപങ്ങളുടെ നേർക്കാഴ്ചയൊരുക്കുന്ന സംസ്കൃതി പരിപാടിയും നടക്കും.

പെരുങ്കളിയാട്ടത്തിൽ ഇന്ന്

രാവിലെ 6.30ന്: ഗുളികൻ തെയ്യം

7.30ന്: കളരിയാൽ ഭഗവതി, ക്ഷേത്രപാലകൻ

10.00ന്: ആറാടിക്കൽകോലസ്വരൂപത്തിൽ തായി അടിച്ചുതളി തോറ്റം

11ന്: കൂത്ത്

ഉച്ചയ്ക്ക് 12.30: അന്നദാനം

2.30ന്: കോലസ്വരൂപത്തിൽ തായി തോറ്റം

4.00ന്: പുലിച്ചാമുണ്ഡിയുടെ തോറ്റം

5.00ന്: ഉച്ചിട്ട തോറ്റം

7.00ന്: തോട്ടുങ്കര ഭഗവതി തോറ്റം

8.00ന്: കരുവാൾ ഭഗവതി തോറ്റം

9.00ന്: എടലാപുരത്ത് ചാമുണ്ഡി തോറ്റം

10.00ന്: കോലസ്വരൂപത്തിൽ തായി അന്തിത്തോറ്റം

തുടർന്ന് കൊടിയില തോറ്റം

ഞായറാഴ്ച പുലർച്ചെ

2.00ന്: തോട്ടുങ്കര ഭഗവതി തെയ്യം

3.00ന്: കരുവാൾ ഭഗവതി തെയ്യം

4.00ന്: പുലിച്ചാമുണ്ഡിയുടെ പുറപ്പാടും തീവണക്കവും

5.00ന് ഉച്ചിട്ട തെയ്യം

7.00ന് രക്തചാമുണ്ഡി

7.30ന്: കളരിയാൽ ഭഗവതി, ക്ഷേത്രപാലകൻ


Share our post

Kannur

കണ്ണൂരിൽ കീപാഡ് ഫോൺ പൊട്ടിത്തെറിച്ച് 68കാരന് പൊള്ളലേറ്റു

Published

on

Share our post

കണ്ണൂരിൽ കീപാഡ് ഫോൺ പൊട്ടിത്തെറിച്ച് 68കാരന് പൊള്ളലേറ്റു. കണ്ണൂർ ശ്രീകണ്ഠാപുരത്താണ് സംഭവം. കേരള ബാങ്കിന്റെ ശ്രീകണ്ഠപുരം ശാഖയിലെ കലക്‌ഷൻ ഏജന്റായ ചേപ്പറമ്പിലെ ചേരൻവീട്ടിൽ മധുസൂദനനാണ് പൊള്ളലേറ്റത്. ബാങ്ക് റോഡിലെ ചായക്കടയിൽ വച്ചാണു സംഭവം. കീ പാഡ് ഫോണാണ് പൊട്ടിത്തെറിച്ചത്. ചെറിയ തോതിൽ തീ പടർന്ന ശേഷം ഷർട്ട് കത്തുകയായിരുന്നു. ചായക്കടയിലുണ്ടായിരുന്നവർ ഉടനേ വെള്ളമൊഴിച്ചു തീ അണക്കുകയായിരുന്നു. പിന്നാലെ 68കാരൻ കൂട്ടുമുഖം സിഎച്ച്സിയിൽ ചികിത്സ തേടുകയായിരുന്നു. പൊള്ളൽ ഗുരുതരമല്ലെന്നാണ് വിവരം. എന്നാൽ ഷർട്ട് കത്തി നശിച്ചു.


Share our post
Continue Reading

Kannur

നിറയെ നിറക്കാഴ്ചകൾ താരമായി ഇരപിടിയൻ സസ്യങ്ങൾ

Published

on

Share our post

കണ്ണൂർ:പുഷ്‌പോത്സവത്തിലെ പ്രധാന ആകർഷണമായി ഇരപിടിയൻ സസ്യങ്ങൾ. ഇരകളെ ആകർഷിച്ച് കെണിയിൽ വീഴ്‌ത്തി ആഹാരമാക്കുന്ന സഞ്ചിയോടുകൂടിയ ഇനങ്ങളാണ്‌ ഉള്ളത്‌ (കാർണിവോറസ്‌). അകത്തളങ്ങൾക്ക്‌ ഭംഗികൂട്ടാനുള്ള ഇൻഡോർ ഹാങ്ങിങ് പ്ലാന്റ്‌ അലങ്കാരച്ചെടികളിൽ താരം ഇരപിടിയനാണ്‌. ചൈനയിൽനിന്ന്‌ ഇറക്കുമതിചെയ്‌ത ഇനമാണ്‌ പുഷ്‌പോത്സവത്തിലെത്തിച്ചത്‌. പ്രാണികൾ, പല്ലി, ചെറിയ എലികൾ എന്നിവയെ കെണിയിൽ വീഴ്‌ത്തി ആഹാരമാക്കും. വളരാൻ വളം ഒട്ടും വേണ്ടെന്നതും വെള്ളം മതിയെന്നതും ഇവ അകത്തളങ്ങളെ പ്രിയങ്കരമാക്കുന്നു. സ്‌നേഹസംഗമം ഇന്ന്‌ വ്യത്യസ്‌തമേഖലകളിൽ കഴിവു തെളിയിച്ച ഭിന്നശേഷിക്കാരെ ശനി രാവിലെ 10ന്‌ പുഷ്‌പോത്സവ നഗരിയിൽ ആദരിക്കും. എം. വിജിൻ എം.എൽ.എ ഉദ്‌ഘാടനംചെയ്യും. പകൽ 2.30ന്‌ മുതിർന്നവർക്കുള്ള വെജിറ്റബിൾ കാർവിങ് മത്സരം. വൈകിട്ട്‌ നാലിന് പുഷ്‌പാലങ്കാര ക്ലാസ്‌. ആറിന്‌ നൃത്തസംഗീത സന്ധ്യ.


Share our post
Continue Reading

Kannur

വരച്ചുനിറഞ്ഞ് ചിത്രകാരക്കൂട്ടം

Published

on

Share our post

പഴയങ്ങാടി:കണ്ണൂർ കോട്ടയും തെയ്യവും കൈത്തറിയും പൂരക്കളിയും തുടങ്ങി കണ്ണൂരിന്റെ മുഖങ്ങളെല്ലാം ക്യാൻവാസിൽ പകർത്തി. പുഴയോരത്ത് കണ്ടൽക്കാടുകളെ നോക്കി ചിത്രകാരന്മാർ നിറം പകർന്നു. ഏഴിലം ടൂറിസവും വൺ ആർട് നേഷനുംചേർന്ന് നടത്തിയ ‘ഉപ്പട്ടി; കണ്ടൽക്കടവിലൊരു കൂട്’ ചിത്രകലാ ക്യാമ്പ് കാഴ്ചകളാൽ സമ്പന്നമായിരുന്നു. കേരളത്തിലെ വിവിധ ജില്ലകളിലെ ചിത്രകാരന്മാർ, ശിൽപ്പിയും ചിത്രകാരനുമായ കെ.കെ.ആർ വെങ്ങരയുടെ നേതൃത്വത്തിലാണ് ഒത്തുചേർന്നത്. കണ്ണൂരിന്റെ ടൂറിസം ഭൂപടത്തെ പകർത്തുക എന്നതായിരുന്നു 25 ചിത്രകാരന്മാരുടെ ദൗത്യം. ക്യാമ്പിൽ ഒരുങ്ങിയത് കലാകാരന്മാരുടെ അവിസ്മരണീയ സൃഷ്ടികളായിരുന്നു. വരച്ചചിത്രങ്ങൾ ഏഴിലം ടൂറിസത്തിന് കൈമാറിയാണ് അവർ മടങ്ങിയത്. കല്യാശേരി ബ്ലോക്ക് പഞ്ചായത്ത് പ്രസിഡന്റ് പി.പി ഷാജിർ ക്യാമ്പ് ഉദ്ഘാടനംചെയ്തു. ഏഴിലം ടൂറിസം ചെയർമാൻ അബ്ദുൾഖാദർ പനക്കാട് അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് ഡി.വിമല, ഏഴിലം എം.ഡി.ഇ വേണു, ആർട്ടിസ്റ്റ് സി.പി വത്സൻ, ധനേഷ് മാമ്പ, ഏഴോം പഞ്ചായത്ത് പ്രസിഡന്റ് പി ഗോവിന്ദൻ, എം.കെ സുകുമാരൻ, എം.പി ഗോപിനാഥൻ, കെ. മനോഹരൻ എന്നിവർ സംസാരിച്ചു.


Share our post
Continue Reading

Trending

error: Content is protected !!