സമസ്ത പൊതുപരീക്ഷയിൽ മുരിങ്ങോടി നൂറുൽ ഹുദാ മദ്രസക്ക് നൂറു ശതമാനം വിജയം
പേരാവൂർ: സമസ്ത കേരള ഇസ്ലാം മത വിദ്യാഭ്യാസ ബോർഡ് നടത്തിയ 2022-23 മദ്രസ പൊതുപരീക്ഷയിൽ മുരിങ്ങോടി നൂറുൽ ഹുദാ മദ്രസക്ക് നൂറു മേനി വിജയം.
അഞ്ചാം ക്ലാസിൽ രണ്ട് ടോപ്പ് പ്ലസ്,ഡിസ്റ്റിങ്ങ്ഷൻ ആറ്,ഫസ്റ്റ് ക്ലാസ് 26,സെക്കൻഡ് ക്ലാസ് ഒൻപത് എന്നിങ്ങനെ പരീക്ഷയെഴുതിയ 43 പേരും വിജയികളായി.
ഏഴാം ക്ലാസിൽ ടോപ്പ് പ്ലസ് രണ്ട്,ഡിസ്റ്റിങ്ങ്ഷൻ പത്ത്,ഫസ്റ്റ് ക്ലാസ് 11,സെക്കൻഡ് ക്ലാസ് മൂന്ന്,തേർഡ് ക്ലാസ് ഒന്ന് എന്നിങ്ങനെ പരീക്ഷയെഴുതിയ 27 പേരും വിജയിച്ചു.
പത്താം ക്ലാസിൽ ഫസ്റ്റ് ക്ലാസ് ഏഴ്,സെക്കൻഡ് ക്ലാസ് മൂന്ന്,തേർഡ് ക്ലാസ് ഒന്ന് എന്നിങ്ങനെ 11 പേരും പ്ലസ്ടുവിൽ പരീക്ഷയെഴുതിയ നാലു പേരുംഫസ്റ്റ് ക്ലാസും നേടിയാണ് മദ്രസക്ക് നൂറുമേനി വിജയം നേടിക്കൊടുത്തത്.
സമസ്ത പൊതു പരീക്ഷയിൽ കാക്കയങ്ങാട് റേഞ്ചിൽ ഏറ്റവും കൂടുതൽ ടോപ് പ്ലസും ഏറ്റവും കൂടുതൽ ഡിസ്റ്റിങ്ങ്ഷനും ഏറ്റവും കൂടുതൽ ഫസ്റ്റ് ക്ലാസും മുരിങ്ങോടി മദ്രസക്കാണ്.
