ഒടുവിൽ, പാടിയുണർത്താൻ ഉഠോ ബാബ ക​ണ്ണൂ​രി​ലെ​ത്തി

ക​ണ്ണൂ​ർ: ‘മാ​ഹേ റം​സാ​ൻ ജാ​ഗേ ല​ഗാ ഹേ… ​ഖ​വാ​ലി ഗാ​നാ ഗാ ​ര​ഹാ ഹേ’… ​റ​മ​ദാ​നി​ൽ കേ​ട്ടു​മ​റ​ന്ന ഈ ​ഗാ​നം ക​ണ്ണൂ​രു​കാ​ർ​ക്ക് ഇ​നി വീ​ണ്ടും കേ​ൾ​ക്കാം. റ​മ​ദാ​ൻ മാ​സം ദ​ഫും ചീ​ന​യു​മാ​യെ​ത്തു​ന്ന ഉാ​ഠോ ബാ​ബ വീ​ണ്ടും ക​ണ്ണൂ​രി​ലെ​ത്തി. മൂ​ന്നു വ​ർ​ഷ​ത്തി​നു​ശേ​ഷ​മാ​ണ് ഉ​ഠോ ബാ​ബ​മാ​രെ​ത്തു​ന്ന​ത്.

കോ​വി​ഡ് കാ​ര​ണം ക​ഴി​ഞ്ഞ മൂ​ന്നു വ​ർ​ഷം ഉ​ഠോ ബാ​ബ​മാ​ർ​ക്ക് എ​ത്താ​നാ​യി​രു​ന്നി​ല്ല. ഇ​ത്ത​വ​ണ റ​മ​ദാ​നി​ലെ തു​ട​ക്ക​ത്തി​ലെ​ത്താ​തി​രു​ന്ന​പ്പോ​ൾ ഇ​ക്കു​റി​യും ഉ​ണ്ടാ​കി​ല്ലെ​ന്നാ​ണ് ക​രു​തി​യ​തെ​ങ്കി​ലും ര​ണ്ടാം​പാ​തം തു​ട​ങ്ങി​യ​തോ​ടെ എ​ത്തു​ക​യാ​യി​രു​ന്നു.

ആ​ന്ധ്ര​യി​ലെ ചി​റ്റൂ​ർ സ്വ​ദേ​ശി ജാ​വേ​ദാ​ണ് ഇ​ത്ത​വ​ണ പാ​ട്ടു പാ​ടി​യു​ണ​ർ​ത്താ​ൻ എ​ത്തി​യി​രി​ക്കു​ന്ന​ത്. പ​ണ്ട് ക​ണ്ണൂ​രു​കാ​ർ അ​ത്താ​ഴ​ത്തി​നാ​യി ഉ​റ​ക്ക​മു​ണ​ർ​ന്നി​രു​ന്ന​ത് ഉ​ഠോ ബാ​ബ​മാ​രു​ടെ ഗാ​നം കേ​ട്ടാ​യി​രു​ന്നു.

അ​റ​ക്ക​ൽ രാ​ജ​ഭ​ര​ണ​കാ​ല​ത്ത് രാ​ജാ​വി​ന്റെ നി​ർ​ദേ​ശ​പ്ര​കാ​രം ഇ​ത​ര​സം​സ്ഥാ​ന​ത്തു നി​ന്നു​ള്ള​വ​ർ ക​ണ്ണൂ​രി​ൽ വ​രു​മാ​യി​രു​ന്നു.

മു​മ്പ് റ​മ​ദാ​നി​ലെ ഓ​രോ ദി​വ​സ​വും ഉ​ഠോ ബാ​ബ​മാ​ർ അ​റ​ക്ക​ലി​ൽ നി​ന്ന് സം​ഘ​ങ്ങ​ളാ​യി ന​ഗ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ലേ​ക്ക് നോ​മ്പെ​ടു​ക്കു​ന്ന വി​ശ്വാ​സി​ക​ളെ പു​ല​ർ​ച്ച വീ​ടു​ക​ളി​ലെ​ത്തി വി​ളി​ച്ചു​ണ​ർ​ത്താ​ൻ ദ​ഫു​മാ​യി പോ​വു​മാ​യി​രു​ന്നു. പൂ​ർ​വി​ക​ർ തു​ട​ങ്ങി​വെ​ച്ച ശീ​ലം മാ​റ്റ​മി​ല്ലാ​തെ തു​ട​രു​ക​യാ​യി​രു​ന്നു. പ​ക​ൽസ​മ​യ​ങ്ങ​ളി​ൽ വീ​ടു​ക​ളി​ൽനി​ന്ന് സ​കാതും അ​രി​യും സാ​ധ​ന​ങ്ങ​ളും ല​ഭി​ക്കു​മാ​യി​രു​ന്നു.

ആ​ളു​ക​ളെ എ​​ഴു​ന്നേ​ൽ​പ്പി​ക്കാ​ൻ ക്ലോ​ക്ക്, അ​ലാ​റം പോ​ലെ​യു​ള്ള സം​വി​ധാ​ന​ങ്ങ​ൾ വ​ന്ന​തോ​ടെ ഉ​ഠോ ബാ​ബ​മാ​രു​ടെ സേ​വ​ന​ത്തി​ന്റെ പ്ര​സ​ക്തി കു​റ​ഞ്ഞെ​ങ്കി​ലും ത​ങ്ങ​ൾ ഹൃ​ദ​യ​ത്തി​ലേ​റ്റി​യ പ​ഴ​യ പാ​ര​മ്പ​ര്യം ക​ണ്ണൂ​രു​കാ​ർ ഇ​​പ്പോ​ഴും തെ​റ്റാ​തെ നി​ല​നി​ർ​ത്തു​ക​യാ​ണ്. ക​ണ്ണൂ​ർ​സി​റ്റി, തോ​ട്ട​ട, ആ​ദി​ക​ട​ലാ​യി ഭാ​ഗ​ങ്ങ​ളി​ലാ​ണ് ഉ​ഠോ ബാ​ബ​മാ​ർ എ​ത്താ​റു​ള്ള​ത്.