Connect with us

Breaking News

ആണുങ്ങൾ അടുക്കളയിൽ പെർഫക്ട്‌ ഒകെ, പെണ്ണുങ്ങൾ ഡബിൾ ഹാപ്പി

Published

on

Share our post

പിണറായി: ആട്ടവും പാട്ടുമായി രാവുപകലാക്കി പെണ്ണുങ്ങളും ഇവർക്കായി അടുക്കളയിൽ രുചിവിഭവമൊരുക്കി ആണുങ്ങളും. അടുക്കള ആണിന്റേതുകൂടിയാണെന്ന പ്രഖ്യാപനം നടത്തുകയാണ് വനിതാദിനത്തിൽ പിണറായി വെസ്റ്റിലെ പുരുഷന്മാർ. അടുക്കളയും അരങ്ങും ആണിനും പെണ്ണിനുമൊരുപോലെ അവകാശപ്പെട്ടതാണെന്ന സമഭാവന പങ്കുവച്ച് സി മാധവൻ സ്മാരക വായനശാലയുടെ പെണ്ണരങ്ങ്.

വനിതാദിനത്തിൽ രാത്രിയിൽ നടത്തിയ പരിപാടി വേറിട്ട അനുഭവമായി. ചെണ്ടയിൽ കൊട്ടിക്കയറിയും ഡിജെ മ്യൂസിക്കിനൊപ്പം ചുവടുവച്ചും പെണ്ണുങ്ങൾ വനിതാദിനം ആഘോഷിച്ചപ്പോൾ പുരുഷന്മാരെല്ലാം അടുക്കളയിൽ കയറി. പല പുരുഷന്മാരും ആദ്യമായാണ് ഭക്ഷണം പാചകം ചെയ്തത്.

പുട്ട്, ചപ്പാത്തി, ഓംലെറ്റ്, ചോറ്, ഇഡ്ഡലി, കുറുമക്കറി, തക്കാളിക്കറി, ചിക്കൻ കറി തുടങ്ങി നിരവധി വിഭവങ്ങളാണ് പുരുഷന്മാർ തയ്യാറാക്കിയത്.പെണ്ണരങ്ങിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് പി. പി ദിവ്യ ഉദ്ഘാടനംചെയ്തു.

അമ്പതിലേറെ തവണ രക്തദാനം നടത്തിയ ടി ടി റംല, സംരംഭകയും സ്ത്രീശക്തി പുരസ്ക്കാര ജേതാവുമായ ചലന, ഫോക് ലോർ അവാർഡ് ജേതാവ് സൗമിനി പടിക്കൽ, അഡ്വ. സജിത, കവയിത്രി അഞ്ജലി, ചിത്രകാരി സി ടി ശ്രുതി പ്രകാശൻ, സൈക്ലിങ്‌ താരം ഷാഹിന, സംസ്ഥാന എൻ .എസ് .എസ് പ്രോഗ്രാം ഓഫീസർ അവാർഡ് നേടിയ കെ .ഷീന, ഗായിക കൃഷ്ണഗീത, സൗമിനി കോളാട്, കെ തനയ എന്നിവർ അനുഭവങ്ങൾ പങ്കുവച്ചു.

വി. റീന മോഡറേറ്ററായി. കെ വിമല അധ്യക്ഷയായി. ഷൈന സനൽ സ്വാഗതം പറഞ്ഞു. പുലർച്ചെ ചെണ്ടകൊട്ടി രാത്രി നടത്തത്തോടെ പെണ്ണരങ്ങ്‌ സമാപിച്ചു.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!