ശ്രീ​ക​ണ്ഠ​പു​രം: കാ​ല​ത്തി​ന്റെ ചു​വ​രു​ക​ളി​ൽ ചോ​ര ചി​ന്തി ച​രി​ത്രം​ര​ചി​ച്ച സേ​ലം ജ​യി​ൽ വെ​ടി​വെ​പ്പി​ന് 73 വ​യ​സ്സ്. വി​പ്ല​വ​വീ​ര്യ​ത്തി​ൽ ഏ​റ്റു​വാ​ങ്ങി​യ വെ​ടി​യു​ണ്ട​യും പേ​റി ഡെ​യ്ഞ്ച​ർ ക​മ്യൂ​ണി​സ്റ്റ് ഇ​ന്നും ജീ​വി​ക്കു​ന്നു. കാ​വു​മ്പാ​യി​യി​ലെ ഇ.​കെ. നാ​രാ​യ​ണ​ൻ ന​മ്പ്യാ​രാ​ണ് (100) ച​രി​ത്ര​സ​ത്യം വീ​റോ​ടെ ഇ​ന്നും പ​റ​യു​ന്ന​ത്.

ജ​ന്മി-​നാ​ടു​വാ​ഴി പോ​രാ​ട്ട​ത്തി​നി​ടെ 1946 ഡി​സം​ബ​ർ 30ന് ​കാ​വു​മ്പാ​യി സ​മ​ര​ക്കു​ന്നി​ൽ അ​ഞ്ചു ക​ർ​ഷ​ക​പോ​രാ​ളി​ക​ളെ​യാ​ണ് എം.​എ​സ്.​പി സം​ഘം കാ​വു​മ്പാ​യി സ​മ​ര​ക്കു​ന്നി​ൽ വെ​ടി​വെ​ച്ചു​കൊ​ന്ന​ത്. 180 പ്ര​തി​ക​ളാ​യി​രു​ന്നു കേ​സി​ലു​ണ്ടാ​യി​രു​ന്നത്.

105 പേ​രെ പി​ടി​കൂ​ടി ശി​ക്ഷി​ച്ചു. കാ​വു​മ്പാ​യി സ​മ​ര​ത്തി​ന്റെ ഭാ​ഗ​മാ​യ​തി​നാ​ൽ നി​ര​വ​ധി പേ​രെ വേ​ട്ട​യാ​ടി പി​ടി​കൂ​ടി​യ​തി​നി​ടെ​യാ​ണ് ഇ.​കെ. നാ​രാ​യ​ണ​ൻ ന​മ്പ്യാ​രും പൊ​ലീ​സി​ന്റെ പി​ടി​യി​ലാ​യ​ത്.

ആ​ദ്യം ത​ളി​പ്പ​റ​മ്പ്, കോ​ഴി​ക്കോ​ട് സ​ബ് ജ​യി​ലു​ക​ളി​ലും ശി​ക്ഷ വി​ധി​ച്ച​ശേ​ഷം വെ​ല്ലൂ​ർ, സേ​ലം ജ​യി​ലു​ക​ളി​ലും ക​ഴി​യേ​ണ്ടി​വ​ന്നു ഈ ​വി​പ്ല​വ​കാ​രി​ക്ക്. 1950 ഫെ​ബ്രു​വ​രി 11ന് ​സേ​ലം ജ​യി​ലി​ൽ ന​ട​ന്ന പൊ​ലീ​സ് വെ​ടി​വെ​പ്പി​ൽ നാ​രാ​യ​ണ​ന് വെ​ടി​യേ​റ്റു. സെ​ല്ലി​ന​ക​ത്ത് മു​ദ്രാ​വാ​ക്യം​വി​ളി​ച്ച​തി​ന് നി​രാ​യു​ധ​രാ​യ സ​മ​ര​നാ​യ​ക​ർ​ക്കു​നേ​രെ പൊ​ലീ​സ് വെ​ടി​യു​തി​ർ​ക്കു​ക​യാ​യി​രു​ന്നു.

പി​താ​വ് ത​ളി​യ​ൻ രാ​മ​ൻ ന​മ്പ്യാ​ര​ട​ക്കം 22 ക​ർ​ഷ​ക​പോ​രാ​ളി​ക​ൾ ജ​യി​ലി​ന​ക​ത്ത് വെ​ടി​യേ​റ്റ് മ​രി​ച്ചു​വീ​ണ ദു​ര​ന്ത​കാ​ഴ്ച​ക്ക് നാ​രാ​യ​ണ​ൻ ന​മ്പ്യാ​ർ സാ​ക്ഷി​യാ​യി. 148 പേ​ർ​ക്ക് അ​ന്ന് പ​രി​ക്കേ​റ്റി​രു​ന്നു. അ​ന്ന് ത​റ​ച്ച വെ​ടി​യു​ണ്ട​യു​ടെ ചീ​ളു​ക​ൾ ഇ​ന്നും നാ​രാ​യ​ണ​ൻ ന​മ്പ്യാ​രു​ടെ കാ​ലി​ൽ കാ​ണാ​നു​ണ്ട്. വെ​ടി​വെ​പ്പി​നു​ശേ​ഷം പ​രി​ക്കേ​റ്റ​വ​ർ​ക്ക് നാ​മ​മാ​ത്ര ചി​കി​ത്സ ന​ൽ​കി.

തു​ട​ർ​ന്ന് സേ​ലം ജ​യി​ലി​ൽ​ത​ന്നെ മ​റ്റൊ​രു സെ​ല്ലി​ലാ​ണ് നാ​രാ​യ​ണ​ന​ട​ക്ക​മു​ള്ള​വ​രെ പാ​ർ​പ്പി​ച്ച​ത്. സെ​ല്ലി​ന് ഡെ​യ്ഞ്ച​ർ ക​മ്യൂ​ണി​സ്റ്റ് എ​ന്ന ബോ​ർ​ഡും സ്ഥാ​പി​ച്ചി​രു​ന്നു.

പ്ര​തി​ഷേ​ധാ​ഗ്നി​യു​മാ​യി പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു​വെ​ന്ന കാ​ര​ണ​ത്താ​ലാ​ണ് നാ​രാ​യ​ണ​നെ​യും മ​റ്റും ഡെ​യ്ഞ്ച​ർ ക​മ്യൂ​ണി​സ്റ്റു​ക​ളെ​ന്ന് മു​ദ്ര​കു​ത്തി പ്ര​ത്യേ​ക സെ​ല്ലി​ൽ പാ​ർ​പ്പി​ച്ച​ത്. 1952ൽ ​രാ​ജാ​ജി മു​ഖ്യ​മ​ന്ത്രി​യാ​യ​തോ​ടെ നാ​രാ​യ​ണ​ന​ട​ക്ക​മു​ള്ള​വ​രെ ക​ണ്ണൂ​ർ ജ​യി​ലി​ലേ​ക്കു മാ​റ്റി.

ഏ​റെ​ക്കാ​ല​ത്തി​നു​ശേ​ഷം ത​ട​വി​ൽ​നി​ന്നു മോ​ച​നം ല​ഭി​ച്ചു. ജ​ന്മി-​നാ​ടു​വാ​ഴി ക​ർ​ഷ​ക​പോ​രാ​ട്ട​ത്തി​ന്റെ ജ്വ​ലി​ക്കു​ന്ന ഓ​ർ​മ​യി​ലാ​ണ് ജീ​വി​ത​സാ​യ​ന്ത​ന​ത്തി​ലും ഇ.​കെ. നാ​രാ​യ​ണ​ൻ എ​ന്ന ഡെ​യ്ഞ്ച​ർ ക​മ്യൂ​ണി​സ്റ്റ്.

മ​ക​ൻ ഗ​ണേ​ശ​ന്റെ ഭാ​ര്യ തി​രു​വ​ന​ന്ത​പു​ര​ത്ത് ഭ​ക്ഷ്യ​മ​ന്ത്രി​യു​ടെ ഓ​ഫി​സ് ജീ​വ​ന​ക്കാ​രി​യാ​ണ്. ഇ​വ​രു​ടെ വീ​ട്ടി​ലാ​ണ് ഇ​ദ്ദേ​ഹം നി​ല​വി​ലു​ള്ള​ത്.